YAKOBU 3:9 - Wunta Mempori

⁹ Saru elo tome'unde-unde Ira i Ue, Amato; ka saru elo tomentotonaao mia anu pinokogagi montonda rupa-Do Ue Ala,

YAKOBU 3:9 ပူးပေါင်းရင်းမြစ်များ

Tegagia 5:1

Ndiomo burino inuleno i Adama. I tempono mia Dopokogagio Ue Ala, onae Dopokogagiomo montonda rupa-Do Ue Ala;

Tegagia 9:6

Isema mo'uwu reano mia, reano ira me'uwuo mia, hangano mia pinokogagi, montonda gambara-Do Ue Ala.

2 Samueli 16:5

Tempono mokole Daudi hawe i Bahurimi, meluarakoomo inso i ra'ai asa mia inso a nsomborino i Saulu, neeno i Simei anano i Gera. Kontongaano melempa meluarako, kongkono mpiha montotonaa.

2 Samueli 19:21

Ka i'amba i Abisai anano i Seruya sumangkio, ”Kombake anu kanandio i Simei tekona ihinuku mate, hangano onae montotonaaomo mia anu inurapi-Do i Ue?”

1 Tawarika 29:10

Umarino atuu i Daudi umunde-unde Ira i Ue i arono matado luwuno bawaa atuu. Mepauomo i Daudi, ”Inunde-unde Komiumo, oo Ue, Ue Alano i Isaraeli, amamami, inso i ndi'ipua ranta nahina tampulaano.

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

Po'unde-unde 10:7

Ngangano bukeako sumpa pontotonaa, pompopo'oo ka pompokonsiia; a ntoto elono hinao lambaha ka mosa'oa.

Po'unde-unde 108:1

Penani. Penani po'unde-undeno i Daudi.

Po'unde-unde 145:1

Po'unde-unde inso ndi Daudi. Aku melangkai Komiu, oo Ue Alaku, oo Mokole, ka aku umunde-undeo mpiha nee-Miu ranta nahina tampulaano.

Po'unde-unde 145:21

Ngangaku ta mompau po'unde-unde ndi Ondae i Ue ka po'ineeomo luwuno anu tuwu umunde-undeo nee-Do anu mempori ranta nahina tampulaano.

Po'unde-unde 16:9

Onaemo pu'uno aroaku mo'unde ka tompaano sumangaku meboo-booli, koroiku ta mo'ia momperodo;

Po'unde-unde 30:12

Ponsabangiku Ibaliomo gagi po'ense-ense mawongko, sangka po'inomboku Ilohuo, sangka mawongkoa Iponaakune,

Po'unde-unde 34:1

Inso ndi Daudi, i tempono onae mo'onde-onde nahi molino pinewowolono i arono i Abimele, onaemo ka isinaari, ka i'amba lumako.

Po'unde-unde 35:28

Ka eloku ta wela pauo moleo-Miu, umunde-unde Komiu i larono asa oleo.

Po'unde-unde 51:14

Ipokuleakunemo mawongkoa hangano pongkadudui-Miu, ka Itumboakunemo penaa anu moroso!

Po'unde-unde 57:8

Aroaku tetinda, oo Ue Ala, aroaku tetinda; aku menani, aku mo'unde-unde.

Po'unde-unde 59:12

Si pepate ira, ka si domengkolupeo tongkuku, Isaariako iramo pabawa-Miu ngkoraane ngkoramai, ka Idontai iramo, oo Ue, kantamami!

Po'unde-unde 62:4

Opiapo mbo'u tehineno luwumiu mingki mensapoio asa mia, tendeano mingki mensolangio, kana a rere anu tengkoo, a rere watu anu ta tebangku?

Po'unde-unde 63:4

Hangano pompehohawa-Miu moikoopo sekono tuwu; wiwiku ta melangkai Komiu.

Po'unde-unde 71:24

Eloku mbo'u ta popauo moleo-Miu hawe sumoo oleo. Mentee ntu'u ondae anu mpompewowolo masolaaku ira mpohawe mokoko'ii ka pontata.

Puu Pontutulu 7:22

Hangano, ito'orio aroamu nine omue mbo'u mararu montotonaa mia susua.

Yesaya 29:13

Mepau Iramo i Ue, ”Hangano tongku andio aiwa me'umpedaako ngangano ka melangkaia-Kune wiwino, sine aroano olai inso ndi Ongkue, ka pesombano ndi Ongkue butu koa parentano mia anu hinapalano,

I MATIU 26:74

Ka mompu'uomo i Peturu montotonaa ka ipesumpa, ”Nahi kuto'orio mia atuu.” Ka i tempo atuu kumokoroidoomo manu.

I MATIU 5:44

Sine Kupauakomiu: Pehohawa iramo iwalimiu ka pekakaiako ira anu bobarasai komiu.

WINEWEUDO TINENA 2:26

Onaemo pu'uno ka imawongko aroaku ka sumangaku meboo-booli, maupo koroiku ta mo'ia momperodo,

ROMA 3:14

Ngangado bukeako pontotonaa,

1 KORINTI 11:7

Hangano tama siimo itutuwio uluno: onae mewantahiako gambara ka maramba-Do Ue Ala. Sine beine mewantahiako marambano tama.

EPESU 1:3

Inunde-unde Iramo Ue Ala ka Ama-Do Ueto i Yesu Kerisituu anu ndi Ondae i Kerisituu Dopowee kitamo ronso rohani i laro nsuruga.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

YAKOBU 3:10

inso a nganga anu aasa meluarako ronso ka totonaa. Mongkona andio, pepaekompoku luwu-luwu, nahi moiko igagi kanandio.

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

Puu Mpobitara 9:27

Melako iramo ia lere mpopumpu wua anggorodo, domelandao kai tepuro'i, ka do'amba mpogawe. Melako ira a raha mpelahumoaado, mpongkaa ka mpo'inu saru mentotonaao i Abimele.