Yehesikieli 11:12 - Wunta Mempori

¹² Komiu mento'orio nine Ongkuemo Ue. Hangano, omiu nahi mentuwu montonda luwuno pompakosi-Ku ka atora-Ku nahi meweweuo, tendeano omue weweuo luwuno atorado tongku pehori-horimiu.”

Yehesikieli 11:12 ပူးပေါင်းရင်းမြစ်များ

1 Mokole 11:33

Hangano dompembungkui Akumo ka mpenggolontu ira mpesombaio i Asitore, pinesombaido to Sidoni, i Kamosi, pinesombaido to Moabi, ka i Miliko, pinesombaido inuleno i Amoni. Ondae mbo'u nahi domentuwu mentondao sala-Ku ka mpoweweu anu mentee a pongkita-Ku, luwuno pompakosi ka atora-Ku kana i Daudi, amano.

2 Mokole 16:3

Itondao sala ntumuwudo luwuno mokole i Isaraeli, tendeano ipesombaakono anano a laro api, kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Mokole 18:12

Kai gagi kanatuu hangano nahi domperorongeakono pau-Do i Ue, Ue Alado ka melimpaio pedandia-Do, luwuno anu iparentaako ira i Musa, tetenaa-Do i Ue. Nahi domebehe mperorongeakono ka nahi domeweweuo.

2 Mokole 21:2

Onae moweweu hapa anu mosa'o a pongkita-Do i Ue, kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Mokole 21:22

Ipebungkui Ira i Ue, Ue Alado uempu'uno ka nahi tondao sala-Do i Ue.

2 Mokole 21:9

Sine nahi dobehe mpomperorongeako. I Manase sumosaelo ira ranta ka dompoweweu anu mosa'o laluaopo sekono luwuno tongku anu Doropu iramo i Ue inso i arodo to Isaraeli.

2 Tawarika 13:9

Kombake imeliahako iramo sando pesomba-Do i Ue, luwuno anano i Haruni atuu, ka luwuno to Lewi, ka i'amba mpopotoro sando mpesomba montonda gaudo mia i wita susua, ranta sompo mia anu aiwa kai pinokomempori mowawa asa sapi laki mongura ka opitu bimba laki, onae ta gagi sando mpesomba tiano anu susua komba Ondae Ue Ala.

2 Tawarika 28:3

Onae montunu mbo'u pesomba i Lebaki Beni-Hinomi ka montunu anano gagi pesomba a laro api, mengkena kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Tawarika 36:14

Luwuno mbo'u petewawado sando mpesomba ka palili mararu dompelelu nahi dompetenunu saru mentondao luwuno wineweudo mosa'o tongku susua. Dompokomokoburuo Raha-Do i Ue anu Dopokomemporiomo i Yerusale.

Esera 9:7

Mompu'u inso a uempu'u mami, ranta hawe oleo andio, sala mami tedoa langkai. Hangano lano hala mami, omami saru luwuno mokole ka sando mpesomba mami, mempineweengako a ngkaedo luwuno mokole, a mponai, a laro mpontawaa, ka a mpomurua, saru pompokokodei i arodo mia hadio, kana teweweuno oleo andio.

Nehemia 9:33

Moleo Komiu a luwuakoano anu umalu kami. Menteano metenunu Komiu a wineweu-Miu ka omamimo anu mpoweweu hala.

Nehemia 9:34

Luwuno mokole ka petewawamami, luwuno sando mpesomba saru uempu'umami nahi domeweweuo songka-Miu. Nahi domperioo luwuno parenta-Miu ka luwuno pepopoto'ori-Miu anu Iweeako ira.

Po'unde-unde 78:10

nahi dompe'ini a mpedandia-Do Ue Ala ka nahi dobehe mentuwu montonda Songka-Do.

Yeremia 10:2

Kanandiomo pau-Do i Ue, ”Siimo imempandirio peleludo luwuno tongku, siimo imedoitoakono luwuno petondoni i langi, maupo luwuno tongku medoitoakono.

