Yehesikieli 1:1 - Wunta Mempori

¹ A nta'u kotolu pulu, a wula ko'opaa tanggala olima wula atuu, tempono kuperongaako ira mia mentinadi kongko i wiwi Ngkoro Kebari, te'ungkahiomo langi ka kukita ira pongkita mongkona Ondae Ue Ala.

Yehesikieli 1:1 ပူးပေါင်းရင်းမြစ်များ

Tegagia 15:1

Ka i'amba haweomo pau-Do i Ue ndi Burama a laro asa pongkita, ”Siimo doito, Burama, Ongkuemo kantamu; tambomu ta tedoa langkai.”

Tegagia 46:2

Mepau Iramo Ue Ala ndi Isaraeli a laro pongkita tempono wongi, ”Yako, Yako!” Sangkino, ”Humbee, ndio aku!”

Po'unde-unde 137:1

I wiwino luwuno korono i Babeli, i ra'aimo tompentoro saru mpengese, tewala tomerambeo Sioni.

Peluarakoa 24:10

Domengkita Ira Ue Alado to Isaraeli pelandaano karu-Do kana horo anu wineweu inso a watu sapiri ka mewantano kana langi anu nahi menseru.

Yesaya 1:1

Pongkitano i Yesaya anano i Amosi mongkona Yehuda ka Yerusale anu ikitaomo tempono poparentaano i Usia, i Yotami, i Ahasi ka i Hisikia, luwuno mokoledo to Yehuda.

Yesaya 6:1

A nta'u mateano mokole Usia, kukita Ira i Ue mentoro a wawo ngkadera poparentaa anu mantande ka kontasi-tasi, itotono lemba meloe-Do buketio Raha Mempori.

Yeremia 29:15

Impotae: ’Dowangu iramo i Ue nabimami i Babeli.’

Yehesikieli 1:3

haweomo pau-Do i Ue ndi sando mpesomba Yehesikieli, anano i Busi, i witado to Kasidimi i wiwi Ngkoro Kebari, ka i ra'aimo pabawa-Do i Ue lumimbuo.

Yehesikieli 10:1

Ka ku'amba kumitao, mentee ntu'u, i wawono longkuno langi anu kongko a wawo ulu, luwuno kerubi, i wawono luwuno atuu, tengkita aasa anu kana tadeno kadera poparentaa, tengkita kana paramata lasuaradi.

Yehesikieli 10:10

Opaano tengkita mpe'asa rupa, opaano mengkena, kana bola i tonga-tongano bola.

Yehesikieli 10:15

Kerubi atuudo mewuatako i wawono. Onaemo atuu anu tuwu i ndi'ipua kukita ira i wiwi Ngkoro Kebari.

Yehesikieli 10:20

Onaemo atuu anu tuwu anu i ndi'ipua kukita ira i toto-Do Ue Alado to Isaraeli i wiwi Ngkoro Kebari. Kupokonto'oriomo nine ondae kerubi.

Yehesikieli 10:22

Rupado kana tadeno rupa anu kinitaku a wiwi Ngkoro Kebari. Singge melempa moleo lumako i arono.

Yehesikieli 11:24

Penaa-Do i Ue atuu tumande aku ka wawa aku mekule, a laro pongkita inso a Mpenaa-Do Ue Ala, i wita Kasidimi a luwuno mia mentinadi. Ka i'amba pongkita anu kinitaku atuu moliu inso ndi ongkue.

Yehesikieli 3:15

Aiwa aku a mia mentinadi anu mpo'ia a wiwi Ngkoro Kebari i Teli-Abibi. I ra'ai kupentoro tekokodoho i tonga-tongado opitu oleo tehineno.

Yehesikieli 3:23

Lumako akumo i lembono. Menteeano, maramba-Do i Ue tengkita i ra'ai kana maramba anu umari kinitaku umpeda a Ngkoro Kebari, ka ku'amba menggolontu mesomba.

Yehesikieli 40:2

a laro luwuno pongkita-Do i Ue i wita Isaraeli ka Donaa aku a wawo asa torukuno anu ondau ntu'u. I wawono atuu, i selatano, hinao asa anu kana kota.

Yehesikieli 43:3

Pongkita anu kinitaku atuu kana pongkita anu kinitaku tempono Do'aiwa Ira rumopuo kota atuu ka kana pongkita anu kinitaku a wiwi Ngkoro Kebari. Ka ku'amba menggolontu mesomba.

