Yehesikieli 14:3 - Wunta Mempori

³ ”Hei anano mia, mia andiodo mponsu'u lahumoado i laro aroado ka menaao i arodo watu tetidua, pepu'uano salado. Nde ira mpo'ema pontisoke ndi Ongkue?

Yehesikieli 14:3 ပူးပေါင်းရင်းမြစ်များ

2 Mokole 3:13

Motae i Elisa ndi mokoledo to Isaraeli, ”Hapake orusuaku saru omiu? Lakomo a luwuno nabido amamiu ka inemiu.” Sumangki mokoledo to Isaraeli ndi onae, ”Naahi, hangano Ondaemo i Ue anu moboi ira otolu mokole andio, ka domempineweengako a ngkaedo to Moabi!”

Po'unde-unde 101:3

Mataku nahi behe mongkita pompokonsiia; poweweu anu pansia ku'o'aliaakono, komba ku'ineheakono.

Po'unde-unde 66:18

Ande-andeno hinao tinoo mosa'o i laro aroaku, manasa Ondae i Ue nahi Dobehe rumongeo.

Powadi 15:29

Ondae i Ue atuu olai inso a mia mosa'o gauno, sine pekakaino mia mentee Dorongeo.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 21:27

Pesombano mia mosa'o gauno atuu mokoburu, tamoako mbo'u tewala pinesombaako a ntinoo anu mosa'o.

Powadi 28:9

Isema anu wolilio birino ka si rongeo songka, pekakaino mbo'u mokoburu.

Yesaya 1:15

Tempono imentineo kaemiu, Aku wolilio rupa-Ku tendeano maupo temararu impekakai, nahi Aku merorongeakono, hangano kaemiu bukeako rea.

Yesaya 33:15

Mia anu tuwu a laro menteea, anu mepau a menteeano, anu nahi pontarima untu hasilino pompokonsiia, anu metapisakono kaeno, ka si pontarima pompowee nahi pototono, anu umonsoo birino, ka si rongeo tinoo po'uwua rea, anu mepusu, ka si kitao wineweu mosa'o,

Yeremia 11:11

Onaemo pu'uno kanandiomo pau-Do i Ue: Menteeano, Aku mompotiiako ira masolaa anu nahi dompokompeliahako. Tewala mpeboo-booli ira ndi Ongkue, nahi Aku merorongeako ira.

Yeremia 17:9

Aroa atuu hadio akalano lumaloio luwuakoano, ka nahi tepomule; isema anu mokonto'orio?

Yeremia 21:2

”Pesikenoakamimo pontiso-Do i Ue, hangano i Nebukanesa, mokole i Babeli, meteaa kami! Bara'ura Ondae i Ue Ira weweua kami mengkena kana luwuno wineweu-Do anu kinohali-haliako, ka ibinta kami i Nebukanesa.”

Yehesikieli 11:21

Sine mongkona ondae, anu aroado metako a luwuno lahumoa ka luwuno wineweudo anu mokoburu, Aku dumunsiako ira peleludo a uludo, kanandiomo pau-Do Ue Ala.”

Yehesikieli 14:2

Haweomo pau-Do i Ue ndi ongkue,

Yehesikieli 14:4

Onaemo pu'uno, pepaumo ndi ondae ka potae: Kanandiomo pau-Do Ue Ala: Sompo mia inso a nsuku Isaraeli anu monsu'u lahumoa i laro aroano ka monaa i arono watu tetidua, pepu'uano salado, ka i'amba aiwa tepohaweakono nabi, ka Ongkue, Ue, anu sumangkio hangano lahumoano anu hadio,

Yehesikieli 14:7

Hangano sompo mia, moiko inso a nsuku Isaraeli maupo puu mpebalu-balu anu mo'ia i tonga-tongado to Isaraeli, anu pansia inso ndi Ongkue ka sumu'u ira lahumoano i laro aroano ka monaa i arono watu tetidu, pepu'uano salado, ka i'amba aiwa tepohaweakono nabi ta mo'emaakono pontiso ndi Ongkue, ka Ongkue isa'a, Ue, Aku sumangkio.

Yehesikieli 20:16

Hangano, nahi domentarimao luwuno atora-Ku ka nahi domentuwu montonda luwuno pompakosi-Ku saru mengkokoburutio luwuno oleo Saba-Ku; mentee ntu'u aroado metondao luwuno lahumoado.

