YAKOBU 5:1 - Wunta Mempori

¹ Gaagi kanandio-andio hei omiu mia mengkaea, impengesemo ka mensabangiomo marasaia anu ta umalukomiu!

YAKOBU 5:1 ပူးပေါင်းရင်းမြစ်များ

Po'unde-unde 17:14

Ipingko iramo, oo Ue, saru kae-Miu, Ipingko iramo inso i tolino, ka si dompohawe tia i olodo mia anu mentuwu, kompodo po'ineeomo ka ibukeako hapa anu ninaa-Miu, ranta luwuno anado gagi menteende, ka toreano domebintao tiado luwuno nana'ote kodeido.

Powadi 11:28

Isema merorohio kaeano ta tedonta; sine mia mentee ta tuwu kana lewe mongura.

Powadi 11:4

A oleo tekudaa arataa nahi mentudu, sine menteea motolao mia inso a matea.

Yesaya 13:6

Ponsabangimo, hangano oleo-Do i Ue umpedaomo, haweno gagi pabawa pe'iwalia inso ndi Ondae Anu Tedoa Pabawa.

Yesaya 15:3

A nsala mia mpebooako sawu po'inombo, a wawo ato ka a ntanalapa luwuno mponsabangi, uwoi matado nte'i'iti.

Yeremia 4:8

Onaemo pu'uno pokonaomo sawu po'inombo, pengesemo ka ponsabangimo; hangano tekuda-Do i Ue anu tensila nahi ta menaa-naa inso ndi ontae.

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Yehesikieli 19:2

Potaemo kanandio, ”Inemu gagiomo ntu'u singa waino i olodo luwuno singa! Onae mepombole i olodo singa mongura, ka mo'uo ira anano.

Yehesikieli 30:2

”Hei anano mia, pauomo anu ta gagi ka potaemo: Kanandiomo pau-Do Ue Ala: Ponsabangimo: Adoo, oleo atuu!

Yoeli 1:11

Imemokoko'iimo, hei luwuno puu mpelere, imponsabangimo, hei luwuno puu mpo'angga lere anggoro ponsabangi hangano gandu ka jelai, hangano ropuomo sowia a lere.

Yoeli 1:13

Pokonaomo sawu po'inombo ka ponsabangimo, hei luwuno sando mpesomba; imperaalikimo, hei luwuno puu pompekakaako meda pontunua pesomba; impewinsomo, imperatomo saru mompokona sawu po'inombo, hei luwuno puu pompekakaako-Do Ue Alaku, hangano pesomba kaanga ka pesomba tinawa, pinenaa-naaakoomo inso a raha-Do Ue Alamu.

Yoeli 1:5

Hei anu wela molangu pewangumo, ka pengesemo! Ponsabangimo, hei luwuno anu marampo'inu anggoro hangano anggoro wo'ohu, hangano anggoro atuu rinontuomo inso a ngangamu!

Mika 6:12

Luwuno mia mompoli i kota atuu mpoweweu hadio pobobarasaia, palilino mpegaupi ka elo a laro ngangado bukeako pompopo'oo.

Sepanya 1:18

Salaka ke wulaa nahi pokokadudui ira a oleo tekudaa-Do i Ue. Asa wawontolino ta pingko ikaano api mahakino aroa-Do, hangano matea, tendeano matea mongkokongiri pinotii-Do a luwuno palili i tolino.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

YAKOBU 1:11

Hangano mata oleo saba saru mokulano anu mangkara ka mokomoleuo ewo atuu, onaemo ka ironta sisino ka tetadiomo tekosino. Kanandio koa mbo'u teweweuno mia kaea; i tonga-tongano luwuno inungkeno onae ta moliu.

YAKOBU 2:6

Sine imempokongkodei iramo mia memongkokolaro. Kombake tendeano mia mengkaea anu mempokonsii komiu ka anu rumende komiu a mpebitaraa?

YAKOBU 4:13

Gaagi kanandio andio, hei omiu anu mpotae, ”Oleo andio ke tisomo kami mpelungka melako i kota anu, ka i ra'ai kami mpo'ia asa nta'u ka mpebalu-balu saru mpohawe ura,”

YAKOBU 4:9

Impe'o'oleakonomo urasa'omiu, mpompemasusa ka imposabangimo; pengingisimiu ime'euakonomo ponsabangi ka po'undemiu ime'euakono pompemasusa.