YAKOBU 3:17 - Wunta Mempori

¹⁷ Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

YAKOBU 3:17 ပူးပေါင်းရင်းမြစ်များ

1 Mokole 3:12

onaemo pu'uno Aku weweuo menunu saru po'emamu. Menteeano Aku moweeakomu aroa pande mompewowolo ka bukeako ponto'ori, ranta se'eluno omue nahina te'asa mia kana omue, maupo pepaekompomu nahi ta hina te'asa mia kana omue.

1 Mokole 3:28

Rumongeo pomputusi anu doweeakono mokole, luwuno to Isaraeli gagi iramo pelangkai ira mokole, hangano domengkitao nine ponto'ori inso ndi Ondae Ue Ala kongko i laro aroano ka ipoweweu moleoa.

1 Mokole 3:9

Onaemo Iweeakonomo tetenaa-Miu andio aroa anu bukeako ponto'ori ka igagi puu mpobitara a bawaa-Miu, ka polio monsiao anu moiko ka anu mosa'o. Hangano isemake anu polio gagi puu mpobitara a bawaa-Miu anu langkai andio?”

1 Tawarika 22:12

Butu po'ineeomo Ondae i Ue moweeakomu pompewowolo molino ka ponto'ori ka weweuko moparenta a nto Isaraeli, kau pekakaakono Taura-Do i Ue, Ue Alamu.

1 Tawarika 22:9

Menteeano, ta hina anamu tama. Onae ta gagi mia tuwu sintuwu. Aku moweeakono rodoa ndi onae inso a luwuno iwali limbu-limbu. I Salomo ta gagi neeno. Manangaia ka rodoa Aku weeakono Isaraeli ia tempono.

Ayubi 28:12

Sine isua pohawea ponto'ori, isua po'iangano pinewowolo molino?

Ayubi 28:23

Ondae Ue Ala tumo'orio sala lumako i ra'ai, Ondae koa mbo'u tumo'orio po'iangano.

Ayubi 28:28

Sine a mia mepau Ira: Menteeano, doitoako Ira i Ue, onaemo ponto'ori, ka olaiakono wineweu mosa'o onaemo pinewowolo molino.”

Peluarakoa 36:2

Ka i'amba i Musa moboio i Besale'eli, i Aholiabi ka sompo mia anu pande mo'angga, anu Dopoweeakono i Ue pande i laro ngkoroino, sompo mia anu telelu aroano aiwa me'anggao anggaa atuu.

Powadi 2:6

Hangano Ondaemo i Ue anu mompowee ponto'ori anu mentee, inso a nganga-Do hawe ponto'ori ka pande.

Yesaya 2:4

Ira bitarao luwuno tongku ka putusio kara-karano hadio sukuno tongku. Ira melabuo luwuno ponaido gagi mata mpadeko ka kansaido gagi piso ponsewo; tongku nahi ira mpontande mbo'u ponai mo'ewai tongku susua, nahi ira mpepaguru mbo'u mpetea.

Yesaya 32:6

Hangano mia monge-monge mompau monge-mongeno, ka aroano montoo anu mosa'o; onae moweweu gau mosa'o ka mompau anu mompokopansia mongkona Ondae i Ue, mo'ineeo kompono mia mokoninggo mooa mpiha ka mia mokoranga nahina inua.

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Danieli 1:17

A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

Maleaki 2:9

Ka Ongkue mbo'u weweukomiu tinetewehi ka pine'uru-uru i arodo bawaa andio, hangano omiu nahi mentondao sala-Ku, sine mpobiniki komiu a mpopagurumiu.

Maleaki 3:3

Ira mentoro kana mia anu mompokolono ka mompokomorina salaka. Ondae mokomorina ira to Lewi, mokomempori ira kana wulaa ka salaka. Ondaemo anu mpompesombaako pesomba ndi Ondae i Ue a laro menteea.

I MATIU 23:28

Kanandiomo mbo'u omiu, i bungkuno ntengkita komiu mentee a pongkitado mia, sine i laromiu buke po'onde-onde ka mosa'oa.

I MATIU 5:8

Me'uraomo mia anu mempori aroado, hangano ira mengkita Ira Ue Ala.

I MATIU 5:9

Me'uraomo mia anu mowawa sintuwua, hangano ira menineeako ana-Do Ue Ala.

I LUKASI 21:15

Hangano Ongkue isa'a mowee komiu pau ponto'ori, ranta nahi dompoko'ewai komiu ke mesangki komiu taromiu.

I LUKASI 6:36

Asalakono ka impe'aroa, kana pe'aroa-Do Amamiu.”

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:47

Motae i Pilipu ndi onae, ”Aiwa ka ukita Ira!” Dokitao i Yesu i Natanae aiwa ndi Ondae, ka Do'amba mepau mongkona onae: Kitao, ndiomo asa to Isaraeli ntu'u, nahi molengku aroano!

WINEWEUDO TINENA 11:24

hangano i Baranaba mia me'aroa, bukeako Penaa Mempori ka pompe'ala-ala. Hadio mia mewinawa ndi Ondae i Ue.

