Yehesikieli 11:13 - Wunta Mempori

¹³ Kontongaaku mompau anu ta gagi, i Pelatia anano i Benaia mate. Ka ku'amba menggolontu mesomba ka mebooli meroku, kupotae, ”Oo, Ue Ala, nde Komiu pingko irake to Isaraeli anu da tebinta?”

Yehesikieli 11:13 ပူးပေါင်းရင်းမြစ်များ

1 Mokole 13:4

Mansano rumongeo mokole pauno nabi anu pinebooliakono a meda pontunua pesomba i Beteli, itasiakono kaeno inso a mpuu meda pontunua pesomba ka ipotae, ”Imerakoomo!” Sine kaeno anu tinasiakono tumisoo nabi atuu gagi tiido, ranta nahi pokompokuleo mbo'u.

Po'unde-unde 106:23

Onaemo ka Dopepau mingki rumopu ira, ande-andeno i Musa, mia bininiki-Do, nahi gagi wala i aro-Do, anu umonsoio mosa'ono aroa-Do rumopu ira.

Po'unde-unde 119:120

Koroiku mondidi-ndidi doitoa-Komiu, kudoitoakono luwuno songka-Miu.

Powadi 6:15

Onaemo pu'uno ka i'aluo masolaa mepobingko, nahi kinoo-koo onae sinolangi nahi pinokotulungi mbo'u.

Yehesikieli 11:1

Ka i'amba Penaa-Do i Ue tumande aku ka wawa aku a mpewowa langkai i sabaano oleo Raha-Do i Ue, pewowa anu me'aro i sabaano oleo. Kitao, a mpewowa langkai atuu hinao rua pulu ka olima mia ka i olodo kukitao i Ya'asana anano i Asuri ka i Pelatia anano i Benaia, luwuno petewawa tongku.

Yehesikieli 11:14

Ka i'amba haweomo pau-Do i Ue ndi ongkue,

Yehesikieli 20:17

Sine, Kupehohawa ira kumita ira, onaemo ka nahi Kupepate ira ka nahi Kupingko ira i pada one.

Yehesikieli 37:7

Ka ku'amba pauo anu ta gagi kana anu kupinarentaako. Kontongaaku pauo anu ta gagi, terongeomo uni, mentee ntu'u uni kekele, ka luwuno wuku atuu pada ntepo'asa saru anu susua.

Yehesikieli 7:2

”Omue, anano mia, pauomo: Kanandiomo pau-Do Ue Ala a wita Isaraeli: Poko'ariano! Poko'arianomo opaa siuno wita atuu.

Yehesikieli 9:8

Kontongaado pompepate, tempo atuu bininta aku asa-asaku, ongkue menggolontu mesomba ka mebooli, kupotae, ”Oo, Ue Ala, nde Iropu ira luwuke to Isaraeli anu da tebinta a laro te'uwuno tekuda-Miu i Yerusale?”

Hosea 6:5

Onaemo pu'uno Aku puro-puro ira molalo luwuno nabi, Aku mepateako ira pau a nganga-Ku, ka songka-Ku meluarako kana mewine.

Amosi 7:2

Tempono kosume mompu'u kumaano ka ipingko luwuno anu tuwu a wita, mepau aku, ”Oo Ue Ala, I'oniniakami hala mami! Kana'umpe i Yako ta mokompekorahako? Kombake onae tedoa molema?”

Amosi 7:5

Umarino atuu mepau aku, ”Oo Ue Ala, ku'emao Ipenaa-naakonomo atuu! Kana'umpeke i Yako ta mokompekorahako? Kombake onae tedoa molema?”

WINEWEUDO TINENA 13:11

Kanandio-andio, kitaomo, kae-Do i Ue hawe umaluko, ka ugagi morawu, ba opia oleo tehineno nahi komongkita mata oleo.” Ka i tempo koa mbo'u atuu mia atuu kana i tutuwio gawu ka wongi-wongi, ka kontongaano merare onae asalakono mo'ungke mia anu tumaateo.

WINEWEUDO TINENA 5:10

Ka i'amba tebangkuomo beine atuu i tempo koa mbo'u atuu a mpuu karuno i Peturu ka tampulaomo penaano. Mansado mpewinso mangalitau atuudo, domehaweo mateomo, ka do'amba mengkatio meluarako ka mengkaburuo i horino tamano.

WINEWEUDO TINENA 5:5

Mansano rumongeo pau atuu tebangkuomo i Anania ka tampulaomo penaano. Ka tedoa iramo medoito luwuno mia anu merongeo mongkona atuu.

Winali 7:4

Hangano, ira meweweuo anamiu tama pansia inso ndi Ongkue, ranta ka dompesomba a anu pinesombaido susua. Ka i'amba tekuda-Do i Ue ta hawe ndi omiu ka Ira ronga rumopu komiu.