YAKOBU 4:11 - Wunta Mempori

¹¹ Pepaekompoku luwu-luwu, si memambeposebe! Ba isema momposebe pepaekompono ke mokonsalao, itatao songka mokonsalao; ka tewala upokonsalao songka, omue komba anu montonda songka, sine puu mpobitarano.

YAKOBU 4:11 ပူးပေါင်းရင်းမြစ်များ

Po'unde-unde 140:11

Po'ineeomo ka i'alu ira waro api! Po'ineeomo ka Dodontai ira a laro wingke ka si dompokompewangu mbo'u!

I LUKASI 6:37

”Si mpobitara, ka nahi komiu mbo'u mebinitara. Ka si mpohuku, ka nahi komiu mbo'u mehinuku; ampuniomo ka komiu me'inampuni.

ROMA 2:1

Onaemo pu'uno, hei mia, maupo isema omue, anu mompokonsala mia susua, omuemu isa'a nahi tola inso a mpoweweu anu sala. Hangano, i larono mompokonsala mia susua, upokonsalao koroimu omuemu, hangano omue anu mompokonsala mia susua, weweu ira anu kanatuu pengkenano.

ROMA 2:13

Hangano komba mia anu moronge songka Taura anu mentee i aro-Do Ue Ala, sine mia koa anu weweuo songka Taura anu pinokomentee.

ROMA 7:7

Tewala kanandio, hapake kita mpotae? Nde halake songka Taura atuu? Mentee ntu'u naahi! Sine, tendeano hangano songka Taura ka kuto'oriomo hala. Hangano nahi kuto'orio koa mbo'u hapa atuu mosisiri, ba nahi pauo songka Taura, ”Si mosisiri!”

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 KORINTI 12:20

Hangano kuporerengkoo, nine tewala aiwa aku ka kuhawe komiu nahi kana anu ino'aroaku ka intepohaweakune nahi kana anu ino'aroamiu. Kuporerengkoo ta mansa hina teposisalaa, kohili, tekuda, mompokotekona koroino onaeno, momposebe, petanga-tanga, pompelangka-langkai, ka marisua.

EPESU 4:31

Luwuno mahaki aroa, bamburua, tekudaa, teposisalaa ka pomposebe asalakono imentadio inso i olomiu, kanatuu koa mbo'u luwuno wineweu mosa'o.

1 TIMOTIU 3:11

Kanandio koa mbo'u luwuno beinedo ka domia koa mentinudu, ka si marapomposebe, asalakono mokompompedato ka pine'ala-ala a luwuakoano.

2 TIMOTIU 3:3

nahi domponto'ori mpompehohawa, nahi domebehe mpesintuwu, inehedo popau mosa'o ira mia, nahi sabara, marantekuda, nahi domebehe anu moiko,

TITU 2:3

Kanatuu koa mbo'u beine anu memota'u asalakono ka domentuwu gagi mia mpesomba, si dompomposebe, si domegagi atano anggoro, sine mempande mpompaguruako luwuno anu moiko

YAKOBU 1:16

Luwuno pepaekompo anu pinehohawaku, si ntepopo'oo!

YAKOBU 1:19

Hei luwuno pepaekompo anu pinehohawaku, impewowoloomo mongkona andio: sompo mia ka imagasi koa moronge, sine ka si ronga mepau, ka si ronga mbo'u tekuda;

YAKOBU 1:25

Sine ba isema menootio songka anu soompo ntu'u, onaemo songka anu mompokomaradeka mia, ka onae mompedato i larono, gaagi komba butu rumongeo ka ikolupeo, sine mentee ntu'u ipeleluakono, onae ta me'uraako wineweuno.

YAKOBU 2:8

Sine, tewala impeleluakono songka anu lalu i wawono anu teburi a Wunta Mempori, ”Pehohawaomo pe'asa miamu kana koroimu,” moiko wineweumiu.

YAKOBU 5:10

Pepaekompo luwu-luwu, imentondaomo pandiri tebobarasaia ka sabarado luwuno nabi anu mpepau iramo a nee-Do i Ue.

YAKOBU 5:7

Onaemo pu'uno, pepaekompo luwu-luwu, imensabaramo ranta a hawea-Do i Ue! Menteeano mia melere monsikori hasili anu masuli olino inso a witano ka isabara hawe ka ipetiimo usa tempo amba-ambano ka pokotompaano.

YAKOBU 5:9

Pepaekompo luwu-luwu, si mpewuruki ka mambepokonsala, ka si mehinuku. Menteeano Puu Mpobitara mentade Iramo a mpuu pewowa.

1 PETURU 2:1

Onaemo pu'uno imentadiomo luwuno mosa'oa, luwuno pompopo'oo ka luwuno rupano po'onde-onde, kohilia ka pomposebe.