Yehesikieli 13:9 - Wunta Mempori

⁹ Aku tumandeo kae-Ku umewai ira nabi anu mpongkita mongkona anu mompopo'oo ka pau ira anu ta gagi nahi mentee. Ondae nahi moiko dompewinso a laro tepumpuado bawaa-Ku ka nahi ta teburi a laro buriado suku Isaraeli, ka nahi ira mpewinso mbo'u i wita Isaraeli. Ka komiu mento'orio nine Ongkuemo Ue Ala.

Yehesikieli 13:9 ပူးပေါင်းရင်းမြစ်များ

1 Mokole 13:18

Ka i'amba motae nabi mota'u atuu ndi onae, ”Ongkue mbo'u asa nabi kana omue. A mpetena-Do i Ue, asa Mala'eka mepau ndi ongkue: Wawaomo kai pekule saru omue i rahamu, ka ipongkaa roti ka mo'inu uwoi.” Kanandiomo igaupio.

Esera 2:59

Ndiomo luwuno mia anu mpekule inso i Teli-Mela, Teli-Harisa, Kerubi, Adani ka Imere, sine ondae nahi dompopokitao tondonino nine ondae tewinso inuledo to Isaraeli:

Nehemia 7:62

inuleno i Delaia, inuleno i Tobia, inuleno i Nekoda, nomo etu ka pato pulu ka orua mia;

Nehemia 7:64

Ondae atuu memparesao ba teburi needo a mpotudano tumuwu, sine hangano nahi domehaweo atuu, onaemo kadomepinokomengkaa nahi mempori gagi sando mpesomba.

Po'unde-unde 101:7

Mia anu mompopo'oo nahi ta mo'ia a laro rahaku, mia anu megaupi nahi ta polio mentade i aroku.

Po'unde-unde 69:28

Itiangiomo sala a nsala poweweudo, ka si mansa Ipokomentee ira!

Po'unde-unde 69:5

Mia anu me'o'aliaakune nahina pu'uno hadioopo sekono wuu a uluku; hadio ntu'u anu mingki mpepate aku, ondae onaemo iwaliku anu inehedo mpegaupi. Hapa anu nahi kurontuo, asalakonoke aku mokuleo?

Po'unde-unde 87:6

Ondae i Ue Ira moburi i tempono mebinuri luwuno tongku, ”Ondae andio mempine'anaako i ra'ai.” Sela

Po'unde-unde 95:11

Onaemo pu'uno, ka Kupesumpa a laro ntekuda-Ku, ”Nahi ira hori mpewinso a wita penaa-naaa-Ku.”

Yesaya 4:3

Mia anu tebinta i Sioni ka mia anu da mentuwu i Yerusale ira mempinau mempori, sompo mia anu teburi ta kongko tuwu i Yerusale.

Yeremia 14:15

Onaemo pu'uno, kanandiomo pau-Do i Ue mongkona nabi anu mpompau anu ta gagi a nee-Ku, kahinaano nahi Kutena ira. Ondae atuu mpotae, ’Peteaa ka mokoninggoa nahi ta umaluo wita andio.’ Nabi atuudo ira memateako ponai ka mokoninggoa!

Yeremia 17:13

Oo Ue, pomperorohiado to Isaraeli, luwuno mia anu mpebungkui Komiu ira mpohawe mokoko'ii; mia anu mepansia inso ndi Omiu ira mebinuri a awu wita, hangano dompebungkui Komiumo Ue, insoano uwoi anu tuwu.

Yeremia 23:20

Tekuda-Do i Ue nahi ta temonto, ranta ka Doweweuo ka mokogagio tinoono aroa-Do; A oleo pokotompa ka i'amba mento'orio ntu'u mongkona atuu.

Yeremia 4:9

”I tempo atuu, kanandiomo pau-Do i Ue, mokole ka luwuno mia pinemota'u ta tetadi rosodo; luwuno sando mpesomba ira ngkondoro-ndoro ka luwuno nabi ira ntekokodoho,

Yehesikieli 11:10

Komiu ntebangkuako ponai ka iwita Isaraeli Aku humuku komiu. Ka komiu mento'orio nine Ongkuemo Ue.

Yehesikieli 12:20

Luwuno kota anu da dompo'iangario mia ta gagi tekale-kale ka wita atuu ta gagi boni-boni; Ka ira mento'orio nine Ongkuemo Ue.”

Yehesikieli 13:14

Aku humoao rere watu anu kinapurumiu atuu ka mobangkuo a wita, ranta tengkita pondasino. Rere watuno kota atuu ta tehoa ka komiu memate i larono. Ka komiu mento'orio nine Ongkuemo Ue.

Yehesikieli 13:23

onaemo pu'uno omiu nahi mengkita ira mbo'u kara-kara anu mompopo'oo ka mempau ira anu ta gagi pegaupi; Aku motola ira bawaa-Ku inso a ngkaemiu. Ka komiu mento'orio nine Ongkuemo Ue.”

Yehesikieli 20:38

Aku monsiao inso ndi omiu luwuno mia anu umewa ka mpebungkui Aku. Aku wawa ira mpeluarako inso i wita andio, po'iangado gagi mia hawe, sine nahi ira mpewinso i wita Isaraeli. Ka komiu mento'orio nine Ongkuemo Ue.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

Hosea 4:5

Omue kotebangku tetidu tempono meene ka nabi ta tetidu mbo'u merongaakomu i tempono wongi; inemu mbo'u Aku mepateo.

Hosea 9:3

Nahi ira mpo'ia mpiha i wita-Do i Ue. I Eparai asalakono mekule i Masiri, ka i Asuri ira mpongkaa kaanga mokoburu.

Mika 3:5

Kanandiomo pau-Do i Ue a luwuno nabi, anu mokopansia ira tongkuku. Tewala hinao anu nginaino ngisido, ondae mpebooliako sintuwu. A mia anu nahi posimpuakono a ngangado, dome'oluakono mpetea.

Mika 3:6

Onaemo pu'uno luwuno ta gagi wongi ndi omue nahina tengkita, ka gagi wongi-wongi ndi omue mompau anu nahi manasa ta gagi, mata oleo ta sumooako ira nabi atuu, ka oleo gagi worikidi ndi ondae.

I LUKASI 10:20

Sine maupo kanatuu si mpo'unde hangano onitu nsa'o atuudo mpe'urumako ndi omiu, sine impo'undemo hangano neemiu hinao teburi i suruga.”

PILIPI 4:3

Tamoako, ku'emao mbo'u ndi omue Sunsugo, waliku anu metenunu: tulungi iramo. Hangano mo'angga iramo saru ongkue a pompalelea Lele Mawongkoa, meronga saru i Keleme ka wali-waliku pe'asa mpo'angga anu mehano, anu needo teburi a Wunta tuwua.

IBARANI 12:23

ka a bawaado ana aka, anu needo teburi i suruga, ka ndi Ondae Ue Ala, anu bitara ira luwuno mia, ka a mpenaado mia mentee anu gagi sompoomo,

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 19:20

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

MENGKAAA 20:12

Ka kukita ira mia memate, langkai ka kodei, mpentade i arono kadera poparentaa atuu. Ka i'amba winile luwuno wunta. Ka winile mbo'u aasa wunta susua, onaemo wunta tuwua. Ka mia memate binitara montonda wineweudo, me'empehiako hapa anu hinao teburi i larono wunta atuudo.

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.