YAKOBU 4:8 - Wunta Mempori

⁸ Ime'umpedamo ndi Ondae Ue Ala, ka Ira umpeda ndi omiu. Impokomorinaomo kaemiu, hei omiu mia ntehala! Ka impokomemporiomo aroamiu, hei omiu anu melaro orua!

YAKOBU 4:8 ပူးပေါင်းရင်းမြစ်များ

Tegagia 18:23

I Burahima aiwa umpeda, ka ipotae, ”Nde Komiu mokotampula irake mia mentee meronga saru mia mosa'o gaudo?

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 15:2

Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.

Ayubi 16:17

maupo nahina poweweu lambaha a ngkaeku, ka pekakaiku moleo inso i aroaku.

Ayubi 17:9

Maupo kanatuu mia mentee kongko a nsalano, ka mia anu nahi poweweu mosa'o tekense moroso.

Ayubi 9:30

Maupo kuwo'ohiakono seru baku koroiku ka kuwo'ohiakono sabo kaeku,

Po'unde-unde 119:113

Mia anu mesampa aroano ku'o'aliaakono, sine Songka-Miu kukekewoio.

Po'unde-unde 145:18

Ondae i Ue umpeda a sompo mia anu mebooli ndi Ondae, a sompo mia anu metenunu mebooli ndi Ondae.

Po'unde-unde 18:20

Ondae wawa aku meluarako a mpo'ianga malua, Ondae kumadudui aku, hangano Dopemoiko aku.

Po'unde-unde 24:4

”Mia anu morina kaeno ka molino aroano, anu nahi peweengakono koroino a pompopo'oo, ka anu nahi pesumpa megaupi.

Po'unde-unde 26:6

Kuwo'ohio kaeku tondonino nahina salaku, ka ku'amba melempa lumimbuo meda-Miu pontunua pesomba, oo Ue,

Po'unde-unde 51:10

Po'ineeomo kurongeo po'undea ka mawongko, po'ineeomo luwuno wuku anu pinuro-Miu wali mengkokora-kora mawongko!

Po'unde-unde 73:13

Nahina ntu'u tuduno kukorahakono aroa anu morina, ka wo'ohio kaeku, tondonino nahina salaku.

Po'unde-unde 73:28

Sine ongkue, ineheku umpeda ndi Ondae Ue Ala; Ondae Ue Ala kupakosio gagi pepekaduduiaku, ka kupokotutuluo luwuno inangga-Do.

Yesaya 13:15

Sompo mia anu kona rako ta tinobo, ka sompo mia anu tinawa ta tebangku mateako ponai.

Yesaya 29:13

Mepau Iramo i Ue, ”Hangano tongku andio aiwa me'umpedaako ngangano ka melangkaia-Kune wiwino, sine aroano olai inso ndi Ongkue, ka pesombano ndi Ongkue butu koa parentano mia anu hinapalano,

Yesaya 58:2

Oleo me'eu oleo dome'ungke Aku ka inehedo mento'orio luwuno sala-Ku. Kana tongku mpoweweu anu mentee ka anu nahi bintao songka-Do Ue Alano dompesikenoakono ndi Ongkue luwuno songka anu mentee, inehedo me'umpeda ndi Ondae Ue Ala, dompotae,

Yeremia 4:11

I tempo atuu ta pinau a tongku andio ka palilino Yerusale, ”Angi mokula inso a luwuno pongku londa i pada one mepuuri te'aro a ana beine bawaa-Ku; komba poduku ka komba pompokomorina,

Yeremia 4:14

Pokomorinaomo aroamu inso a wineweu mosa'o, hei Yerusale, ka ukinadudui! Opiapo mbo'u tehineno ipo'ia i laro aroamu luwuno tinoomu anu mosa'o?

Ponsabangi 3:57

Omiu umpeda tempono kupoboi-Komiu, Omiu mepau, Sii doito!”

Yehesikieli 18:31

Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?

Sakaria 1:3

Onaemo pu'uno, pauako iramo: Kanandiomo pau-Do Ueno luwuakoano: Impepokulemo ndi Ongkue, kanandiomo pau-Do Ueno luwuakoano, ka Ongkue mbo'u mepokule ndi omiu, pau-Do Ueno luwuakoano.

Maleaki 3:7

Mompu'u tempono uempu'umiu mepansia komiumo inso a mpompakosi-Ku ka nahi mpekariao. Impepokulemo ndi Ongkue ka Aku mepokule ndi omiu, pau-Do Ueno luwuakoano. Sine mpotae komiu, ”Kana'umpeke kami mpepokule?”

I MATIU 12:33

Tewala asa keu mpotae komiu moiko, ta moiko mbo'u wuano; Tewala asa keu mpotae komiu nahi moiko, nahi ta moiko mbo'u wuano. Hangano inso a wuano ka itino'ori keu atuu.

I MATIU 15:2

”Tembio ana guru-Miu ka dompolimpai gaudo uempu'uto? Nahi domewo'ohio kaedo ka do'amba mpongkaa.”

I MATIU 27:24

Mansano kumitao i Pilatu nine nahina tuduno luwuno pinauno, tendeano mompu'uomo memarisu, i'alao uwoi ka iwo'ohio kaeno i arodo mia hadio ka ipotae, ”Nahina salaku a reano mia andio; atuu to'oriamiumo!”

WINEWEUDO TINENA 15:9

ka nahina ntu'u Doponpesusua i oloto saru ondae, umari-Do mokomemporiako ira aroado hangano pompe'ala-ala.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

1 TIMOTIU 2:8

Onaemo pu'uno ineheku, i sua-suamo koa dompekakai tama ka domensineo kaedo anu mempori, nahina tekuda ka nahina teposisalaa.

IBARANI 10:22

Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.

IBARANI 7:19

– hangano songka Taura nahina ntu'u ipowawa sompoano ntu'u – sine kanandio-andio pinosaba pomperorohia anu moikoopo, anu moko'umpeda kita ndi Ondae Ue Ala.

YAKOBU 1:8

Hangano mia anu orua laro nahi rodo a laro ntumuwuno.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,

1 YOHANE 3:3

Sompo mia anu momperorohi atuu ndi Ondae, mepokomempori mengkena kana Ondae anu mempori Ira.

1 Samueli 14:35

I Saulu mowangu pontunua pesomba ndi Ondae i Ue; onaemo pontunua pesomba ndi Ondae i Ue anu amba-ambano ntu'u winanguno.