Yehesikieli 12:2 - Wunta Mempori

² ”Hei anano mia, omue mo'ia i tonga-tongado suku mpe'ewa, anu hinao mata pongkita sine nahi pongkita ka hinao biri poronge sine nahi poronge, hangano ondae atuu suku mpe'ewa.

Yehesikieli 12:2 ပူးပေါင်းရင်းမြစ်များ

2 Mokole 17:14

Sine nahi dobehe pomperorongeako, mpe'ulu watu ira kana uempu'udo anu nahi dompe'ala-ala Ira i Ue, Ue Alado.

2 Mokole 17:15

Nahi domentarimao pompakosi ka pedandia-Do anu Dowutuomo saru uempu'udo, saru luwuno atora-Do anu Dopopoto'oriako iramo. Mpetonda ira a anu pinesombai susua anu nahina pengkonaano; mpelelu ira nahina pengkonaano tumondao luwuno tongku petengi-tengido, maupo Doparenta iramo i Ue kasi dompoweweu kanatuu.

Po'unde-unde 78:40

Ba pempia dompe'ewa ndi Ondae i pada one, ka mokomasusao aroa-Do a mpada malua!

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 30:1

Masola ntu'u nana'ote anu umewa, kanandiomo pau-Do i Ue, anu weweuo tinoo anu komba inso ndi Ongkue, anu mewinsokio tepo'asaa, anu komba hangano Penaa-Ku, ranta ka dompohowu hala metiangi hala.

Yesaya 30:9

Hangano ondae atuu tongku anu mpe'ewa, nana'ote anu ineheno megaupi nana'ote anu nahi behe moronge pompaguru-Do i Ue;

Yesaya 43:8

Po'aroomo tongku anu morawu maupo hinao matado, anu mobongo maupo hinao birido!

Yesaya 44:18

Nahi dompoto'ori hapa-hapa ka nahina tino'orido hapa-hapa, hangano matado metako tepusu, ranta nahi dompongkita, kanatuu koa mbo'u aroado, ranta nahi dompokonto'orio.

Yesaya 6:5

Ka ku'amba motae, ”Masola akumo ntu'u! mate aku! Hangano ongkue andio asa mia anu mokoburu wiwino, ka ongkue mo'ia itonga-tongano tongku anu mokoburu wiwido, sine mataku kumita Iramo Ondae Mokole, Ueno luwuakoano.”

Yesaya 65:2

I larono asa oleo Kutandeomo kae-Ku a bawaa anu umewa, anu montonda sala nahi moiko ka montonda tinoono onaeno;

Yeremia 4:17

Kana mia anu modagai lere domelimbuo, hangano Yehuda umewaomo ndi Ongkue, kanandiomo pau-Do i Ue.

Yeremia 5:21

”Rongeomo andio, hei tongku anu monge-monge ka nahina akalano, anu hinao matano, sine nahi pongkita, anu hinao birino, sine nahi poronge!

Yeremia 5:23

Sine tongku andio mpe'aroa anu wela umewa ka mo'ewai songka; mepansia iramo ka mpolai.

Yeremia 7:26

Sine, nahi domebehe mperorongea-Kune ke mpo'aroo birido. Tendeano motea palowe'udo, mpoweweu lalu mosa'o sekonopo uempu'udo.

Yehesikieli 12:1

Ka i'amba haweomo pau-Do i Ue ndi ongkue,

Yehesikieli 12:25

hangano Ongkue, Ue, Aku mepau ka hapa anu pinau-Ku ta gagi, ka pau atuu nahi ta pinotulu mbo'u. Hangano, i tempono imentuwu, hei suku mpe'ewa, Aku pauo pau ka umihiio, kanandiomo pau-Do Ue Ala.”

Yehesikieli 17:12

”Pauako iramo suku me'ewa: Nahi imento'orioke hapa pengkonaano andio? Pauo: Kitao, mokole i Babeli hawe i Yerusale. I'alao mokole ka luwuno mia pinemota'uno ka i'amba wawa ira i Babeli meronga onae.

Yehesikieli 2:3

Pau-Do ndi ongkue, ”Hei anano mia, Kutenako a nto Isaraeli, a tongku mpe'ewa anu me'ewa iramo ndi Ongkue. Ondae ka uempu'udo mpe'ewa iramo ndi Ongkue, hawe mbo'u oleo andio.

Yehesikieli 24:3

Pauomo asa potundaano a nsuku anu umewa ka potaeako ira: Kanandiomo pau-Do Ue Ala: Naaomo kawali a wawo api, naaomo, ka uwuomo mbo'u uwoi i larono;

Yehesikieli 3:9

Kana inta, anu moteaopo sekono watu Kupokomoteao aroamu. Siimo doitoako ira ka siimo pondende kumitao rupado, hangano ondae atuu suku anu mpe'ewa.”

Yehesikieli 44:6

Pauako iramo suku Isaraeli, suku puu mpe'ewa atuu: Kanandiomo pau-Do Ue Ala: Sompoomo luwuno wineweumiu anu mokoburu atuu, hei suku Isaraeli.

I MARAKUSU 4:12

ka i'amba: Maupo domengkitao, nahi domperioo, maupo domerongeo, nahi dompokonto'orio, ka si dompepokule ka mpohawe po'oninia hala.”

I LUKASI 8:10

Ka Do'amba sumangki, ”Ndi omiu pinoweeako pe'aroa ka imento'orio rahasiano Poparentaa-Do Ue Ala, sine a mia mehano mongkona atuu pinau a laro potundaano, kai maupo dompengkita nahi domengkitao ka maupo domerongeo nahi dompokonto'orio.

I YOHANE 12:40

”Dopokomorawuomo matado ka mokomoteao aroado, ka si dompokitaako matado, ka si domento'oriakono aroado, ka do'amba mpepokule, ranta ka Kupokotompa ira.”

2 KORINTI 3:14

Sine tebonsoomo pinewowolodo, hangano hawe a oleo andio pebomboni atuu da kongko bomboni ira, tewala mpobasa ira dandi nse'elu atuu nahi sinungke, hangano butu Ondae i Kerisituu anu mokosungkeo.

EPESU 4:18

ka ponto'orido anu wongi-wongi, olai inso a ntuwu tepo'asaa saru Ondae Ue Ala, hangano benge-bengea anu kongko i larodo ka hangano moteano aroado.

Winali 29:3

Imengkitaakonomo matamiu isa'a luwuno po'ara-arahako anu langkai, luwuno petondoni ka luwuno anu mengkinohali-haliako anu langkai atuu.

Winali 29:4

Sine, hawe kanandio-andio nahi Dopoweeakomiu i Ue pompewowolo molino kai mento'orio ke mata kai pongkita ke biri kai poronge.

Winali 31:27

Hangano kuto'orio motea aroamu ka mpe'ulu watumu. Sekonopo kanandio-andio, da tuwu aku saru omiu, memotea aroa komiumo ndi Ondae i Ue, tamoako te'ingka tewala mate akumo!

Winali 9:24

Tendeano ime'ewai Ira i Ue, mompu'u kuto'ori komiu.

Winali 9:7

Impewowoloo koa, si mengkolupeo, nine impokotesingkaomo tekuda-Do i Ue, Ue Alamiu i pada one. Mompu'u impeluarako inso i wita Masiri ranta kai mehawe i ndi'ai, ime'ewai Ira i Ue.