Yehesikieli 17:16 - Wunta Mempori

¹⁶ A nee-Ku anu tuwu, kanandiomo pau-Do Ue Ala, onae manasa mate i Babeli, a mpo'iangano mokole anu motoroo gagi mokole. Hangano, onae me'uru-uruo sumpa anu inemano mokole inso ndi onae ka humapuo pedandiano mokole atuu saru onae.

Yehesikieli 17:16 ပူးပေါင်းရင်းမြစ်များ

2 Samueli 21:2

Ka i'amba mokole moboi ira to Gibeo ka ipotaeako ira. To Gibeo atuu nahi dontewinso to Isaraeli, sine tewinso a toreado to Amori ka maupo to Isaraeli mpesumpa iramo ndi ondae, i Saulu montoo ta rumopu ira a laro po'anggaano gagi tiado to Isaraeli ka Yehuda.

2 Mokole 24:17

Ka i'amba mokole i Babeli motoroo i Matania, maamano i Yoyakini gagi mokole umeuo ka umeuo neeno gagi i Sedekia.

2 Mokole 24:20

Mentee ntu'u, hanganomo tekuda-Do i Ue kai gagi kanatuu i Yerusale ka Yehuda, ranta Dotadi ira inso i aro-Do. Ka i'amba i Sedekia umewaio mokoledo to Babeli.

Po'unde-unde 15:4

anu me'uru-uruo mia anu tekona ipine'uru-uru, sine melangkaio mia anu doitoako Ira i Ue; anu me'ini a sumpa, maupo rugi;

Peluarakoa 20:7

Si mempauo nee-Do i Ue, Ue Alamu, mondeenomo koa, nde Ondae i Ue mokonsalao mia anu pauo nee-Do mondeenomokoa.

Peluarakoa 8:2

Tewala nahi ubehe motola ira, Aku mompotii tumpa kai buke witamu andio.

Yeremia 34:21

I Sedekia mbo'u, mokoledo to Yehuda, saru luwuno mia pinemota'udo Aku meweengako ira mbo'u a ngkaeno iwalido, a ngkaedo mia anu momporaakono penaado ka a ngkaedo sorodaduno mokole i Babeli anu binta komiu.

Yeremia 39:7

Umarino atuu matano i Sedekia ipokomorawuo, ka i'amba ponguakono rante mala ka iwinawa i Babeli.

Yeremia 52:11

Ipokomorawuo matano i Sedekia ka ponguakono rante mala. Ka i'amba onae winawa i Babeli iwawao mokole i Babeli ka numaao a raha pohukua hawe oleo mateano.

Yehesikieli 12:13

Aku tuma'oo buani-Ku gagi rakoano ka i larono dampa-Ku onae ta te'uko. Aku wawao i Babeli, witado to Kasidimi, sine wita atuu nahi ta kumitao. I ra'aimo onae ta mate.

Yehesikieli 16:59

Hangano, kanandiomo pau-Do Ue Ala: Aku weweuo ndi omue kana anu wineweumu mongkona pomperuanahi sumpa saru mehapuakono pedandia.

Yehesikieli 17:10

Kitao, one lano pinaho, sine nde ta koa mompowee hasili? Nde onae nahi ta moleu mokari tewala i'aluo angi sabaano oleo? Onae ta moleu mokari a bede po'iangano tuwu atuu.”

Yehesikieli 17:13

Ka i'amba umalao asa mia anu inso a inuleno mokole, moweweu pedandia saru onae, ka weweuo ka ipesumpa. Onae umala ira mbo'u mia mempabawa i wita atuu,

Yehesikieli 21:23

Pinau anu nahi manasa atuu nahi mentee a pongkitado palilino Yerusale anu mpesumpa iramo mpetenunu ndi onae; sine ipewowoloo salado, onaemo ka domerinako.

Hosea 10:4

Kopau-pau ira, mpesumpa nahi mentee mpoweweu pedandia; songka montonda po'ehedo kana pinopaho merasu a banga-bangano lere.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

Podoaa 30:2

Tewala asa tama montanga ke mesumpa ndi Ondae i Ue, ranta ka ipedandi, asalakono nahi moiko ilimpaio pauno atuu; asalakono iweweuo kana anu pinauno.

ROMA 1:31

nahi domponto'ori mpompewowolo, nahi dompetenunu, nahi dompompehohawa, nahi dompe'aroa.

1 TIMOTIU 1:10

tiano mia belesu ka mewowaliako pe'asa ntamano, tiano anu mompolaisako, tiano anu megaupi, tiano mia mesumpa megaupi ka luwuakoano anu nahi penunu saru pompaguru mentee

2 TIMOTIU 3:3

nahi domponto'ori mpompehohawa, nahi domebehe mpesintuwu, inehedo popau mosa'o ira mia, nahi sabara, marantekuda, nahi domebehe anu moiko,

Yosua 9:20

Kanandiomo ba toweweu ira: Po'ineomo domentuwu, kasi tomemasola hangano sumpa, anu tontepo'asaakonomo.”