YAKOBU 5:16 - Wunta Mempori

¹⁶ Onaemo pu'uno ka imemambe mangakuakono halamiu ka memambe pekakaiako, ka imetompa. Pekakaino mia mentee, tewala ipe'ala-alao ntu'u ipinekakaiako, langkai ntu'u pabawano.

YAKOBU 5:16 ပူးပေါင်းရင်းမြစ်များ

Tegagia 19:29

Kanatuumo tempono Doropuo Ue Ala luwuno kota i Lembono Yarade, Ondae Ue Ala rumambeo i Burahima. Onaemo ka Doluarakono Ue Ala i Lo'oti inso i tongano po'ianga anu winowangunsule-Do atuu, tempono luwuno kota po'iangano i Lo'oti Dowowangunsuleo.

Tegagia 20:17

I Burahima mekakai ndi Ondae Ue Ala, ka i'amba Ondae Ue Ala mokotompao i Abimele ka beineno saru luwuno atano beine, ranta ka dompe'ana.

Tegagia 20:7

Kanandio-andio, pokuleomo kombiano mia atuu, hangano onae asa nabi. Onae ta mekakaiakomu, ka omue kongko tuwu. Sine tewala nahi upokuleo, to'oriomo, manasa omue mate, omue ka luwuno mia anu pe'asamu.”

Tegagia 32:28

Ka i'amba motae mia atuu, ”Neemu nahi ta pinau mbo'u i Yako, sine i Isaraeli, hangano melulukukomo umewai Ira Ue Ala ka mia, ka omue monangi.”

2 Samueli 19:19

Ipotaeako ira mokole, ”Siimo ueku ipototoiakune salaku. Siimo ipewowoloo sala anu wineweuno atamiu andio a oleo peluarakoamiu inso i Yerusale ka siimo ueku mokole inaao i laro aroamiu.

1 Mokole 13:6

Ka i'amba i mokole motaeakono nabi atuu, ”Po'emamo pompehohawa-Do Ue, Ue Alamu ka pekakaiakunemo, ka kupokompokuleo mbo'u kaeku.” Nabi atuu mo'emaomo pompehohawa-Do i Ue, ka i'amba kaeno mokole atuu ipokompokuleomo kana se'eluno.

2 Tawarika 30:20

Ondae i Ue merorongeakono i Hisikia ka momuleo tongku atuu.

Ayubi 42:8

Onaemo pu'uno, alaomo opitu sapi lakino ka opitu bimba lakino. Lakomo a ntetenaa-Ku i Ayubi ka pesombaakonomo luwuno atuu gagi pesomba tinunu tiano koroimiu. Tetenaa-Ku i Ayubi ta mekakaiakomiu hangano po'emano anu Aku tumarimao. Bakanatuu nahi Aku weweu komiu menunu saru benge-bengemiu, hangano nahi mpepau mentee mongkona Ongkue kana tetenaa-Ku i Ayubi.”

Po'unde-unde 34:15

olaiakonomo anu mosa'o ka weweuomo anu moiko, ungkeomo pesintuwua ka uhaweomo!

Peluarakoa 17:11

Ka gagiomo, tewala i tandeo i Musa kaeno, memoroso irapo to Isaraeli, sine tewala ipotiio kaeno, memoroso irapo to Amale.

Peluarakoa 9:33

Meluarakoomo i Musa inso a ngkota atuu bintao i Pirao, itandeomo kaeno ndi Ondae i Ue, menaa-naaomo rundu ka usa uwoi watu nahi te'uwu mbo'u i tolino.

Powadi 15:29

Ondae i Ue atuu olai inso a mia mosa'o gauno, sine pekakaino mia mentee Dorongeo.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 28:9

Isema anu wolilio birino ka si rongeo songka, pekakaino mbo'u mokoburu.

Yeremia 15:1

Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!

Yeremia 33:3

Peboolimo ndi Ongkue, asalakono Aku sumangkiko ka pauakomu mongkona wineweu anu langkai anu nahi pinokonto'ori, mongkona wineweu anu nahi uto'orio.

Yeremia 42:2

Dompotae ndi nabi Yeremia, ”Po'ineeomo po'emamami ka ihawe i aromu! Pekakaiakamimo ndi Ondae i Ue, Ue Alamu, tiado luwuno anu da mentuwu andio. Hangano, butumo koa omami anu mentuwu, tedeimo koa inso a mia anu hadio, kana anu ukitaakonomo matamu.

Podoaa 11:2

Mpebooli iramo tongku atuu ndi Musa, ka i Musa mekakai ndi Ondae i Ue; ka i'amba mate api atuu.

I MATIU 21:22

Ka hapamo koa inemamiu a laro mpekakai saru buuke pompe'ala-ala, komiu koa mentarimao.”

