YAKOBU 4:1 - Wunta Mempori

¹ Inso isuake ka ihina teposisalaa ka pengengea i olomiu? Kombake ka ihina inso a mpo'eheno aroamiu anu mambe'ewa a laro ngkoroimiu?

YAKOBU 4:1 ပူးပေါင်းရင်းမြစ်များ

Yeremia 17:9

Aroa atuu hadio akalano lumaloio luwuakoano, ka nahi tepomule; isema anu mokonto'orio?

I MATIU 15:19

Hangano inso i aroa me'umbaako luwuno pinewowolo mosa'o, pompepatea, ponsosaboa, pebelesua, ponakoa, sumpa nahi mentee ka pompepaukiako.

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

ROMA 7:23

sine a luwuno parewa koroiku mongkita aku songka susua anu metea umewaio songka pinewowolo molinoku ka weweu aku gagi tinawano songka hala anu kongko a laro luwuno parewa ngkoroiku.

ROMA 7:5

Hangano tempono da tomentuwu a laro tuwu ntolino, po'eheno koroi tehala, mo'angga a luwuno parewa ngkoroito anu pinotuwuno songka Taura, ka tompewua tiano matea.

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

GALATIA 5:17

Hangano po'eheno koroi ntolino umewaio po'eheno Penaa ka po'eheno Penaa umewaio po'eheno koroi ntolino – hangano oruano mambe'ewa – ranta nahina tempo komiu meweweuo hapa anu inehemiu.

KOLOSE 3:5

Onaemo pu'uno impepateomo a laro ngkoroimiu luwuakoano anu po'eheno wawontolino, onaemo pebelesua, mokoburua, po'eheno aroa, pinewowolo mosa'o ka medokoli mbo'u anu mengkena saru mompesombai lahumoa,

2 TIMOTIU 2:23

Polaiakono luwuno anu inungke-ungkeako, anu benge-benge ka nahi tekona. Uto'orio nine luwuno atuu mompokohina pengengea,

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

TITU 3:9

Sine olaiakonomo wineweu anu inungke-ungkeako ka anu monge-monge, mongkona potudano tumuwu, teposisalaa ka pengengea mongkona songka Taura, hangano luwuno atuu nahi mentudu ka nahina pengkonaano.

YAKOBU 1:14

Sine sompo-sompo mia i'ara-arahakono mosisirino onaeno, hangano ipadiio ka ipaanio.

YAKOBU 4:3

Ke mpekakai komiu koa, sine nahi mpontarima hapa-hapa, hangano sala impekakai, nde anu inemamiu atuu komiu mepingkoo mpotendeo po'eheno aroamiu.

1 PETURU 1:14

Imentuwumo gagi nana'ote anu mpomperorongeako ka si mentondao po'eheno aroa anu pabawai komiu i tempono imebenge-benge,

1 PETURU 2:11

Pepaekompoku luwu-luwu anu pinehohawaku, kupatudu komiu, kana mia mehawe ka anu mpo'ungke tuwua, ka ime'olaiakono luwuno po'eheno koroi anu meteahako umewaio sumanga.

2 PETURU 2:18

Hangano ondae mpepauako pau anu mompelangka-langkai ka mooa ka mempakeo po'eheno aroa belesu pompopandeido mia anu da iaopo dompepotola inso ndi ondae anu mentuwu a laro ntesosaeloa.

2 PETURU 3:3

Anu lalua asalakono ka imento'orio onaemo, nine a luwuno oleo pokotompaano tempo ira mehawe anu mpopopodeu-deuako pompopodeu-deudo, onaemo luwuno mia anu mentuwu montonda po'eheno aroado.