Yehesikieli 13:10 - Wunta Mempori

¹⁰ Hangano, oo, hangano dompokontesaa ira bawaa-Ku saru mpotae, ’Rodoa!’ kahinaano nahina ntu'u rodoa; ondae atuu pompontade rere watu ka kitao, domengkapuruo,

Yehesikieli 13:10 ပူးပေါင်းရင်းမြစ်များ

2 Mokole 21:9

Sine nahi dobehe mpomperorongeako. I Manase sumosaelo ira ranta ka dompoweweu anu mosa'o laluaopo sekono luwuno tongku anu Doropu iramo i Ue inso i arodo to Isaraeli.

2 Tawarika 18:12

Tinena anu lumako moboio i Mika atuu motae ndi onae, ”To'oriomo, luwuno nabi atuu ntepo'asa iramo mpopau anu ta gagi, anu moiko ndi ondae mokole. Moikoano omiu mbo'u mepau kana aasa inso ndi ondae ka mompau anu ta gagi, anu moiko.”

Powadi 12:26

Mia mentee mohawe pompakambiano, sine pesalaano mia mosa'o gauno mokontesaa ira.

Yesaya 30:10

anu motaeako ira puu pomparesa, ”Sii mpomparesa,” ka a puu pongkita, ”Siimo impokitaakami mongkona anu mentee, sine impopaumo anu nahi mentudu ndi omami, kitaakamimo mongkona anu komba mentee,

Yesaya 57:21

Nahina manangai tiado mia mosa'o gaudo atuu,” pau-Do Ue Alaku.

Yeremia 14:13

Ka ku'amba motae, ”Adoo, Omiu Ue Ala! Kombake domempauomo nabi ndi ondae: Omiu nahi komiu mpongkita ponai, ka mokoninggoa nahi ta umalukomiu, sine Aku moweeakomiu rodoa anu moroso a mpo'ianga andio!”

Yeremia 23:17

Ondae wela mpotae a luwuno mia anu mentetewehi Aku: ’Ondae i Ue mepau Komiu ntekadudui!’ ka a sompo mia anu mentondao moteano aroado dompotae: Masolaa nahi ta umalu komiu!”

Yeremia 23:32

Menteeano, Aku umewai ira anu mpompau luwuno mo'ipi pegaupi, kanandiomo pau-Do i Ue ka anu tumutuluo ranta bawaa-Ku ntesaaako pegaupido ka mpompaudo anu nahi mentee. Nahi Kuhori tumena ira ka nahi Kuhori parenta ira. Ondae nahina ntu'u tududo a tongku andio, kanandiomo pau-Do i Ue.

Yeremia 28:9

Ka mongkona asa mia nabi anu mompau anu ta gagi mongkona rodoa, tewala anu ta gagi pinauno nabi atuu inihii, ka i'amba pinokonto'ori, nine nabi atuu mentee ntu'u tinena-Do i Ue.”

Yeremia 4:10

saru mpotae: Oo, Ue Ala, mentee ntu'u, tedoa Komiumo mopo'oo tongku andio ka palilino Yerusale, motae: Rodoa ta kongko ndi omiu, kahinaano ponai mokodoitoo penaamami!”

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Yeremia 50:6

Bawaa-Ku kana ira bimba ntetadi; luwuno puu mpopakambido weweu ira ntesaa, weweu ira mpelakopi a luwuno torukuno. Ondae mpelempa inso a ntorukuno melako a pongku ka mengkolupeo po'ianga pepomboleado.

Yeremia 6:14

Ondae mpopakuli mobelado bawaa-Ku kana-kana mobela kodei, dompotae: Rodoa! Rodoa!, kahinaano nahina rodoa.

Yeremia 8:11

Ondae mempakulio mobelano ana beinedo bawaa-Ku kana-kana mobela kodei, ipotae: Manangai! Manangai!, kahinaano nahina manangaia.

Yeremia 8:15

Ontae mpomperorohi sintuwu, sine nahina hawe te'asa anu moiko; ontae mpoperorohi tempo tompaa, sine anu hina butu mongkokongiria!

Yehesikieli 13:16

Ondae atuu nabido to Isaraeli pompau anu ta gagi mongkona Yerusale ka mengkitaako ira pongkita mongkona rodoa, kahinaano nahina rodoa, kanandiomo pau-Do Ue Ala.”

Yehesikieli 22:28

Luwuno nabino mengkapuruakono pongkita anu mompopo'oo ka tino'ori pegaupido luwuno wineweudo atuu. Luwuno nabi atuu mpotae: Kanandiomo pau-Do Ue Ala!, kahinaano Ondae i Ue nahi Dopepau.

Yehesikieli 7:25

Doitoa hawe; ondae mpo'ungke sintuwua, sine nahina.

Hosea 9:7

Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

Mika 2:11

Ande-andeno asa mia hawe saru hadio mpau mooa ka pegaupi, ipotae, ”Aku mompau anu ta gagi ndi omue mongkona anggoro ka ara,” ka onaemo anu tekona gagi mia anu mompau anu ta gagi a tongku andio!

Maleaki 3:15

Kanandio-andio, mpotae kita mia mompelangka-langkai manangai. Mia anu mpoweweu gau mosa'o atuu komba butu me'ura, sine toola koa mbo'u maupo dome'ara-arahako Ira Ue Ala.”

1 TESALONIKA 5:3

Tewala mpotae ira: Luwuno sintuwu ka rodo nahina marisua – ka borono i'alu ira masolaa, kana aasa beine anu mentia i'aluo mahaki me'ana – manasa nahi ira mentola.

1 TIMOTIU 4:1

Sine manasa Dopauo Penaa nine a tempo-tempo lembuino, hinao mia anu ta mepoura ka i'amba tumonda ira penaa mompopo'oo ka pompagurudo onitu

2 TIMOTIU 3:13

sekono mia mosa'o ka anu mompopo'oo ta tetiangi mosa'o, ondae pompopo'oo ka pinopo'oo,

1 YOHANE 2:26

Luwuno atuu kuburiakomiu, onaemo mongkona luwuno mia anu mpe'usaha mokontesaa komiu.

MENGKAAA 2:20

Sine Kutatako, hangano upo'ineeo beine i Isebeli, anu pauo koroino nabi beine, mompaguru ka mopo'oo ira tetenaa-Ku ka domponsosabo ka mpongkaa luwuno pesomba a lahumoa.