Yehesikieli 17:3 - Wunta Mempori

³ Potaemo, Kanandiomo pau-Do Ue Ala: Asa manu-manu rajawali langkai anu mepani langkai ka ondau, buke wuluno mpesora-sora aiwa a ntorukuno Libano. Ka onae mo'ala sampano keu arasi,

Yehesikieli 17:3 ပူးပေါင်းရင်းမြစ်များ

Yeremia 24:1

Ondae i Ue mopokitao ndi ongkue, mentee ntu'u, orua karandi wua ara ninaa i arono Raha-Do i Ue. Mongkona atuu gagi umarino i Nebukanesa, mokole i Babeli, wawa ira a pontadia i Yekonia ana ntamano i Yoyakimi, mokoledo to Yehuda, saru luwuno mia pinemota'udo to Yehuda, puu mpo'angga, saru anu pande mo'angga labu inso i Yerusale ka wawa ira i Babeli.

Yeremia 4:13

Kitao, onae mewuatako kana seru, luwuno karetano kana angi mokora, ngarano magasiopo sekono rajawali. Memasola kitamo, hangano mempinepate kita!

Yeremia 48:40

Hangano kanandiomo pau-Do i Ue: Menteeano, onae menee mompalari kana manu-manu rajawali ka wileo panino i wawono Moabi.

Yeremia 49:16

Pelelumu anu mompokodoito ka pompelangka-langkaino aroamu onaemo mopo'ooko, oo omue anu mo'ia a laro aano watu, anu mentoroki ira punsuno pongku! Maupo upoweweu senomu kana mantandeno senono manu-manu rajawali, Aku motiiko inso i ra'ai, kanandiomo pau-Do i Ue.

Ponsabangi 4:19

Anu melulu kami memagasi irapo sekono manu-manu rajawali i laromeene domelulu kami a wawo ntorukuno, mentowoki kami i pada one.

Yehesikieli 17:4

ipuduo mumuno anu lalu i untuno; ka iwawao i asa wita po'asa-asaa, ka i'amba numaao a ngkota pebalu-balua.

Yehesikieli 17:7

Hinao mbo'u manu-manu rajawali langkai anu susua, mepani langkai ka mewulu mokapa. Kitao, keu anggoro andio mo'aro ira hakano a manu-manu atuu ka weroo luwuno sampano a manu-manu atuu, ka i'inuwoi inso a bede pahoano.

Yehesikieli 31:3

Kitaomo Asuri, i ndi'ipua keu arasi i Libano, mesampa tekosi ka melewe marombo; keuno tedoa ondau, punsuno i olono laro nseru.

Danieli 2:38

A ngkaemiu ueku Dopeweengakonomo luwuno anano mia isuamo koa dompo'ia, luwuno kondehora a mpada ka manu-manu i laro meene, ka omiu ueku Doweweu komiu gagi pabawaio luwuno atuu. Omiumo ueku uluno tinaha inso a wulaa atuu.

Danieli 4:22

omiumo atuu ueku, oo mokole. Omiu ueku tetiangiomo langkai ka moroso, marambamiu ueku tetiangi hawe i langi, ka pabawamiu hawe i tompano tolino!

Danieli 7:4

Anu amba-ambano rupano kana asa singa ka mepaniako panino manu-manu rajawali. Kukitao mpiha ranta ka itebuta panino ka onae tetande inso a wita. Onae pinontade a orua karuno kana mia, ka ndi onae pinoweeako aroano mia.

Hosea 8:1

Puuriomo tawuwua! Tepatinda kana rajawali a wawo raha-Do i Ue! Hangano domelinggeiomo pedandia-Ku ka me'ewaio pompaguru-Ku.

Habaku 1:8

Ngarado magasiopo sekono santiwali, ka memasii irapo sekono serigala i tempono wongi. Sorodadudo anu mpengara mpokopa-kopa; sorodadudo anu mpengara me'aiwa inso i olaiano, mpenee kana singko anu montiu kaanga.

I MATIU 24:28

Ba isua hinao anu mate, i tu'ai dompenggowo manu-manu singko.”

I MATIU 4:24

Ka tepalele iramo i asa wawo wita Siria ka mewinawa iramo luwuno mia anu nahi moiko teweweudo, anu memarasaiako mperupa-rupa haki ka tebobarasaia, anu pinewinsokino onitu nsa'o, anu matewula ka anu puungku, ka Do'amba i Yesu mokotompa ira.

Winali 28:49

Ondae i Ue Ira montenaakomiu asa tongku inso i olaiano, inso i tompano tolino. Tongku atuu kana rajawali anu montiu ka pauno nahi imento'orio.