YAKOBU 5:7 - Wunta Mempori

⁷ Onaemo pu'uno, pepaekompo luwu-luwu, imensabaramo ranta a hawea-Do i Ue! Menteeano mia melere monsikori hasili anu masuli olino inso a witano ka isabara hawe ka ipetiimo usa tempo amba-ambano ka pokotompaano.

YAKOBU 5:7 ပူးပေါင်းရင်းမြစ်များ

Yeremia 5:24

Nahi dompotae a laro aroado: Moikoomo tomedoitoako Ira i Ue, Ue Alato, anu moweeakita usa ia tempono, moiko usa pompu'uano tempono maupo usa poko'ariano tempono, ka anu mokogagio ndi ontae luwuno minggu ponsowia.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Yoeli 2:23

Hei inuleno i Sioni, peboo-boolimo ka po'undemo hangano Ondae i Ue, Ue Alamu! Hangano Dopoweakomiumo usa a pompu'uano tempo ka Dopotiiakomiu usa, usa a pokotompaano tempo kana se'eluno.

Sakaria 10:1

Po'emamo usa ndi Ondae i Ue a mpokotampulaano pepo'euano tempo motu'i ka wula usa! Ondaemo i Ue anu weweuo seru mo'ito, ka usa marombo Ira mompotii ndi ondae ka luwuno pinopaho a tonga mpada a sompo mia.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

I MATIU 16:28

Kupauakomiu: Menteeano i olodo mia anu mekongko i ndi'ai hinao anu nahi ta mate ba napi domengkita Ira i Ana Manusia hawe gagi Mokole a laro Poparentaa-Do.”

I MATIU 24:27

Hangano mengkena kana koliki mekinsa inso i sabaano oleo ka pansario wantano hawe i sumooano oleo, kanandiomo mbo'u te'ipua hawea-Do i Ana Manusia.

I MATIU 24:44

Onaemo pu'uno, omiu mbo'u impepatinda, hangano i Ana Manusia hawe a tempo anu nahi mekoo-kooo.”

I LUKASI 18:8

Kupauakomiu: Ira koa ronga mokomentee ira. Sine, tewala hawe i Ana Manusia, hinaoke Dopohawe pompe'ala-ala i tolino?”

I LUKASI 21:27

I tempo atuu mia ta kumita Ira i Ana Manusia hawe a laro nseru saru luwuno pabawa ka maramba-Do.

I LUKASI 8:15

Anu tedonta a wita anu moiko atuu onaemo mia, anu mansado merongeo pau atuu, menaao i laro aroado anu moiko ka mpoluarako wua a pompedatodo.”

I YOHANE 21:22

Sumangki Ira i Yesu, ”Tewala inehe-Ku ka kongko tuwu ranta ka Kuhawe, komba to'oriamu atuu. Sine omue: tonda Akumo.”

I YOHANE 21:23

Ka tepaleleomo lele i olodo anu mpepe'etu atuu, nine ana guru atuu nahi ta mate. Sine Ondae i Yesu nahi Dopauakono i Peturu, nine ana guru atuu nahi ta mate, tendeano, ”Tewala inehe-Ku ka i kongko tuwu ranta ka Kuhawe, komba to'oriamu atuu.”

ROMA 15:4

Hangano luwuakoano anu binuri i ndi'upua, binuriomo ka igagi pepaguruato, ka tomemoroso mpe'ini a pomperorohia hangano modato aroa ka pontarero inso a Wunta Mempori.

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

1 KORINTI 1:7

Kanandiomo omiu nahi memakuraako maupo te'asa pompowee kontongaamiu mensikorio hawe-Do Ueto i Yesu Kerisituu.

GALATIA 5:5

Nde hangano Penaa, ka hangano pompe'ala-ala, tomensikorio menteea anu pinerorohito.

GALATIA 6:9

Si tonte'osa mpoweweu moiko, hangano tewala haweomo tempono, kita mensowi, tewala komba gagi kita memolema.

Winali 11:14

onaemo ka Dopompowee usa tiano witamiu a tempono, usa pompu'uano ka usa pokotompaano, ranta ka upokopopumpu gandu, anggoro ka lanamiu.

KOLOSE 1:11

ka mempinokorosoako luwuno roso hangano pabawano maramba-Do ka imoroso aroamiu ka mensabara mentembio luwuakoano,

1 TESALONIKA 1:3

Hangano kiwela merambeo po'anggano pompe'ala-alamiu, inanggano pompehohawamiu ka modatono pomperorohimiu ndi Ondae Ueto i Yesu Kerisituu i aro-Do Ue Ala ka Amato.

1 TESALONIKA 2:19

Hangano isemake pomperorohiamami ke mawongkoamami ke ramba-ramba ulu pino'undeakomami i aro-Do i Yesu, Ueto, a tempo hawea-Do, tewala komba omiu?

1 TESALONIKA 3:13

Po'ineeomo ka Dopokomorosoakomiu aroamiu, ka si hina tataano ka mempori, i aro-Do Ue Ala ka Amato a tempo hawea-Do i Yesu, Ueto, saru luwuno mia mempori-Do.

IBARANI 6:15

I Burahima sabara mesikori ka hangano kanandio ihaweo hapa anu dinandiako ndi onae.

YAKOBU 4:11

Pepaekompoku luwu-luwu, si memambeposebe! Ba isema momposebe pepaekompono ke mokonsalao, itatao songka mokonsalao; ka tewala upokonsalao songka, omue komba anu montonda songka, sine puu mpobitarano.

YAKOBU 5:10

Pepaekompo luwu-luwu, imentondaomo pandiri tebobarasaia ka sabarado luwuno nabi anu mpepau iramo a nee-Do i Ue.

YAKOBU 5:3

Wulaa ka salakamiu menta'ilasiomo, ka ta'ilasino ta gagi sakosii ndiomiu ka ta kumaano ihimiu kana api. Mpopumpu komiumo arataa a mpokotompaano tempo.

2 PETURU 3:4

Dompotae, ”Isuake dandi mongkona hawe-Do atuu? Hangano umarino domemate ue mpu'uto, luwuakoano kongko mpiha kana amba-ambano, tempono ipinokogagi wawontolino.”