Yehesikieli 11:16 - Wunta Mempori

¹⁶ Onaemo pu'uno pauomo: Kanandiomo pau-Do Ue Ala: Maupo Kutadi ira olai i olodo luwuno tongku ka sumiarawo ira a luwuno wita atuu, Ongkue gagi po'ianga mempori anu kodei pengkonaano ndi ondae a luwuno wita ba isua domelako,

Yehesikieli 11:16 ပူးပေါင်းရင်းမြစ်များ

Po'unde-unde 31:20

Tedoa ntu'u hadio moiko-Miu anu Ipatindaakonomo mia anu doitoa-Komiu, anu Iweweuakonomo mia anu mepekadudui ndi Omiu, i arodo mia!

Po'unde-unde 44:11

Omiu weweu kami mposuka inso a iwalimami, ka luwuno mia anu umo'aliaakami merontu kami.

Po'unde-unde 90:1

Pekakaino i Musa, tetenaa-Do Ue Ala. Ue, Omiumo pepekaduduiamami mapa'api-api inule.

Po'unde-unde 91:1

Mia anu mentoro a laro pongkadudui-Do Anu Tedoa Mantande ta merato a laro po'engoi-Do Anu Tedoa Pabawa.

Powadi 18:10

Nee-Do i Ue onaemo menara anu moroso, i ra'aimo polaiano mia mentee ka itekadudui.

Yesaya 4:5

ka i wawono luwuno wita torukuno Sioni ka i wawono sompo tepotowoa, i tu'ai Ondae i Ue Ira mokogagio asa howu seru i tempono meene ka ahu saru wantano api anu kolanga-langa i tempono wongi. Mentee ntu'u ta hina asa boru i wawono luwuno marambaa atuu,

Yesaya 8:14

Ondae Ira gagi po'ianga mempori, sine watu tetengkua mbo'u ka watu tetiduado orua suku Isaraeli atuu, saru gagi oho ka dampado palilino Yerusale.

Yeremia 26:11

Ka i'amba luwuno sando mpesomba ka luwuno nabi mpotae a luwuno mia pinemota'u ka luwuno palili atuu, kanandio, ”Mia andio tekona ihinuku mate, hangano onae mompauomo anu ta gagi mongkona kota andio, kana anu imerongeakono birimiu.”

Yeremia 26:7

Luwuno sando mpesomba, luwuno nabi ka luwuno palili merongeo i Yeremia mohaweo luwuno pau atuu a Raha-Do i Ue.

Yeremia 29:11

Hangano Kuto'orio luwuno tinoo anu Kupewowoloo mongkona omiu, kanandiomo pau-Do i Ue, onaemo tinoo rodoa ka komba tinoo masolaa, moweeakomiu oleo lembuiano anu buke pomperorohi.

Yeremia 29:7

Weweumo manangaiano kota ba isua Kutadi komiu, ka impekakaimo ndi Ondae i Ue tiano kota atuu, hangano manangaiano onaemo manangaiamiu.

Yeremia 30:11

Hangano ongkue kumongkomiko, kanandiomo pau-Do i Ue, ka kumaduduiko: luwuno tongku anu i olodo Kupeweengakomu Aku pingko ira, sine omue andio nahi Aku pingkoko. Aku humukuko montonda songka, sine omue komba Kukitako nahina ntu'u salamu.

Yeremia 31:10

Rongeomo pau-Do i Ue, hei luwuno tongku, pauomo a luwuno wita i wiwi ntahi anu olai, potaemo: Ondae anu sumiarawo iramo to Isaraeli Ondae koa mbo'u wali pumpu ira, ka dumagai ira kana puu mpopakambi a bawaano bimbano!

Yeremia 42:11

Si medoito ndi mokole i Babeli anu dinoitoakomiu atuu. Si medoito ndi onae, kanandiomo pau-Do i Ue, hangano Ongkue kumongkomi komiu ka intekadudui ka motola komiu inso a ngkaeno.

Yehesikieli 20:23

Ka Ku'amba mesumpa mbo'u ndi ondae i pada one Aku sumiarawo ira i olodo luwuno tongku ka sumiarawo ira a luwuno wita.

Imama 26:44

Maupo kanandio, tempono domekongko i witano iwalido, nahi Aku mebungkui ira ke nahi Aku te'osaako ira, ranta Aku rumopu ira ka pedandia-Ku saru ondae nahi gagi, hangano Ongkuemo Ue, Ue Alado.

Sakaria 2:6

Hio, Hio! Pelulumo inso i Wita Utara, kanandiomo pau-Do i Ue, hangano te'aro a opaa mata angi Kusiarawo komiumo, kanandiomo pau-Do i Ue.

Winali 4:27

Ondae i Ue Ira tumia-tia komiu i olodo luwuno tongku, ka butu tedei komiu impo'ia i olodo luwuno tongku, ba isua Doliahako komiu i Ue.