Yehesikieli 13:13 - Wunta Mempori

¹³ Onaemo pu'uno, kanandiomo pau-Do Ue Ala: A laro tekudano aroa-Ku Aku weweuo angi mokora mepuuri, a laro ntekuda-Ku usa marombo ta metii, ka a laro tekudano aroa-Ku watu seru baku anu mompepate ta tedonta.

Yehesikieli 13:13 ပူးပေါင်းရင်းမြစ်များ

Ayubi 38:22

Nde mewinsokomoke hawe a ponaapa seru baku ke kumitao ponaapa usa uwoi baku,

Ayubi 38:23

anu ninaa-Ku tiano tempo masukaraa, tiano tempo peteaa ka pe'iwalia?

Po'unde-unde 105:32

euno usa Do'uwuo i wawodo usa seru baku, ka api anu kolanga-langa i witado;

Po'unde-unde 107:25

Ondae mepau, ka i'amba mepuuriomo angi mokora anu mokolangkaio bombano tahi malua.

Po'unde-unde 148:8

hei api ka usa seru baku, seru baku ka gawu, angi mokora anu weweuo pau-Do;

Yesaya 30:30

Ondae i Ue Ira moporongeo suara-Do anu maramba, Ira mopokitao kae-Do anu montunduhi saru tekuda anu mongkokongiri ka langano api anu mengkaa ka ipingko, saru usa marombo, angi mokora ka usa watu.

Yeremia 23:19

Kitaomo, angi mokora-Do i Ue, tensilano tekuda-Do, meluarakoomo, pewolilino lompiu umaluo uludo mia mosa'o gaudo.

Ponsabangi 2:1

Ha, kana'umpe Ondae i Ue tumutuwiakono seru ana beine Sioni a laro ntekuda-Do! Marambano Isaraeli Dopetadiakono inso i langi tii i tolino. Nahi Dorambeo pelandaa-Do a oleo tekuda-Do.

Ponsabangi 2:3

A laro ntekuda anu tensila Dopuduo sompo tanduno Isaraeli, wali dumiio kae ngkoana-Do tempono iwali me'umpeda, ka tumunuo i Yako kana api anu melanga, anu monsila'e limbu-limbu.

Ponsabangi 2:4

Dodiio pana-Do kana asa mia iwali, kae ngkoana-Do tetinda kana asa mia umewa. Ondae mepate ira luwu anu pinemoikono mata a laro kemado ana beine Sioni, lumuao tekuda-Do kana api.

Yehesikieli 1:4

Ka ku'amba kumitao, mentee ntu'u, angi mokora mepuuri inso i utara saru asa boto seru langkai me'ihi api anu tesosangkilo anu ilimbuo wanta. I tonga-tongano api atuu tengkita asa kana suasa mangkilo.

Yehesikieli 13:12

Tewala tehoaomo rere watu atuu, nde nahi ira mpotaeke mia ndi omue: Isuaomoke kapuru anu imehahiakono atuu?

Imama 26:28

manasa Ongkue mbo'u ta lansara umewai komiu ka Ongkue-Ku humuku komiu meluka pepintu hangano halamiu.

Yunu 1:4

Sine Ondae i Ue mompotii umangi a ntahi, ka i'amba gagiomo opue langkai, ranta kapala atuu tedeimo koa ka iterawo.

Hagai 2:17

kana'umpe teweweumiu? Tempono dome'aiwa mia ira mpohawe howuno gandu rua pulu ponsa'u hadiono, butu hinao hopulu. Tempono dome'aiwa mia a mpoporo'ia anggoro ira mpontambu lima pulu ponsa'u, butu hinao rua pulu.

MENGKAAA 11:19

Ka te'ungkahiomo Raha Mempori-Do Ue Ala anu i suruga, ka tengkitaomo burua pedandia-Do i larono Raha Mempori atuu ka gagiomo koliki ka u'uruno rundu ka leelu ka usa seru baku marombo.

MENGKAAA 16:21

Ka usa seru baku langkai, mobeano limapulu kilo, tedonta inso i langi modunsi mia, ka mia mepaukiako Ira Ue Ala hangano masolaako usa seru baku atuu, hangano masolaa atuu tedoa mongkokongiri.

MENGKAAA 8:7

Ka i'amba mala'eka anu amba-ambano puurio tawuwuano ka gagiomo usa seru baku, ka api, mesalo rea; ka luwuno atuu pinetadiako i tolino; ka mo'aiomo asa ntia otolu inso a ntolino ka asa ntia otolu inso a luwuno keu ka mo'aiomo luwuno ewo molowulu.