Yehesikieli 1:26 - Wunta Mempori

²⁶ Iwawono longkuno langi anu iwawono uludo, hinao asa anu kana tadeno kadera poparentaa, tengkita kana paramata lasuaradi. I wawono anu kana tadeno kadera poparentaa atuu hinao asa anu tengkita kana rupano mia.

Yehesikieli 1:26 ပူးပေါင်းရင်းမြစ်များ

1 Mokole 22:19

Motae i Mika, ”Onaemo pu'uno, irongeomo pau-Do i Ue. Kukita Iramo i Ue mentoro a wawo kadera poparentaa-Do ka luwuno sorodadu suruga mpentade umpeda ndi Ondae, i koana ka i manggali-Do.

Po'unde-unde 45:6

Luwuno ana mpanamu montaso, lumompahio huleno iwalino mokole; luwuno tongku ntedonta a ntoto ngkarumu.

Peluarakoa 24:10

Domengkita Ira Ue Alado to Isaraeli pelandaano karu-Do kana horo anu wineweu inso a watu sapiri ka mewantano kana langi anu nahi menseru.

Yesaya 54:11

Hei anu tepokonsii, anu rinumpaino angi mokora, anu nahi tinarero! Menteeano, Aku monaa empehimu inso a watu mo'ito ka pundasimu inso a watu lasuaradi.

Yesaya 6:1

A nta'u mateano mokole Usia, kukita Ira i Ue mentoro a wawo ngkadera poparentaa anu mantande ka kontasi-tasi, itotono lemba meloe-Do buketio Raha Mempori.

Yehesikieli 1:22

A wawo uludo anu tuwu atuu hinao anu kana longkuno langi, anu tengkita kana mangkilono seru baku anu mompokodoito, tepadindi a wawo uludo.

Yehesikieli 1:5

Inso i tonga-tongano mbo'u me'umbaako hapa kana anu tuwu merupa opaa. Kanandiomo tadedo: ondae kana mia,

Yehesikieli 10:1

Ka ku'amba kumitao, mentee ntu'u, i wawono longkuno langi anu kongko a wawo ulu, luwuno kerubi, i wawono luwuno atuu, tengkita aasa anu kana tadeno kadera poparentaa, tengkita kana paramata lasuaradi.

Yehesikieli 43:6

Ka ku'amba rumonge Ira mepau ndi ongkue inso i larono Raha Mempori atuu, kontongaano mia anu sumongkao Raha Mempori atuu mentade i horiku.

Yehesikieli 43:7

Pau-Do ndi ongkue, ”Hei anano mia, ndiomo po'iangano kadera poparentaa-Ku ka po'iangano pelengkaru-Ku. I ndi'aimo Aku mo'ia i tonga-tongado to Isaraeli ranta nahina tampulaano. Suku Isaraeli nahi ira mengkokoburutio mbo'u nee-Ku anu mempori, moiko ondae maupo luwuno mokoledo, hangano pebelesua ke saru wata ngkoroido luwuno mokoledo anu memate iramo,

Yehesikieli 8:2

Kukitao, menteeano tengkita asa anu kana tadeno asa mia tama. Inso a hapa anu kana tadeno tongano hawe i totono tengkita kana api ka inso a ntongano kontahane i wawono tengkita kana wanta, kana suasa mangkilo.

Danieli 10:18

Ka i'amba anu rupano kana mia atuu tumengku aku mbo'u ka moweeakune roso.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

Sakaria 6:13

Onaemo anu ta wanguo raha-Do i Ue, ka onaemo anu ta mohawe pompelangkai ka ta mentoro moparenta a wawo ngkadera poparentaano. Ta hina asa mia sando mpesomba a wawo ngkadera poparentaano ka me'asa mpau manangai ta kongko i olodo.

I MATIU 25:13

Onaemo pu'uno, impetangkoromo, hangano nahi imento'orio oleo maupo tempono.”

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

IBARANI 1:8

Sine mongkona Ana mepau Ira, ”Kadera poparentaa-Miu, oo Ue Ala, kongko mpiha motilalo ka nahina tampulaano, ka tuko poparentaa-Miu onaemo tuko menteea.

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

Yosua 5:13

Mansano kumitao i Yosua inia Yeriko inso ia umpedaano, ikitao asa tama mentade i arono saru ponai a ngkaeno. I umpedaakono i Yosua ka ipesikeno, ”Omue atuu waliku ke iwaliku?”

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.

MENGKAAA 1:13

Ka i tonga-tongano karuno hulu atuu hinao asa mia kana Ondae i Ana Manusia, mesangka lemba meloe anu ondauno hawe a ngkaru, ka rada-Do mebooako peboo ntonga inso a wulaa.

MENGKAAA 14:14

Ka kukitao: menteeano, hinao aasa seru mopute, ka i wawono seru atuu mentoro aasa mia kana i Ana Manusia saru aasa ramba-ramba ulu wulaa i wawo ulu-Do ka aasa ponsewo montaso a ngkae-Do.

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

MENGKAAA 5:13

Ka kurongeo luwuno anu tuwu i suruga ka anu i tolino ka anu i totono tolino ka anu a ntahi ka luwuno anu mekongko i larono, mpotae, ”Tia-Do anu mentoro a wawo ngkadera poparentaa ka tia-Do Ana Bimba, onaemo po'unde-unde ka pompelangkai ka marambaa ka pabawa ranta nahina tampulaano!”