WINEWEUDO TINENA 9:36

I kota Yope hinao asa ana guru beine meneeako i Tabita – a mpau Yunani i Dorokasi. Beine atuu hadio ntu'u wineweuno anu moiko ka mompowee pontulungi.

ROMA 12:18

Tompa pinolimiu, tewala mongkona atuu montonda omiu, imentuwumo mpesintuwuako ira luwuno mia!

ROMA 12:9

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

ROMA 15:14

Pepaekompoku luwu-luwu, lano kupe'ala-alao ongkueku mongkona omiu, nine omiu mbo'u bukeakoomo moikoa ka luwuno ponto'ori ka imempolio mambe patudu.

1 KORINTI 12:8

Hangano a mia anu aasa Ondae Penaa moweeakono pompowee ka ipepauako ponto'ori anu mentee, ka a mia anu susua Ondae Penaa anu mengkena moweeakono pompowee ka ipepauako ponto'ori mompewowolo.

2 KORINTI 10:1

Ongkue, i Paulu, asa mia anu nahi sapa tewala tepo'aroakomiu, sine mosia ndi omiu tewala tepo'olai, kupopoto'oriakomiu a nee-Do i Kerisituu anu mauru ka me'aroa.

2 KORINTI 6:6

a molinono aroa, ponto'ori, sabaraa, ka pe'aroa; a laro Mpenaa Mempori ka pompehohawa anu nahi po'onde-onde;

2 KORINTI 7:11

Hangano impepenteeo tendeano pompemasusa anu montonda po'ehe-Do Ue Ala atuu umanggao ndi omiu pompesu'ui anu langkai, maupo pepokomentee, o'alia, doitoa, tekewoi, anggaa, pohukua! I larono luwuno atuu impopokitaomo, nine nahina salamiu.

2 KORINTI 9:10

Ondae anu mompatindaakono inii anu morawo, ka roti ta kaanga, Ondae koa mbo'u anu Ira mompatindaakomiu inii ka mokomelukao ka motuwuo luwuno wuano menteemiu;

EPESU 5:9

Hangano mewine butu mewuaako moikoa ka moleoa ka menteea,

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

PILIPI 4:8

Gaagi poko'ariano, pepaekompo, luwuno anu mentee, luwuno anu maramba, luwuno anu moleo, luwuno anu mempori, luwuno anu mo'ahi, luwuno anu momoiko irinonge, luwuno anu pinau moiko ka tekona inunde-unde, impewowoloomo luwuno atuu.

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

1 TESALONIKA 2:7

Sine mpe'aroa kami i olomiu, mengkena kana aasa ine monte'ia ka mekariao anano.

1 TIMOTIU 5:21

I aro-Do Ue Ala ka i Kerisituu ka luwuno mala'eka bininiki-Do ku'oliwiko ntu'u: pe'ihilaroomo pontiso andio si danggara ka weweuomo luwuakoano si po'ala-alaako.

2 TIMOTIU 2:24

sekono asa mia tetenaa-Do i Ue nahi moiko ipengenge, sine asalakono me'aroa a luwuno mia. Onae asalakono pande mompaguru, sabara

TITU 1:15

A mia mempori luwuno mempori; sine a mia mokoburu ka a mia nahi pompe'ala-ala maupo te'asa nahina anu mempori, hangano moiko pinewowolo maupo po'o'aroado mokoburu.

TITU 3:2

Si dompomposebe, si dompengenge, tendeano ka domemauru ka mpe'aroa a luwuno mia.

IBARANI 12:11

Lano sompo pohuku anu iweeakita nahi powawa mawongkoa, sine masusaa. Sine lembuino ipehasiliako wua menteea anu moweeako ira sintuwu anu linatino.

IBARANI 12:14

Imentuwumo sintuwuako ira luwuno mia ka ime'ungkeomo memporia, hangano nahina maupo te'asa mia ta kumita Ira i Ue ba nahi mempori.

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

YAKOBU 2:4

kombake mpompesusua komiumo i laro aroamiu ka mpoweweu kana puu mpobitara me'empehiako pinewowolo anu mosa'o?

YAKOBU 3:15

Atuu komba ponto'ori mentee anu inso iwawono, sine inso i wawontolino, inso a mpo'eheno aroano mia, inso a onitu nsa'o.

YAKOBU 4:8

Ime'umpedamo ndi Ondae Ue Ala, ka Ira umpeda ndi omiu. Impokomorinaomo kaemiu, hei omiu mia ntehala! Ka impokomemporiomo aroamiu, hei omiu anu melaro orua!

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 PETURU 2:1

Onaemo pu'uno imentadiomo luwuno mosa'oa, luwuno pompopo'oo ka luwuno rupano po'onde-onde, kohilia ka pomposebe.

1 PETURU 2:18

Hei omiu, luwuno ata, impetuundumo saru buke doito a uemiu, komba butu a anu moiko ka mauru, sine a anu mbo'u lambaha.

1 YOHANE 3:18

Anaku luwu-luwu, ime'aiwamo tompompehohawa komba saru pau ke elo, sine saru wineweu ka a menteea.

1 YOHANE 3:3

Sompo mia anu momperorohi atuu ndi Ondae, mepokomempori mengkena kana Ondae anu mempori Ira.