Yeremia 6:16

Kanandiomo pau-Do i Ue, ”Pentademo a luwuno sala ka kitaomo, pesikenoakonomo luwuno sala inso a tempo se'eluno, isua hinao sala anu moiko, tondaomo atuu, ka komiu mpohawe rodoano sumangamiu. Sine dompotae: Nahi kimebehe mentondao!

Yehesikieli 11:21

Sine mongkona ondae, anu aroado metako a luwuno lahumoa ka luwuno wineweudo anu mokoburu, Aku dumunsiako ira peleludo a uludo, kanandiomo pau-Do Ue Ala.”

Yehesikieli 18:8

nahi pompowee saru mo'ema bungano doi ke mo'ala tiangino, moko'olaio koroino inso a molengkua, weweuo songka anu mentee i olono mia saru mia,

Yehesikieli 18:9

tuwu montonda pompakosi-Ku ka kongko tumondao atora-Ku ka metenunu, onaemo mia mentee, ka onae manasa tuwu, kanandiomo pau-Do Ue Ala.

Yehesikieli 20:16

Hangano, nahi domentarimao luwuno atora-Ku ka nahi domentuwu montonda luwuno pompakosi-Ku saru mengkokoburutio luwuno oleo Saba-Ku; mentee ntu'u aroado metondao luwuno lahumoado.

Yehesikieli 20:21

Sine luwuno anado me'ewa ndi Ongkue, nahi domentuwu montonda luwuno pompakosi-Ku, ka nahi dompe'ini a luwuno atora-Ku ka domeweweuo, kahinaano mia anu weweuo ta tuwu. Ondae mbo'u mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae, motiio tekuda-Ku ndi onae i pada one.

Yehesikieli 20:24

Hangano, nahi domeweweuo luwuno atora-Ku, nahi domentarimao luwuno pompakosi-Ku, ka mengkokoburutio luwuno oleo Saba-Ku saru matado te'aro a lahumoano luwuno amado.

Yehesikieli 5:6

Onae umewaomo a luwuno atora-Ku mosa'oopo wineweuno sekonopo luwuno tongku ka a luwuno pompakosi-Ku mosa'oopo wineweuno sekonopo luwuno wita pehori-horino. Menteeano, nahi domentarimao luwuno atora-Ku ka peleludo nahi penunu saru luwuno pompakosi-Ku.

Yehesikieli 8:10

Ka ku'amba mewinso ka kumitao, mentee ntu'u, luwuno gambarano kondehora melele, kondehora susua anu mokoburu, ka luwuno lahumoado suku Isaraeli tenggori a rere watu limbu-limbu.

Yehesikieli 8:14

Ka Do'amba wawa aku a mpewowa langkai Raha-Do i Ue anu te'alaako i utara. Mentee ntu'u, i ra'ai mpentoro ira beine anu mpengeseio Pinesombai Tamusu.

Yehesikieli 8:16

Ka Do'amba wawa aku a kintala i larono Raha-Do i Ue. Mentee ntu'u, umpeda a nsala mewinso a Raha-Do i Ue, i olono holoi ka meda pontunua pesomba, hinao bara'ura rua pulu ka olima mia tama, anu mpebungkuio Raha-Do i Ue ka mpe'aro i sabaano oleo saru mpenggolontu mpesombaio mata'oleo i sabaano oleo.

Danieli 9:10

ka nahi kimperoromgeakono pau-Do i Ue, Ue Alamami, anu tumena kami mentuwu tumondao songka anu Dowee kamimo telalo a luwuno nabi, tetenaa-Do.

Imama 18:3

Siimo impoweweu kana anu wineweudo mia i wita Masiri a mpo'iangamiu i ndi'ipua. Siimo mbo'u impoweweu kana anu wineweudo mia i wita Kana'a ba isua Aku wawa komiu. Siimo imentuwu montonda gaudo.

Imama 26:40

Sine tewala domemangakuakono salado ka salado uempu'udo, onaemo tebali nahi dompetenunu ndi Ongkue ka me'akuio mbo'u nine mentuwu ira umewai Aku,