Yehesikieli 11:5 - Wunta Mempori

⁵ Penaa-Do i Ue pabawai aku ka Ondae i Ue mepau ndi ongkue, ”Pauomo, kanandiomo pau-Do i Ue: Omiu mpotae kanatuu, hei suku Isaraeli, ka Kuto'orio hapa anu meluarako i laro aroamiu.

Yehesikieli 11:5 ပူးပေါင်းရင်းမြစ်များ

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

Po'unde-unde 50:21

Onaemo anu wineweumu, sine Ongkue mo'ia-ia; potaemu nine Ongkue andio mengkena kana omue. Kanandio-andio Aku mesakosii umewaiko ka wawao kara-kara andio i aromu.

Po'unde-unde 7:9

Ondae i Ue bitara ira tongku. Ibitara akumo, Ue, hangano mentee aku, ka bobotoli ntu'u aroaku.

Yesaya 28:15

Hangano mpotae komiumo, ”Mpoweweu kamimo pedandia saru matea, ka saru tolinodo mia mate mpoweweu kamimo tepo'asaa mpau; maupo mowo tumutuwio ka sumampuo, nahi ta kumona kami; hangano kimpokogagiomo pegaupi gagi pepekaduduimami, ka omami mpewuni a laro mpegaupia.”

Yesaya 58:1

Pebooliakonomo temeroku, siimo onto-ontoo! Pokolangkaio suaramu kana tawuwua, pauako iramo bawaa-Ku pe'ewado ka a inuleno i Yako halado!

Yeremia 11:20

Sine, oo Ueno luwuakoano, anu mobitara moleo, mo'arahako laro aroa ka aroa, po'ineeomo kukitao pombalo-Miu ndi ondae, hangano ndi Omiumo kuwawao kara-karaku.

Yeremia 16:17

Hangano mata-Ku te'aro a luwuno peleludo. Luwuno atuu nahi tewuni inso a pongkita-Ku, ka sala mpoweweudo mbo'u nahi tererei inso a pongkita-Ku.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yehesikieli 2:2

Kontongaa-Do mepauakune, Penaa-Do i Ue lumimbu aku ka montade aku. Ka ku'amba rumonge Ira anu mepauakune.

Yehesikieli 2:7

Pohaweomo pau-Ku ndi ondae, moiko domperorongeakono ke naahi, hangano ondae atuu mpe'ewa.

Yehesikieli 20:32

Nahi ta gagi hapa anu melurako i laro aroamiu, hapa anu pinaumiu, ’Inehemami kana luwuno tongku susua, kana luwuno suku i luwuno wita ka kimpesomba a ngkeu ka a watu.’

Yehesikieli 28:2

”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

Yehesikieli 29:3

Pepaumo ka potae: Kanandiomo pau-Do Ue Ala: Menteeano, Ongkue gagi ewaimu, hei Pirao, mokole i Masiri, buaea langkai anu mepombole i tongano luwuno anano koronomu, ka anu motae: Koro Nili atuu ongkue me'ueo. Ongkuemo anu weweuo.

Yehesikieli 3:11

Lakomo ka tepohaweako iramo mia pe'asa tongkumu a pontadia. Pepaumo ndi ondae ka potaemo: Kanandiomo pau-Do Ue Ala: ke domerongeo ke naahi.”

Yehesikieli 3:24

Sine, Penaa-Do i Ue mewinso i laroku ka montade aku. Ka Do'amba mepauakune, Dopotae, ”Pekulemo, pe'ukomo i laro rahamu.

Yehesikieli 3:27

Sine, tempono Kupepauakomu, Aku umungkahio ngangamu ka kopauako ira: Kanandiomo pau-Do Ue Ala. Mia anu behe moronge, po'ineeomo irongeo; ka mia anu nahi behe moronge, po'ineeomo nahi rongeo, hangano ondae atuu suku anu mpe'ewa.”

Yehesikieli 8:1

A nta'u ko'onoo, a wula ko'onoo, tanggala olima wula atuu, tempono kupentoro a rahaku tepo'aro saru luwuno mia memota'udo to Yehuda, pabawa-Do Ue Ala pabawai aku i ra'ai.

I MARAKUSU 2:8

Sine Doronga mokonto'orio i Yesu i laro aroa-Do, nine mpompewowolo ira kanandio, ka Do'amba motaeako ira, ”Tembio ka impompewowolo kanatuu i laro aroamiu?

I YOHANE 21:17

Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.

WINEWEUDO TINENA 10:44

Tempono kontongaano mepau kanatuu i Peturu, metiiomo Penaa Mempori a luwuno mia anu merongeo pompalele atuu.

WINEWEUDO TINENA 11:15

Ka tempono kupompu'u mepau, metiiomo Penaa Mempori ndi ondae, mengkena kana i ndi'upua ndi ontae.

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

YAKOBU 3:6

Elo mbo'u onemo api; onae kana aasa wawontolino mosa'oa ka mo'ala po'ianga i olodo parewa ngkoroito kana aasa anu mokonsosa'aio asa ngkoroi ka molangao pelempano tumuwuto, sekono onae ipolangao api naraka.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

1 Samueli 10:10

Mansado mehawe i Gibea inso iraane, ntepotowo iramo asa bawaa nabi saru i Saulu. Nahi koo-kooo Penaa-Do Ue Ala mansa pabawaio ka bukeakoomo Penaa kana nabi i olodo.

1 Samueli 10:6

Penaa-Do i Ue ta mo'ia ilaromu pabawaiko ka omue mbo'u kobukeako penaa kana luwuno nabi perongamu. Omue kotebali nami pengkena tuwumu se'eluno.