Yehesikieli 13:6 - Wunta Mempori

⁶ Pongkitado mompopo'oo ka pompaudo anu nahi manasa ta gagi pegaupi; dompotae, ’Kanandiomo pau-Do i Ue,’ kahinaano nahi Dotena ira i Ue, ka ondae mensikorio pau atuu Do'ihiio.

Yehesikieli 13:6 ပူးပေါင်းရင်းမြစ်များ

1 Mokole 22:12

Luwuno mbo'u nabi atuu mpopau kanatuu, dompotae, ”Lakomo i Ramoti-Gilea ka komiu monangi. Ondae i Ue Ira meweengakono a ngkaemiu mokole.”

1 Mokole 22:15

Sa haweno ndi ondae mokole, mesikenoomo mokole ndi onae, ”Mika, moiko koa ke kami melako mpetea umewaio Ramoti-Gilea, ke siimo?” Sangkino ndi onae, ”Lakomo ka komiu monangi. Ondae i Ue meweengakono a ngkaemiu mokole.”

1 Mokole 22:27

Ka i'amba mempauo kanandio: kanandiopo petenado mokole: Winsoo mia andio a laro torungku, ka pakaanoko roti, ka mo'inu uwoi ntededei koa ranta kupekule tekadudui.”

1 Mokole 22:37

Hangano mateomo mokole, ondae mbo'u mpekule i Samaria ka mengkaburuo mokole i Samaria.

1 Mokole 22:6

Ka i'amba mokoledo to Isaraeli pumpu ira luwuno nabi, bara'ura pato etu mia. Ka i'amba mesikeno ndi ondae, ”Moiko koa ke kulako metea umewaio Ramoti-Gilea ke siimo?” Mesangki ira, ”Imelakomo, Ira meweengakono i Ue a ngkaemiu mokole.”

Powadi 14:15

Mia anu napi hina pinembasaino me'ala-alao sompo pinau, sine mia anu pande mekokoongakono pelempano.

Yeremia 14:14

Sumangki Ira i Ue ndi ongkue, ”Nabi atuudo mpompau anu nahi mentee ta gagi a nee-Ku! Nahi Kutena ira, nahi Kuparenta ira, ka nahi Kupepau ndi ondae. Ondae mpompau anu ta gagi ndi omiu pongkita nahi mentee, mpompau mooa ka pompopo'oono aroano onaeno.

Yeremia 23:16

Kanandiomo pau-Do Ueno luwuakoano, ”Siimo perorongeakono pinaudo luwuno nabi anu mpompau anu ta gagi ndi omue! Ondae butu mpoweeakomu pomperorohia anu nahina pengkonaano, ka mpohaweo pongkita pohaweno aroado ondaedo, komba hapa anu meluarako inso a nganga-Do i Ue.

Yeremia 28:1

A nta'u atuu, a pompu'uano poparentaano i Sedekia, mokoledo to Yehuda, a wula ko'olima ta'u ko'opaa, nabi Hanania anano i Asuri anu inso i Gibeoni motae ndi ongkue a Raha-Do i Ue, i arono matado sando mpesomba ka luwuno palili,

Yeremia 28:15

Ka i'amba motae Nabi Yeremia ndi Nabi Hanania, ”Rongeomo, hei Hanania! Ondae i Ue nahi Dotenako, sine uweweu iramo tongku andio mpompe'ala-ala pegaupi.

Yeremia 28:2

”Kanandiomo pau-Do Ueno luwuakoano, Ue Alado to Isaraeli: Kupuduomo pasangano mokole i Babeli.

Yeremia 29:31

”Oliwiomo lele andio a luwuno mia mentinadi, Kanandiomo pau-Do i Ue mongkona i Semaia, to Nehelami atuu: I Semaia mompauomo anu ta gagi ndi omiu, maupo nahi Kutenao, ka iweweu komiumo mpompe'ala-ala a mpegaupi.

Yeremia 29:8

Mentee ntu'u, Kanandiomo pau-Do Ueno luwuakoano, Ue Alado to Isaraeli: Si domempopo'oo komiu nabimiu anu kongko i tonga-tongamiu ka luwuno mia mpompau anu nahi manasa ta gagi. Si mperorongeakono mo'ipimiu anu impetenaako ka domemo'ipiakono!

Yeremia 37:19

Isua iramoke nabimiu anu mompau ta gagi ndi omiu nine mokole i Babeli nahi ta aiwa sumapoi komiu ka wita andio?

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Ponsabangi 2:14

Luwuno nabimu mpongkitaakomu pongkita anu nahina pengkonaano ka mooa. Nahi dompokomengkaao salamu ka upinomule. Dompoluarakoakomu pinau anu nahi manasa ta gagi butu pegaupi ka mompokotesaa.

Yehesikieli 13:7

Komba pongkita pompopo'ooke anu kinitamiu ka pinau anu nahi manasa ta gagi anu pinaumiu, tempono impotae, ’Kanandiomo pau-Do i Ue,’ kahinaano nahi Kupepau?

Yehesikieli 21:23

Pinau anu nahi manasa atuu nahi mentee a pongkitado palilino Yerusale anu mpesumpa iramo mpetenunu ndi onae; sine ipewowoloo salado, onaemo ka domerinako.

Yehesikieli 21:29

Maupo hinao luwuno pongkita anu nahi upementeeo ka luwuno tino'ori anu nahi upe'ala-alao, ponai atuu ta ninaa a we'udo mia mosa'o gaudo anu mpebungkui Ira i Ue, anu tempono haweomo tiano pohukua pokotompa.

Yehesikieli 22:28

Luwuno nabino mengkapuruakono pongkita anu mompopo'oo ka tino'ori pegaupido luwuno wineweudo atuu. Luwuno nabi atuu mpotae: Kanandiomo pau-Do Ue Ala!, kahinaano Ondae i Ue nahi Dopepau.

Sakaria 10:2

Hangano hapa anu pinauno terapimi onaemo mosa'o, ka anu kinitado mia anu nahi manasa ta gagi onaemo pegaupi, ka luwuno mo'ipi anu mempinaudo nahina pengkonaano; ondae mpontarero anu nahina tuduno. Onaemo pu'uno tongku atuu mpelakopi kana bawaano bimba ka pompemarasai hangano nahina puu mpompakambi.

I MARAKUSU 13:6

Ira mehawe hadio mia mpeneeako nee-Ku ka mpotae: Ongkuemo Onae, ka ta hadio mia pinopo'oodo.

2 TESALONIKA 2:11

Ka onaemo pu'uno ka Dopotiio Ue Ala pompopo'oo ndi ondae, anu weweu ira mpe'ala-alao pegaupi,

2 PETURU 2:18

Hangano ondae mpepauako pau anu mompelangka-langkai ka mooa ka mempakeo po'eheno aroa belesu pompopandeido mia anu da iaopo dompepotola inso ndi ondae anu mentuwu a laro ntesosaeloa.