I MATIU 3:6

Ka do'amba memangakuakono halado ibaho ira i Yohane a ngkoro Yarade.

I MARAKUSU 1:5

Ka i'amba mehawe iramo ndi onae mia inso i asa wawo wita Yudea ka luwuno palilino Yerusale, ka kontongaado memangakuakono halado mebinaho ira a ngkoro Yarade.

I LUKASI 9:6

Ka i'amba melako iramo ka domesompoo luwuno inia kontongaado mempaleleo Lele Mawongkoa ka mpompokotompa mia mahaki a luwuno po'ianga.

I YOHANE 9:31

Tomento'orio, nine Ondae Ue Ala nahi Doperorongeako ira mia ntehala, tendeano mia anu mesomba ntu'u ka anu weweuo po'ehe-Do.

WINEWEUDO TINENA 10:38

onaemo mongkona Ondae i Yesu inso i Nasare: ba kana'umpe Do'urapiako Ira Penaa Mempori ka rosono pabawa, Ondae, anu melempa sumompoo wita moweweu anu moiko ka mokotompa ira luwuno mia anu pinabawaino i Mosa'o, hangano Ondae Ue Ala kumongkomi Ira.

WINEWEUDO TINENA 19:18

Hadio i olodo anu mpompe'ala-ala iramo, mehawe ka memangaku i arodo mia hadio, nine mehori ira mpoweweu kana wineweu atuu.

WINEWEUDO TINENA 8:24

Sumangki i Simo, ”Omiumo mekakaiakune ndi Ondae i Ue, ka si mansa gagi luwuno hapa anu ipauakunemo atuu.”

ROMA 3:10

kana hinao teburi, ”Nahina anu mentee, maupo te'asa mia nahina.

ROMA 5:19

Gaagi mengkena kana hangano asa mia nahi petenunu luwuno mia megagi iramo mia ntehala, kanandio koa mbo'u hangano petenununo asa mia luwuno mia gagi mia mentee.

KOLOSE 1:9

Onaemo pu'uno mompu'u tempono kimerongeo, nahi kimpenaa-naa mpekakaiakomiu. Kime'emao, ka imentarimao mperupa-rupa ponto'ori anu mentee, ka imento'orio koa ntu'u po'ehe-Do i Ue,

1 TESALONIKA 5:17

Impekakaimo mpiha.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

1 TESALONIKA 5:25

Pepaekompoku luwu-luwu, impekakaiakamimo.

IBARANI 11:4

Hangano pompe'ala-ala ipesombaakonomo i Habeli ndi Ondae Ue Ala pesomba anu lalu moiko sekonopo pesombano i Kai. Hangano koa atuu ka ipohawe ponsakosii ndi onae, nine onae mentee, hangano Dopemoikoo Ue Ala pesombano atuu ka hangano pompe'ala-ala onae da mepau, umarino mate.

IBARANI 11:7

Hangano pompe'ala-ala, onaemo i Noho – saru pontiso-Do Ue Ala mongkona hapa anu napi tengkita – saru metenunu ipatindao Bangka kaduduido pe'asa rahano ka hangano pompe'ala-ala atuu ihukuo wawontolino, ka onae tinantui montarima menteea, menunu saru pompe'ala-alano.

IBARANI 12:13

ka pesalaano karumu pokomoleoomo, ka si tepolindu anu modingge, sine gagi tompa.

IBARANI 13:18

Impekakaiakami mpiha; hangano kimpe'ala-alao, nine pohaweno aroamami moiko, nde a luwuakoano inehemami aasa tuwua anu moiko.

Yosua 10:12

Mepauomo i Yosua ndi Ondae i Ue, a oleo Dopeweengakono i Ue to Amori a nto Isaraeli. Mepauomo i arodo to Isaraeli, ”Mata oleo, penaa-naamo i wawono Gibeo, ka omue wula i wawono lembono Ayalo!”

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 YOHANE 3:22

ka hapamo koa anu inemato, tomehaweo inso ndi Ondae, hangano tomentondao luwuno parenta-Do ka mpoweweu hapa anu Dopemoikoo.

1 Samueli 1:12

Kontongaano wela mekakai ndi Ondae i Ue, i kokontooo i Eli wiwino;

1 Samueli 12:17

Nde komba tempo konsowia gandu ke kanandio-andio? Aku mebooli ndi Ondae i Ue, ka Dopompotii rundu ka usa. Kitao, ka imento'oriomo tedoa langkai mosa'ono wineweumiu i aro-Do i Ue, kai mpo'ema mokolemiu.”

1 Samueli 12:18

I Semueli mebooli ndi Ondae i Ue, ka i oleo koa atuu Ondae i Ue mompotii rundu ka usa, onaemo ka dotedoa medoito tongku atuu ndi Ondae i Ue ka ndi Semueli.