Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yehesikieli 17:23 - Wunta Mempori

23 A wawo ntorukuno Isaraeli anu ondau onae Aku pahoo, ka imesampa hadio ka mewua gagi keu arasi anu moiko. Luwuno rupano manu-manu ka luwuno anu mepani mpo'ia i totono; ondae mpe'engo-engo i totono luwuno sampano.

အခန်းကိုကြည့်ပါ။ ကော်ပီ




Yehesikieli 17:23
34 ပူးပေါင်းရင်းမြစ်များ  

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.


Oo Ue Ala Anu Tedoa Pabawa, Ipokotompa kamimo, weweuomo rupa-Miu mewanta, ka kami ntekadudui.


Karuno maramere mopute, melanda a empehi wulaa mpena. Tadeno koroino kana Torukuno Libano, tebiniki kana ira keu arasi.


Ta gagi a oleo pokotampulaano: torukuno po'iangano raha-Do i Ue ta mentade lumaloio punsuno luwuno torukuno ka kontasi-tasi i wawono luwuno pongku; luwuno tongku ta hadio ntu'u melako i ra'ai,


A oleo anu ta hawe, i Yako ta mehaka, Isaraeli ta gagi hadio ka mentumba ka wawontolino ibuketiakono hasilino.


Pengkitamo ngkoraane limbu-limbu ka kitaomo, luwudo me'aiwa mpepumpu ndi omue. Me'empehiako Ongkue anu tuwu, kanandiomo pau-Do i Ue, mentee ntu'u, luwudo kopake ira ka upeweweakono gagi ramba-ramba, kana anu wineweuno umbungkoroi beine.


Ira me'aiwa mpeboo-booli a wawo pongku Sioni, rupado ta mewanta hangano moiko-Do i Ue, hangano gandu, anggoro ka lana, hangano bawaano ana bembe bimba ka sapi; tuwudo ta kana lere bunga anu inuwoi, nahi ira memarasai mbo'u.


Hangano, a wawo ntorukuno-Ku anu mempori, a wawo ntorukuno Isaraeli anu ondau, kanandiomo pau-Do Ue Ala, i ra'ai, i wita atuu, luwuno suku Isaraeli luwuno ira mpesomba ndi Ongkue. I ra'ai Aku memoiko komiu ka i ra'ai Aku tumuntuo inso ndi omiu luwuno pesomba pinesusua luwuno pesomba kaanga anu tebiniki, saru luwuno anu pinokomemporimiu.


A sampa motutuno mpeseno luwuno manu-manu i laro meene, i totono sampano luwuno kondehora mo'ila mpe'ana; ka luwuno tongku langkai mpe'engo i totono.


Sine omiu, luwuno torukuno Isaraeli, ta wali mentumba ka mompowee wua tiado bawaa-Ku Isaraeli, hangano ira ronga mpekule.


a laro luwuno pongkita-Do i Ue i wita Isaraeli ka Donaa aku a wawo asa torukuno anu ondau ntu'u. I wawono atuu, i selatano, hinao asa anu kana kota.


Poko'ariano i Danieli aiwa me'aro ndi ongkue, i Danieli anu nineeako i Beletasasari montonda neeno pinesombaiku ka anu bukeako penaado pinesombai anu mempori. Ka ku'amba tumutuluakono mo'ipi atuu:


Hei Beletasasari, petewawado anu pande mpebali-bali mata! Kuto'orio nine omue bukeako penaado pinesombai anu mempori, ka nine nahina rahasia pinemotungkomu! Onaemo pu'uno, ndiomo tutuluno pongkitano mo'ipi anu hinaweku; tutuluakunemo pengkonaano.


Luwuno sampano ta tetiangi hadio, mewantano ta kana keu saitu ka mana mo'ahino kana hadio keu Libano.


Ira mpo'ia mbo'u a laro mpe'engoa-Ku ka mentuwu kana gandu; ira ntetiangi kana keu anggoro, anu telele kana anggoro Libano.


Ta gagi a luwuno oleo pokotompa: Torukuno raha-Do i Ue ta mentade lumaloio punsuno luwuno torukuno ka kontasi-tasi mantande i wawono luwuno pongku; luwuno tongku ira mpetonda-tonda raane,


Lano wuku mpinopaho atuu anu lalu kodei inso a luwuno rupano wuku mpinopaho, sine ba tuwuomo, rawoho atuu langkaiopo sekono inahu anu susua, tendeano gagi keu ranta manu-manu i laro meene aiwa mpeseno a sampa-sampano.”


Sine tewala rinawo, onae tuwu ka gagi langkaiopo sekono anu mehano ka moluarako hadio sampano anu langkai, ranta manu-manu i laro meene mpokompeseno a laro mpe'engoano.”


Onae pinotundaako wuku rawoho, anu inala ka irawoo mia a lereno; wuku rawoho atuu tuwu ka igagi keu ka manu-manu i laro meene mpeseno a sampa-sampano.”


Kupauakomiu: Menteeano tewala wuku gandu nahi tedonta a wita ka mate, onae asa wuku koa mpiha; sine tewala onae mate, ta mewua hadio.


Mongkona anu andio nahina to Yahudi ke to Yunani, nahina ata ke mia maradeka, nahina tama ke beine, hangano luwumiu aasa koa ndi Ondae i Kerisituu Yesu.


mongkona andio nami hina mbo'u to Yunani ke to Yahudi, mia metindi ke mia nahi petindi, to Barabara ke to Sikiti, ata ke mia maradeka, sine luwuno Ondae i Kerisituu ka a luwuakoano.


Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