Yehesikieli 1:4 - Wunta Mempori

⁴ Ka ku'amba kumitao, mentee ntu'u, angi mokora mepuuri inso i utara saru asa boto seru langkai me'ihi api anu tesosangkilo anu ilimbuo wanta. I tonga-tongano api atuu tengkita asa kana suasa mangkilo.

Yehesikieli 1:4 ပူးပေါင်းရင်းမြစ်များ

1 Mokole 19:11

Ka i'amba pau-Do, ”Peluarakomo ka pentade i wawono torukuno atuu i aro-Do i Ue!” Ka i'amba telalo Iramo i Ue. Angi langkai ka mokora bansio luwuno torukuno ka pehao luwuno pongku watu mese'elungi Ira i Ue. Sine Ondae i Ue nahi Dokongko a laro angi atuu. Umarino angi haweomo lelu. Sine Ondae i Ue nahi Dokongko a laro lelu atuu.

2 Mokole 2:11

Kontongaado melempa mpiha ka dopepau-pau, borono kareta me'api ka ngara me'api hawe monsia ira, ka i Elia mewuatako i suruga a laro angi melompiu.

2 Tawarika 5:13

Luwuno puu pompuuri napiri ka luwuno puu mpenani atuu mperonga-ronga mpoporongeo suarado dompenaniako po'unde-unde ka pontarimakasi ndi Ondae i Ue. Mpenani ira meroku saru napiri, simbali ka luwuno parewa mpenani umunde-unde Ira i Ue, ”Hangano moiko Ira! Menteeano anu nahina tampulaano pompehohawa-Do.” Ka i'amba raha mbo'u atuu raha-Do i Ue, bukeako seru.

Ayubi 38:1

Ka i'amba inso a laro angi mokora Ondae i Ue sumangkio i Ayubi,

Po'unde-unde 50:3

Ondae Ue Alato hawe ka nahi Ira mo'ia-ia, i aro-Do api mensila'e, angi mokora anu mongkokongiri mepuuri lumimbu Ira.

Peluarakoa 9:24

Metiiomo usa uwoi watu anu tedoa marombo ka mongkokongiri saru berese ka koliki tesosangkilo. Anu kanandio napi hori gagi i wita Masiri, mompu'u domegagi asa tongku.

Yesaya 19:1

Pau-Do anu pabawa a nto Masiri. Kitao, Ondae i Ue me'ula a nseru anu magasi ka aiwa i masiri; luwuno lahumoa i Masiri mpondidi-ndidi i aro-Do, ka aroado to Masiri gagi tengkuru a laro aroado.

Yesaya 21:1

Pau-Do anu pabawa a ”Mpada One i Wiwi Ntahi.” Kana lompiu sumapoio Wita Nege, kanatuumo haweno inso i pada one, inso a wita anu mongkokodoito.

Yeremia 23:19

Kitaomo, angi mokora-Do i Ue, tensilano tekuda-Do, meluarakoomo, pewolilino lompiu umaluo uludo mia mosa'o gaudo.

Yeremia 25:32

Kanandiomo pau-Do Ueno luwuakoano: Menteeano, masolaa ta lumele inso a tongku hawe a tongku, asa angi mokora anu mongkokongiri ta me'a'e inso a luwuno tompano tolino.

Yeremia 25:9

menteeano, Aku tumena ira luwu suku tongku i utara, kanandiomo pau-Do i Ue, ka lumeluo mbo'u i Nebukanesa, mokole i Babeli, tetenaa-Ku atuu; Aku wawa ira me'ewaio wita andio, palilino ka umewai ira tongku petengi-tengino andio, anu Aku rumopuo ka weweuo gagi asa anu mompokodoito, pomansu pasinggiri ka terawono anu nahina tampulaano.

Yeremia 4:6

Tandeomo luwuno bandera te'aro i Sioni! Pontuturakomo mpelimba, si butu mpo'ia! Hangano Aku mompotii masolaa inso i utara ka terawoa anu langkai.

Yeremia 6:1

Pontuturakomo pelimba, hei luwuno to Benami, inso i tonga-tongano Yerusale! Puuriomo tawuwua i Tekoa, ka wuatakonomo ahu gagi petondoni i wawono Beti-Keremi! Hangano masolaa momporaomo inso i utara, asa masolaa langkai.

Yehesikieli 1:27

Inso a hapa anu kana tadeno tongano hawe i wawono kukitao kana asa suasa mangkilo ka kana api anu binorungi limbu-limbu; ka inso anu kana tadeno tongano hawe i totono kukitao kana api ilimbuo wanta.

Yehesikieli 13:11

sine pauako iramo anu pongkapuru rere watu atuu: Usa marombo ta metii, watu seru baku ta tedonta, ka angi mokora ta mepuuri!

Yehesikieli 13:13

Onaemo pu'uno, kanandiomo pau-Do Ue Ala: A laro tekudano aroa-Ku Aku weweuo angi mokora mepuuri, a laro ntekuda-Ku usa marombo ta metii, ka a laro tekudano aroa-Ku watu seru baku anu mompepate ta tedonta.

Yehesikieli 43:3

Pongkita anu kinitaku atuu kana pongkita anu kinitaku tempono Do'aiwa Ira rumopuo kota atuu ka kana pongkita anu kinitaku a wiwi Ngkoro Kebari. Ka ku'amba menggolontu mesomba.

Yehesikieli 8:2

Kukitao, menteeano tengkita asa anu kana tadeno asa mia tama. Inso a hapa anu kana tadeno tongano hawe i totono tengkita kana api ka inso a ntongano kontahane i wawono tengkita kana wanta, kana suasa mangkilo.

Sakaria 6:6

Anu rinendeno ngara mo'ito atuu meluarako lumako i Wita Utara; anu mopute atuu meluarako i bungkudo; anu meboti-boti atuu meluarako lumako i Wita Selata;

IBARANI 12:29

Hangano Ondae Ue Alato onaemo api anu mompokomo'ai.

MENGKAAA 1:15

Ka karu-Do mangkilo kana mala motaha a laro api; suara-Do kana u'uruno lolowi.