Yehesikieli 18:7 - Wunta Mempori

⁷ nahi pompokonsii mia susua, mokuleo ginadeno mia, nahi porontu maupo hapa, mompaka mia mokoninggo, moweeakono sangka mia kolambe-lambe,

Yehesikieli 18:7 ပူးပေါင်းရင်းမြစ်များ

Nehemia 5:10

Ongkue mbo'u, luwuno pepaekompoku ka miaku mposabo kamimo doi ka gandu ndi ondae. Po'ineeomo tomempahihio pasuado atuu!

Ayubi 22:6

Hangano, po'ehemumo koa montarima pogade inso a mpepaekompomu, ka morontu sangkado mia mongkokolaro;

Ayubi 24:3

Kalideno elu-elu ipolaisakono, ka sapi waino pine'ueno asa tuwu beine itarimao gagi pe'inia,

Ayubi 24:9

Nana'ote nahina amano inala inso a uono ineno ka nana'otedo mia mongkokolaro tinarima gagi pe'inia.

Po'unde-unde 112:4

A laro wongi-wongi saba mewine tiano mia mentee; onae me'aroa ka mompehohawa, ka moleo.

Po'unde-unde 112:9

Saru pe'aroano onae montia-tia a mia mongkokolaro; poweweuno anu moiko nahi bali ranta nahina tampulaano, tandu rosono pinoko'ondau a laro marambaa.

Po'unde-unde 41:1

Tiano petewawado anu mpenani. Penani po'unde-undeno i Daudi.

Peluarakoa 22:25

Tewala omue mompesaboako doi a asa mia inso a bawaa-Ku, mia mongkokolaro i olomiu, si poweweu kana mia mpopebungaako doi ndi onae, si mpo'ema bungano ndi onae.

Peluarakoa 22:26

Tewala mansako mo'ala lemba meloeno pe'asa miamu gagi pe'inia, asalakono pokuleo ndi onae napi sumoo oleo,

Peluarakoa 23:9

Si pokonsii ira mia mehawe, i mento'oriomo aroano mia hawe, nde maupo omiu ndi'ipua mia koa mbo'u mehawe i wita Masiri.

Powadi 14:31

Isema mompokonsii mia anu molema, mompokongkodei anu Mokogagio, sine isema me'aroa a mia mongkokolaro, umunde-unde Ira.

Powadi 28:27

Isema mompowee a mia mongkokolaro nahi ta mompemakura, sine mia anu tumutuwio matano ta tedoa tinotonaa.

Powadi 28:8

Mia anu mokohadioakono bungano doi ke untu arataano, pumpuo atuu tiano mia anu mehohawao mia molema.

Powadi 3:31

Si mosisiriakono mia anu lambaha, ka si pobiniki maupo te'asa inso a mpesalaano,

Yesaya 1:17

impepagurumo mpoweweu moiko; teahakonomo moleoa, pabawai iramo mia lambaha; weeako iramo tiado nana'ote nahina amado, teahakonomo kara-karado tuwu beine!

Yesaya 33:15

Mia anu tuwu a laro menteea, anu mepau a menteeano, anu nahi pontarima untu hasilino pompokonsiia, anu metapisakono kaeno, ka si pontarima pompowee nahi pototono, anu umonsoo birino, ka si rongeo tinoo po'uwua rea, anu mepusu, ka si kitao wineweu mosa'o,

Yesaya 5:7

Hangano lere anggoro-Do Ueno luwuakoano onaemo sukudo to Isaraeli, ka to Yehuda onaemo bonde anu inehe-Do; Dosikorio moleoa, sine butu lambaha anu hinao, Dosikorio menteea, sine butu marisua anu hinao.

Yeremia 22:3

Kanandiomo pau-Do i Ue: Weweuomo moleoa ka menteea, potolaomo anu rinontu inso a ngkaeno anu bobarasaio. Si pompokonsii ka si bobarasai ira mia mehawe, nana'ote nahina amano ka tuwu beine, ka si mbo'u po'uwu reano mia nahina salano a mpo'ianga andio.

