Yehesikieli 12:16 - Wunta Mempori

¹⁶ Sine, asa ntia inso ndi ondae Aku motola ira inso a mponai, mokoninggoa, ka haki lele ka domentutuluo luwuno wineweudo anu mokoburu i olodo luwuno tongku, ba isua domelako. Ka ira mento'orio nine Ongkuemo Ue.”

Yehesikieli 12:16 ပူးပေါင်းရင်းမြစ်များ

Yeremia 4:27

Hangano kanandiomo pau-Do i Ue, ”Luwuno wita andio ta gagi boni-boni, sine nahi Aku weweuo ka ipingko luwu.

Yesaya 1:9

Ande-andeno Ondae Ueno luwuakoano nahi Dopobinta ndi ontae mia mentekadudui, ontae ilawu kana Sodomo, ka gagi mengkena kana Gumora.

ROMA 9:27

Ka i Yesaya mebooli mongkona Isaraeli, ”Maupo porokono anano i Isaraeli kana one a ntahi, sine butu toreano ta kinadudui.

I MATIU 24:22

Ka ba mansa nahi pinoko'owowa tempono, manasa inso a luwuno anu tuwu nahi ta hina anu tekadudui; sine hangano mia mebininiki tempo atuu ta pinoko'owowa tempono.

I MATIU 7:14

hangano ma'iso pewowa ka kodei sala anu te'aro a ntuwua, ka tedei mia anu humaweo.”

Yehesikieli 36:31

Komiu nterorambe a mpelelumiu anu mosa'o ka wineweumiu anu nahi moiko. Komiu memokoburuakono koroimiu hangano sala ka wineweumiu anu mokoburu.

Yeremia 30:11

Hangano ongkue kumongkomiko, kanandiomo pau-Do i Ue, ka kumaduduiko: luwuno tongku anu i olodo Kupeweengakomu Aku pingko ira, sine omue andio nahi Aku pingkoko. Aku humukuko montonda songka, sine omue komba Kukitako nahina ntu'u salamu.

Yesaya 24:13

Hangano kanandiomo ta gagi i wawontolino, i olodo tongku, kana i tempono mia monsodoli wua saitu, kana i tempono po'opua lembuino, tewala po'opua wua anggoro umariomo.

Yesaya 10:22

Hangano maupo tongkumu, hei Isaraeli, kana one a ntahi hadiono, sine butu anu da tuwu ta mekule. Matea pinakosiomo, anu luluaako moleoa.

Yesaya 10:19

Toreano keu a ntobuno tamokoa tedei, maupo asa nana'ote ipolio burio hadiono.

Yesaya 6:13

Tewala i ra'ai da mpo'ia asa ntia hopulu inso ndi ondae, ta kumaa ira api pohonapo mbo'u, kana keu tarabanti ka keu langkai susuano anu tinuehi butumo koa tu'ono tebinta. Tu'o atuu gagi wuku mpinopaho anu mempori.”

Tegagia 13:16

Aku mokogagio inulemu kana awu wita hadiono. Ba hinao mia mokodoao awu wita, inulemu mbo'u pinokodoa.

Yehesikieli 7:15

Ponai kongko i bungkuno kota, haki lele ka mokoninggoa kongko i larono. Ba isema i bungkuno kota ta mateako ponai, ka ba isema i laro kota ta mate hangano mokoninggoa ka haki lele.

Yehesikieli 12:15

Ira mento'orio nine Ongkuemo Ue, tempono Kusiarawo ira i olodo luwuno tongku ka sumiarawo ira a luwuno wita atuu.

Yehesikieli 12:17

Ka i'amba haweomo pau-Do i Ue ndi ongkue,

Yehesikieli 14:21

Menteeano, kanandiomo pau-Do Ue Ala: Laluaopo mongkokongiri mbo'u, tewala Kupotiio ponai, mokoninggoa, kondehora lambaha, ka haki lele, opaa pohuku-Ku anu mobea, i Yerusale mokotampulao mia ka kondehora i ra'ai!

Yehesikieli 36:20

Maupo isua domelako i olodo luwuno tongku, domengkokoburutio nee-Ku anu mempori, tempono domempasinggiri ira mia: Dompotae ondae bawaa-Do i Ue, sine ondae asalakono mpeluarako inso i wita-Do.

Po'unde-unde 59:12

Si pepate ira, ka si domengkolupeo tongkuku, Isaariako iramo pabawa-Miu ngkoraane ngkoramai, ka Idontai iramo, oo Ue, kantamami!