Yehesikieli 20:3

”Hei anano mia, pepaumo a luwuno mia memota'udo to Isaraeli ka potaeako iramo: Kanandiomo pau-Do Ue Ala: Nde komiu me'aiwa mpo'ema pontisoke inso ndi Ongkue? A nee-Do i Ue anu tuwu, nahi Kubehe komiu mpo'ema pontiso inso ndi Ongkue, kanandiomo pau-Do Ue Ala.

Yehesikieli 20:31

Imewawao luwuno pesombamiu onaemo anamiu anu impesombaakono gagi pesomba a laro api, koroimiu imengkokoburutiakono luwuno lahumoamiu hawe oleo andio. Ka i'amba nde da Aku beheke impo'ema pontiso ndi Ongkue, hei suku Isaraeli? A nee-Ku anu tuwu, kanandiomo pau-Do Ue Ala, nahi Kubehe mbo'u impo'emai Aku pontiso.

Yehesikieli 3:20

Tempono mia mentee mepokule inso a menteeno, ka ipoweweu molengku, ka Kuponaakono watu tetidua i arono, onae ta mate. Tewala nahi upauakono ntu'u, onae ta mate a laro halano ka luwuno wineweu mentee anu wineweuno nahi ta rinambe, sine Aku tumuntuo reano ndi omue.

Yehesikieli 33:30

Omue, anano mia, luwuno mia pe'asa tongkumu mempopauko umpeda a luwuno rere watu ka a mpewowano luwuno raha, ka mpepau pada ondaedo, singge mia a mpe'asa miano. Aiwamo ka rongeomo hapa anu pinau-Do i Ue!

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Yehesikieli 44:12

Dompekakaako iramo tongku i arodo luwuno lahumoado, ka a nsuku Isaraeli megagi iramo watu tetidua, anu dumontai ira a laro sala mpoweweu. Onaemo pu'uno, mesumpa Aku mongkona ondae, kanandiomo pau-Do Ue Ala, nine ira mentembio hukudo ondaedo.

Yehesikieli 6:9

I ra'ai, i tonga-tongano luwuno tongku, ba isua domewinawa gagi mia tinawa, luwuno mia anu tola inso i olomiu ira merambe Aku, tempono Kupokomahakiako ira ntu'u aroado anu mponsosabo atuu, anu me'olai iramo inso ndi Ongkue ka melimbao matado anu wela mponsosabo saru mentonda ira lahumoado. Ondae isa'a mekokowuereakono mengkitao mosa'oa anu wineweudo ka kumitao luwuno wineweudo anu mokoburu.

Yehesikieli 7:19

Salakado ta pinetadiako i bungkuno ka wulaado ta rineke tesosa'ai. Wulaa ka salakado nahi ta mokokadudui ira a oleo tekuda-Do i Ue. Nahi ira memowohiako onae ka kompodo nahi ta te'ihiiako onae. Hangano mongkona atuu gagi watu tetidua anu dumontai ira a laro salado.

Hosea 4:5

Omue kotebangku tetidu tempono meene ka nabi ta tetidu mbo'u merongaakomu i tempono wongi; inemu mbo'u Aku mepateo.

Sepanya 1:3

Aku rumoahio mia ka pinotuwu; Aku rumoahio luwuno manu-manu a laro meene ka bou a ntahi. Aku dumontai ira mia anu nahi tondao parenta-Ku ka mokotampulao mia inso i wawontolino, kanandiomo pau-Do i Ue.

Sakaria 7:13

”Mengkena kana nahi domperorongeakono tempono domempinoboi, kanatuumo mbo'u Ongkue nahi Kuperorongeakono i tempono dompepoboi, pau-Do Ueno luwuakoano.

I LUKASI 20:8

Ka motae Ira i Yesu ndi ondae, ”Tewala kanandio, komba Aku pauakomiu mbo'u saru pabawa inso i sua Kuweweuo luwuno atuu.”

EPESU 5:5

Hangano impewowoloomo andio temoiko: nahina mia belesu, mia anu mokoburu ke mia modoko, pengkonaano anu mesomba a lahumoa, anu mohawe tia a Poparentaa-Do i Kerisituu ka Ondae Ue Ala.

1 PETURU 2:8

Dontetiduario, hangano nahi domperorongeakono pau-Do Ue Ala; ka hangano atuu ondae mbo'u mempinatindaako iramo.

MENGKAAA 2:14

Sine Ongkue hinao ba opia nahi Kupemoikoo ndi omue: i olomiu hinao ba opia mia anu tumondao pompaguruno i Bilea, anu mompauakono i Bala ka ipopo'oo ira to Isaraeli, ka domengkaano pesomba a lahumoa ka mponsosabo.

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.