Yehesikieli 16:49

Kitao, ndiomo salano Sodomo, akamu anu lalu mongura atuu: pompelangka-langkai, kaanga anu hadio ntu'u, ka sanaano tumuwu kongko ndi onae ka luwuno anano beine, sine onae nahi pontulungi mia marasai ka mongkokolaro.

Yehesikieli 18:12

mompokonsii mia marasai ka mongkokolaro, morontu, nahi pokuleo ginadeno mia, mo'aroo matano a luwuno lahumoa ka moweweu anu mokoburu,

Yehesikieli 18:16

nahi pompokonsii mia susua, nahi po'ema pogade, nahi porontu hapa-hapa, mompaka mia mokoninggo, moweeakono sangka mia kolambe-lambe,

Yehesikieli 18:18

Amano, anu mo'ala komba tiano, hinao rinontuno, ka weweu ira anu nahi moiko i tonga-tongano tongkuno, mentee ntu'u, onae ta mate hangano salano.

Yehesikieli 33:15

mia mosa'o gauno atuu mokuleo ginadeno mia, umowahio euno rinontuno, tumondao luwuno atora anu mompowee tuwua ranta nahi poweweu molengku mbo'u, onae manasa tuwu, nahi ta mate.

Yehesikieli 7:23

Patindao pompongu, hangano wita atuu bukeako pasua rea ka kota atuu buke pobobarasaia.

Danieli 4:27

Gagi, oo mokole, po'ineeomo patuduku andio ipemoikoo i aroamiu ueku: ipoweweumo moleoa ka itepotolamo koroimiu inso a hala, ka ipopokitaomo pompehohawa a mia anu tepokonsii. Ba kanatuu me'uraamiu ueku ta motilalo!”

Imama 19:13

Si mporontu a pe'asa miamiu nahi pototono ka si mporontu. Siimo unaao tambono asa mia mo'angga asa oleo hawe tisomo.

Imama 19:15

Si memolengku a mpopaua kara-kara: si mpo'alaako mia mongkokolaro ke mentondao po'ehedo mia langkai potorono, sine asalakono impopau mentee kara-karado pe'asa miamiu.

Imama 25:14

Tewala hinao inasamiu a mpe'asa miamiu ke mpo'oli inso ndi onae, si hina anu rugi i olomiu.

Amosi 2:6

Kanandiomo pau-Do i Ue, ”Hangano otolu wineweuno Isaraeli anu mosa'o, ke opaa, nahi Aku balio mbo'u pomputusi-Ku. Ondae me'asa ira mia mentee hangano doi ka mia mongkokolaro hangano asa pasa sandala.

Amosi 2:8

Ondae mpepombole i horino sompo meda pontunua pesomba a wawo sangka ginadedo mia, ka me'inuo anggorodo mia anu medinenda a raha-Do Ue Alado.

Amosi 3:10

”Nahi domponto'ori mpoweweu anu mentee,” kanadiomo pau-Do i Ue, ”Ondae mpompokonsii ka pobobarasai i luwuno bentedo.”

Amosi 6:3

Hei omiu, anu mpotae olai oleo masolaa, sine weweuo pabawa pobobarasai tekense umpeda;

Mika 2:1

Memasola ira ntu'u mia anu mposongka mosa'oa ka mpoweweu tinoo mosa'o a mpoturiano. Mansano mewanta towea, domeweweuo, hangano hinao pabawa a ngkaedo.

Mika 3:2

hei omiu anu umo'aliaakono moleoa ka anu kumekewoio mosa'oa? Omiu anu mpoberi kuli ngkoroido tongkuku ka ihi inso a luwuno wukudo,

Sepanya 1:9

Ia oleo atuu Aku humukuo luwuno mia anu melonsokio montoweano pewowa ka buketiakono pobobarasaia ka pompopo'oo rahano uedo.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I LUKASI 3:11

Isangki ira, ”Ba isema hinao orua lembano, ka itiaakono anu nahina, ka ba isema anu hinao kaanga, ka iweweu mbo'u kanatuu.”

Winali 24:17

Sirontuo tiano mia hawe ka nana'ote nahina amano. Si alao mbo'u sangkano asa mia tuwu beine gagi pegade.