Yehesikieli 11:20 - Wunta Mempori

²⁰ Kanandio ondae ira mentuwu montonda luwuno pompakosi-Ku ka mpe'ini a luwuno atora-Ku saru meweweuo. Ka ondae ira megagi bawaa-Ku ka Ongkue gagi Ue Alado.

Yehesikieli 11:20 ပူးပေါင်းရင်းမြစ်များ

Yehesikieli 14:11

ka si domepansia mbo'u suku Isaraeli inso ndi Ongkue ka nahi ka koroido nahi domengkokoburutiakono mbo'u luwuno polimpaido. Ba kanandio ira megagi bawaa-Ku ka Ongkue gagi Ue Alado; kanandiomo pau-Do Ue Ala.”

Po'unde-unde 105:45

ka domentondao mpiha pompakosi-Do, ka me'inio luwuno pompaguru-Do. Haleluya!

Yeremia 30:22

Ka komiu megagi bawaa-Ku, ka Ongkue gagi Ue Alamiu.”

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

IBARANI 11:16

Sine kanandio-andio mpongkekewoi ira wita po'iangado anu lalu moiko onaemo aasa po'ianga suruga. Onaemo pu'uno nahi mokoko'ii-Do Ue Ala nineeako Ue Alado, hangano Dopatindaako iramo aasa kota.

IBARANI 8:10

”Ka onaemo andio pedandia anu Kuweweuo saru suku Isaraeli umarino tempo atuu,” kanandiomo pau-Do i Ue. ”Aku numaao songka-Ku a mpinewowolo molinodo ka burio i laro aroado, ka Aku gagi Ue Alado ka ondae gagi bawaa-Ku.

1 KORINTI 11:2

Asalakono ku'unde-unde komiu, hangano a laro luwuakoano impewowolo aku mpiha ka mpe'ini moroso a pompaguru anu kupotilaloakono ndi omiu.

ROMA 16:26

sine anu kanandio-andio pinokomengkaaomo ka montonda parenta-Do Ue Ala anu nahina tampulaano, pinaleleomo a luwuno tongku hangano wuntado luwuno nabi anu wawa ira ka dompetonda mpompe'ala-ala –

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

Yehesikieli 37:27

Po'ianga-Ku mbo'u ta kongko ndi ondae ka Aku gagi Ue Alado ka ondae gagi bawaa-Ku.

Yehesikieli 11:12

Komiu mento'orio nine Ongkuemo Ue. Hangano, omiu nahi mentuwu montonda luwuno pompakosi-Ku ka atora-Ku nahi meweweuo, tendeano omue weweuo luwuno atorado tongku pehori-horimiu.”

Yeremia 32:38

Ondae ira megagi bawaa-Ku ka Ongkue gagi Ue Alado.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 11:4

anu Kuparentaako iramo uempu'umiu i tempono Kuwawa ira mpeluarako inso i wita Masiri, inso a awu pompokolonoa labu. Pau-Ku: Rongeomo pinau-Ku ka weweuomo luwuno anu Kuparentaakomu, asalakono kogagi bawaa-Ku ka Ongkue gagi Ue Alamu.

Po'unde-unde 119:32

Aku melulu tumondao luwuno parenta-Miu, hangano Ipokonsanaao aroaku.

Po'unde-unde 119:1

Me'uraomo mia anu tuwuno nahina tataano, anu tuwu montonda Taura-Do i Ue.

Powadi 9:6

tadiomo benge-benge, ka komiu mentuwu, ka tondaomo pesalaano ponto'ori.”

Yehesikieli 43:11

Tewala domemokoko'iiakono luwuakoano anu wineweudo, gambaraomo Raha Mempori atuu, luwuno tiaano, luwuno pewowa peluarakoa ka luwuno pewowa pewinsoano ka luwuno gambarano rangkano. Pauako iramo luwuno atora ka songkano, ka buriomo atuu i arodo ka dompetenunu meweweuo luwuno songka ka atorano.

Sakaria 8:8

Aku wawa ira mpekule, ka dompo'ia i tonga-tongano Yerusale. Ka ondae mbo'u ira megagi bawaa-Ku ka Ongkue ta gagi Ue Alado a laro mpetenunu ka menteea.”

Tegagia 17:8

Ndi omue ka a inulemu Kupeweengakono luwuno wita Kana'a, wita anu upo'iangario andio gagi mia hawe, gagi tiamu ranta nahina tampulaano; ka Ongkue gagi Ue Alado.”

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

Yeremia 24:5

”Kanandiomo pau-Do i Ue, Ue Alado to Isaraeli: Mengkena kana wua ara anu moiko andio, kanatuumo a moikoado to Yehuda anu Kutadi ira inso a mpo'ianga andio a pontadia, i witado to Kasidimi.

Yeremia 32:39

Aku moweeako ira asa aroa ka asa sala ntuwua, ka domedoito ndi Ongkue asa ntinuwu gagi moikoado ka anado umarino ondae.

Yehesikieli 37:23

Ondae nahi domengkokoburutiakono mbo'u koroido luwuno lahumoa ke pinesombaido anu mokoburu ke luwuno polimpaido. Sine, Aku motola ira inso a luwuno wineweudo anu pansia anu hangano onae ka dontehala, ka mokomorina ira, onaemo ka domegagi bawaa-Ku ka Aku gagi Ue Alado.