Masola ntu'u tongku anu tehala, bawaa anu bukeako sala, inuledo mia anu melolambaha, mia anu mpoweweu mokoburu! Domebinta Ira i Ue, tumata Ira Anu Tedoa Mempori, Ue Alado to Isaraeli, ka mpewolili mpebungkui Ira.
Kanandiomo pau-Do i Ue: Hapa anu nahi moleo hinawedo uempu'umiu ndi Ongkue, ranta ka dome'olaia-Kune, tumonda ira pinesombai susua anu nahina tuduno, ka ondaedo gagi nahina tuduno?
I larono asa wula kuliahakono otolu puu mpopakambi. Ka i'amba nahi kupokompeteao mbo'u aroaku a asa bawaa bembe bimba atuu, ka ondae nte'osa iramo ndi ongkue.
Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:
Ondaemo anu mpompepaukiako, mara mpontuluri, umo'aliaako Ira Ue Ala, nahi domponto'ori gau, mpompelangka-langkai, mpehamba-hamba, mempande a wineweu mosa'o, nahi dompomperorongeako a mia mota'u,
Omiu mbo'u anu i ndi'upua mentuwu olai inso ndi Ondae Ue Ala ka anu mpe'iwaliako Ira i laro aroa ka pinewowolo kana anu mengkaa a mpoweweumiu anu mosa'o,