YAKOBU 5:11 - Wunta Mempori

¹¹ Menteeano kimempau ira meme'ura, onaemo andio anu mpompedato iramo; imerongeomo mongkona pompedatono i Ayubi ka imento'oriomo hapa anu poko'ariano Dopatiandaakono i Ue, hangano Ondae i Ue tedoa mompehahowa ka buke pe'aroa.

YAKOBU 5:11 ပူးပေါင်းရင်းမြစ်များ

1 Tawarika 21:13

Sumangki i Daudi ndi Gadi, ”Tedoa aku mompemasusa. Po'ineeomo kutendonta a ngkae-Do i Ue, hangano langkai ntu'u pompehohawa-Do, sine siimo kutedonta a ngkaedo mia.”

2 Tawarika 30:9

Menteeano, tewala mpekule komiu ndi Ondae i Ue, luwuno pepaekompomiu ka luwuno anamiu ira mpohawe pompehohawa inso a luwuno mia anu tumawa ira, ranta ka dompekule i wita andio. Hangano Ondae i Ue, Ue Alamiu, anu puu mpompehohawa. Nahi Ira wolilio rupa-Do inso ndi omiu, tewala mpepokule komiu ndi Ondae!”

Nehemia 9:17

Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Nehemia 9:31

Sine hangano pompehohawa-Miu anu langkai, nahi ropu ira ka nahi binta ira. Menteeano Omiumo Ue Ala anu puu pompehohawa.

Ayubi 1:1

Hinao asa tama i wita Usi meneeako i Ayubi. Mia atuu moroso pompe'ala-alano ka moleo aroano, doitoako Ira Ue Ala ka olaiakono wineweu mosa'o.

Ayubi 1:2

Onae hinao anano opitu tama ka otolu ira beine.

Ayubi 2:10

Sine sumangki i Ayubi ndi onae, ”Omue mepau kana beine monge-monge! Nde inehetoke montarima butu anu moiko inso ndi Ondae Ue Ala, sine nahi tobehe montarima anu nahi moiko?” I larono luwuno atuu i Ayubi nahi tehalaako wiwino.

Ayubi 23:10

Hangano Doto'orio sala ntumuwuku; ande-andeno Do'arahako aku, aku meluarako kana wulaa.

Po'unde-unde 103:13

Kana ama mehohawa ira anano, kanatuumo Dopehohawao i Ue mia anu doitoako Ira.

Po'unde-unde 103:8

Ondae i Ue me'aroa ka mompehohawa, tedoa sabara ka langkai ntu'u pompehohawa-Do.

Po'unde-unde 116:5

Ondae i Ue atuu mompehohawa ka moleo, Ondae Ue Alato me'aroa.

Po'unde-unde 119:132

Ipewolilimo ndi ongkue ka Ipehohawa akumo, montonda moleo-Miu a luwuno mia anu kumekewoio nee-Miu.

Po'unde-unde 145:8

Ondae i Ue atuu me'aroa ka mompehohawa, tedoa sabara ka langkai pompehohawa-Do.

Po'unde-unde 37:37

Pekokoongakono mia anu moleo aroano ka pepenteeomo mia anu nahi molengku, hangano a mia anu ineheno manangai ta hina oleo ramaino;

Po'unde-unde 51:1

Tiano petewawado anu mpenani. Penani po'unde-undeno i Daudi,

Po'unde-unde 78:38

Sine, Ondae mompehohawa, Do'ampunio salado ka nahi Doropu ira; mararu Dopeteao tekuda-Do ka nahi pokotesingkao luwuno mosa'ono aroa-Do.

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Po'unde-unde 94:12

Me'uraomo mia anu pinaguru-Miu, oo Ue, ka anu Ipaguruakono Songka-Miu.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Puu Pontutulu 7:8

Poko'ariano asa rupa moikoopo sekono pompu'uano. Tedoa sabara moikoopo sekono pompelangka-langkai.

Yesaya 63:7

Aku tumutuluo pompehohawa-Do i Ue anu nahi bali, luwuno wineweu-Do i Ue anu telele, anu wineweu-Do i Ue ndi ontae ka moikoa anu langkai a nsukudo to Isaraeli, anu wineweu-Do ndi ondae menunu saru pompehohawa-Do ka pompehohawa-Do nahi bali anu langkai.

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Ponsabangi 3:22

Menteeano nahi otu-otu pompehohawa-Do i Ue pompowee-Do nahi hori pingko,

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

Yoeli 2:13

Baliomo aroamu ka osi'i sangkamu, pepokulemo ndi Ondae i Ue, Ue Alamu, hangano Ondae me'aroa ka mompehohawa, tedoa Ira sabara ka hadio ntu'u pompehohawa. Me'o'ole Ira mingki mompotii masolaa.

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

Podoaa 14:18

Ondae i Ue atuu tedoa sabara ka hadio ntu'u pompehohawa-Do, Do'oninio sala ka pe'ewa, sine nahi Dopotolao mia anu sala inso a mpohukua. Ondae mombalo salano ama a luwuno anano, a inule ko'otolu ka ko'opaa.

I MATIU 10:22

Ka ira me'o'aliaakomiu luwuno mia hangano nee-Ku; sine mia anu mompedato hawe a pokotompaano ta tekadudui.

I LUKASI 1:50

Ka pompehohawa-Do mapa'api-api inule a mia anu doitoako Ira.

I LUKASI 11:10

Hangano sompo mia anu mo'ema, montarima ka sompo mia anu mo'ungke, mohawe ka sompo mia anu metingko-tingko, onae inungkahiako pewowa.

I LUKASI 6:36

Asalakono ka impe'aroa, kana pe'aroa-Do Amamiu.”

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

EPESU 1:6

ka i'unde-undeomo pompehohawa-Do anu maramba, anu Doweeakita ndi Ondae, anu pinehohawa-Do.

EPESU 2:4

Sine Ondae Ue Ala anu kaeaako pompowee, hangano pompehohawa-Do anu langkai, anu Dowee kita,

IBARANI 10:39

Sine ontae komba mia anu memposuka ka memate, sine mia anu pompe'ala-ala ka anu mpohawe tuwua.

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

IBARANI 3:6

sine Ondae i Kerisituu metenunu gagi Ana anu metewawa a raha-Do; ka raha-Do onaemo ontae, tewala mehawe kita a pokotompaano mpe'ini moroso a pompe'ala-ala ka pomperorohia anu pinemawongkoto.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

YAKOBU 1:2

Luwuno pepaekompoku, tuduomo kana aasa me'uraa, tewala ntedonta komiu a laro mperupa-rupa po'ara-arahako,

1 PETURU 1:13

Onaemo pu'uno imempatindaomo pompewowolo moilino, impetangkoromo ka imenaaomo luwuno pomperorohimiu a mpe'aroa anu imewineeako i tempono Dopepokomengkaa i Yesu Kerisituu.

1 PETURU 3:14

Sine maupo asalakono imemarasai mbo'u hangano menteea, komiu koa meme'ura. Onaemo pu'uno si medoitoakono hapa anu dinoitoakodo ka si pondidi-ndidi.

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,