Yehesikieli 8:3

Ondae tumasiakono asa anu tadeno kana kae ka Do'inio wuu a uluku. Ka i'amba Penaa-Do i Ue atuu tumande aku i olono langi ka tolino saru wawa aku a laro luwuno pongkita-Do Anu Pabawa i Yerusale umpeda pewowa langkaino kintala i larono anu me'aro i utara, i ra'ai po'iangano lahumoa, anu mokomahaki aroa.

Hosea 12:10

Sine Ongkuemo Ue, Ue Alamu mompu'u inso i wita Masiri; Aku weweuko mo'ia mbo'u a luwuno kema kana a luwuno oleo tepotowoa atuu.

Yoeli 2:28

”Ta gagi lembuino, nine Aku umuwuo Penaa-Ku a wawo luwuno mia, luwuno anamiu tama ka beine ira mpopau anu ta gagi; luwuno miamiu anu mota'u ira memo'ipi, luwuno mangalitaumiu ira mpohawe hadio pongkita.

Podoaa 12:6

Mepau Ira, ”Irongeomo pau-Ku andio. Tewala i olomiu hinao asa mia nabi, asalakono Ongkue Ue mokomengkaao koroi-Ku ndi onae a laro pongkita. Aku mepau saru onae a laro mo'ipi.

Podoaa 4:3

Idoaomo anu tinuwuno tolu pulu nta'u ka torea hawe lima pulu nta'u, luwuno anu temponomo ipo'angga, ka dome'anggao anggaa i Kema Tepotowoa.

I MATIU 17:9

I tempono dompetii inso a ntorukuno atuu, Ondae i Yesu umoliwi ira, ”Si hina maupo te'asa mia imempauakono anu kinitamiu andio ba napi Dopewangu i Ana Manusia inso i olodo mia mate.”

I MATIU 3:16

Umari-Do binaho, Ondae i Yesu ronga me'engka inso a uwoi ka itempo mbo'u atuu langi te'ungkahi ka Dokitao Penaa-Do Ue Ala kana manu-manu marapatii, metii i wawo-Do.

I MARAKUSU 1:10

I tempono Dope'engka inso a uwoi, Dokitao langi teberi, ka Penaa kana manu-manu marapatii metii i wawo-Do.

I LUKASI 3:21

Tempono mebinaho iramo luwu mia hadio atuu ka tempono Ondae mbo'u i Yesu binaho ka tekonai mekakai, te'ungkahiomo langi

I LUKASI 3:23

Tempono Dopu'uo i Yesu anggaa-Do, tinuwu-Do bara'ura tolu pulu nta'u ka montonda potaedo mia, Ondae anano i Yusupu, anano i Eli,

I YOHANE 1:51

Ka Do'amba i Yesu motaeakono, ”Kupauakomu, menteeano kokumitao langi te'ungkahi ka mala'eka-Do Ue Ala ira mpetii ka mpewuatako ndi Ana Manusia.”

WINEWEUDO TINENA 10:11

Ikitao langi te'ungkahi ka metiiomo aasa anu kana sawu molue anu mendoe a opaa siuno, anu pinotii a wita.

WINEWEUDO TINENA 10:3

A laro aasa pongkita, bara'ura langku otolu owowa oleo, manasa ikitao aasa mala'eka-Do Ue Ala mewinso a rahano ka ipotaeakono, ”Koroneliusu!”

WINEWEUDO TINENA 7:56

Ka i'amba motae, ”Mentee ntu'u, kukitao langi te'ungkahi ka i Ana Manusia mentade i koana-Do Ue Ala.”

2 KORINTI 12:1

Asalakono aku mawongko, maupo lano mongkona atuu nahina tuduno, maupo kanandio aku paleleo luwuno pongkita ka luwuno pepokomengkaa anu tinarimaku inso ndi Ondae i Ue.

MENGKAAA 19:11

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.

MENGKAAA 4:1

Ka i'amba umarino atuu kukitao: Menteeano, aasa pewowa te'ungkahi i suruga ka suara anu i ndi'upua kurongeomo, motae ndi ongkue kana unino tawuwua, ipotae: Pewuatakomo ramai ka Aku tumisoakomu hapa anu asalakono gagi umarino andio.