YAKOBU 5:5 - Wunta Mempori

⁵ Mentuwu komiumo a laro mare'ea ka mpompemana-manangai i tolino, impotendeomo aroamiu mengkena kana a oleo ponsumbelea.

YAKOBU 5:5 ပူးပေါင်းရင်းမြစ်များ

Po'unde-unde 17:14

Ipingko iramo, oo Ue, saru kae-Miu, Ipingko iramo inso i tolino, ka si dompohawe tia i olodo mia anu mentuwu, kompodo po'ineeomo ka ibukeako hapa anu ninaa-Miu, ranta luwuno anado gagi menteende, ka toreano domebintao tiado luwuno nana'ote kodeido.

Po'unde-unde 73:7

Hangano mewalo, matado memungku, aroado luluaako pontuluri.

Powadi 17:1

Moikoopo asa mpole roti mokari tinondaako rodoa, sekonopo raha buke kaanga tinondaako pengengea.

Powadi 7:14

”Asalakono aku mompesombaako pesomba tekaduduia, ka a oleo andio ku'owahiomo tinangaku atuu.

Puu Pontutulu 11:9

Po'undemo, hei mia mongura, a laro monguraamu, po'ineeomo ka imawongko aroamu i tempono umongura. Tondaomo po'eheno aroamu ka pongkitano matamu, sine to'oriomo nine hangano luwuno mongkona andio Ondae Ue Ala Ira wawako a mpebitaraa!

Yesaya 22:13

sine kitao, anu hina tendeano po'undea ka mawongkoa, mia mpontida sapi ka mponsumbele bimba, mpongkaa bau ka mpo'inu anggoro, saru mpebooli, ”Aiwamo ka tompongkaa ka mpo'inu, hangano tisomo kita memate!”

Yesaya 3:16

Ondae i Ue mepau: Beine Sioni gagi iramo mpompelangka-langkai ka mpelempa saru we'u anu pinokomoleo saru mpemae mata, ondae mpelempa mpepe'unde ka uni kekele a ngkarudo.

Yesaya 47:8

Onaemo pu'uno, rongeomo andio, hei mia anu tuwu mesana-sanaa, anu rodo mentoro, ka motae a laro aroano, ”Butu ongkue; nahina anu susua i horiku! Nahi aku gagi tuwu beine ka anaku ira mekongko mpiha ndi ongkue!”

Yesaya 56:12

”Aiwamo,” dompotae, ”aku mo'ala anggoro, moikoomo tompo'inu ara tehadio ntu'u; tisomo mengkena kana oleo andio, ka laluaopo moiko mbo'u!”

Yeremia 12:3

Oo Ue, Omiu tumo'ori aku ka kumita aku. Omiu umarahakono ihino aroaku ndi Omiu. Pae iramo mpeluarako kana bawaano bembe bimba sumbelea, ka pesusua iramo tiano oleo ponsumbelea.

Yeremia 25:34

Ponsabangimo ka peboolimo, hei luwuno puu mpopakambi! Pelundi-lundimo a laro pampawu, hei luwuno petewawa bawaano bembe bimba! Hangano haweakoomo tempomiu ka imensinumbele ka mensiniarawo, ka komiu mentedonta ntesiarawo kana bolusa masuli olino.

Yehesikieli 16:49

Kitao, ndiomo salano Sodomo, akamu anu lalu mongura atuu: pompelangka-langkai, kaanga anu hadio ntu'u, ka sanaano tumuwu kongko ndi onae ka luwuno anano beine, sine onae nahi pontulungi mia marasai ka mongkokolaro.

Yehesikieli 39:17

Omue, anano mia, kanandiomo pau-Do Ue Ala: Potaemo a luwuno rupano manu-manu ka luwuno kondehora mo'ila: Impepumpumo ka ime'aiwamo, impepumpumo inso a luwuno siuno a mpelimbua pesomba anu Kuweweuakomiu, asa pelimbua pesomba anu langkai a wawo luwuno torukuno Isaraeli. Komiu mpongkaa bau ka mpo'inu rea.

Amosi 6:1

”Memasola iramo ntu'u mia anu momperodo i Sioni, mia anu momperodo i torukuno Samaria, luwuno mia memota'u inso a tongku amba-ambano, anu dontepohaweakono tongku Isaraeli!

I LUKASI 16:19

”Hinao asa mia kaea anu wela mesangkaako lemba meloe wungo ka sawu alusu, ka sompo oleo onae mo'unde a laro mare'ea.

I LUKASI 16:25

Sine motae i Burahima: Ana, pewowoloomo, nine utarimaomo anu moiko tempono utuwu, sine i Lasaru luwuno anu mosa'o. Kanandio-andio onae mohawe pontarero ka omue tedoa marasai.

ROMA 13:13

Aiwamo tomentuwu mponto'ori gau, kana tempono meene, komba a mpogawea nahina sa'uno ka memolangu, komba a mpebelesua ka montonda po'eheno aroa, komba a nteposisalaa ka mengkohili.

1 TIMOTIU 5:6

Sine aasa tuwu beine anu tuwu mare'e ka laloomo lahi, mateomo tempono da ituwu.

2 TIMOTIU 3:4

inehedo mpohapu pedandia, nahi dompompewowolo ondau, mpompeto'o-to'ori, laluaopo domentondao po'eheno aroado sekonopo tumonda Ira Ue Ala.

2 PETURU 2:13

ka ira mpompembasai teweweu anu mosa'o gagi tambodo mpoweweu mosa'o. Mpesana-sanaa tempono meene, domentuduo mawongkoa. Ondaemo atuu ta'i ka tataa, anu memolangu a laro mpo'eheno aroado tewala mpentoro ira mpongkaa mpo'inu mperonga-ronga saru omiu.

YUDASI 1:12

Ondaemo andio tataa a mpelimbua mambepehohawamiu, nde ondae nahi mokoko'iido mpongkaa hadio ka butu mpekakaakono koroido ondaedo; ondae kana seru anu nahi pe'uwoi, anu telalo ipuurio angi; ondae kana luwuno keu anu i tempo motu'i-tu'i nahi pewua, luwuno keu anu tebuta saru luwuno hakano ka mateomo ntu'u.

MENGKAAA 18:7

poweeakonomo pobobarasai ka po'inombo, montonda hadiono marambaa ka mare'ea, anu i hinaweno. Hangano ipotae i laro aroano: Mentoro aku a ngkadera poparentaa kana mokole beine, ongkue komba tuwu beine, ka nahi aku hori mo'inombo.

1 Samueli 25:36

Mansano hawe i Abigai ndi Naba, onae kontongaano morame-rame langkai i rahado kana porame-ramedo mokole. Mawongko ntu'u aroano i Naba ka tedoa molangu. Onaemo pu'uno ranta ka isaba oleo, beine atuu nahi pompauakono hapa-hapa ndi Naba.

1 Samueli 25:6

Imempauakono tabea andio: Tabea ka rodoa ndi omiu ka pe'asa rahamiu, ka luwuno arataamiu.