YAKOBU 3:15 - Wunta Mempori

¹⁵ Atuu komba ponto'ori mentee anu inso iwawono, sine inso i wawontolino, inso a mpo'eheno aroano mia, inso a onitu nsa'o.

YAKOBU 3:15 ပူးပေါင်းရင်းမြစ်များ

2 Samueli 13:3

I Aminoni hinao sambe'eno neeno i Yonada, anano i Simea, pepaekompono i Daudi. I Yonada asa mia anu tedoa pande.

2 Samueli 15:31

Ndi Daudi pinauako kanandio, ”I Ahitopeli kongko i olodo mia anu ntepo'asaakono i Abisalo.” Motaeomo i Daudi. ”Siimo Ipokogagio patuduno i Ahitopeli atuu, oo Ue.”

2 Samueli 16:23

I tempono atuu patudu anu iweeakono i Ahitopeli mingki kana pontiso anu inema inso ndi Ondae Ue Ala; kanandiomo mbo'u sompo patuduno i Ahitopeli a pongkitano i Daudi maupo i Abisalo.

Yeremia 4:22

”Mentee ntu'u, bawaa-Ku atuu mebenge-benge, nahi domento'ori Aku! Ondae onaemo nana'ote monge-monge, nahina tino'orido! Ondae pande mpoweweu mosa'o, sine nahi domponto'ori mpoweweu moiko.”

I LUKASI 16:8

Ka i'amba ueno atuu umunde-undeo puu pompekaria anu molengku atuu, hangano moweweuomo akalano. Hangano anano wawontolino andio mempande irapo mpe'akala a mpe'asa miado sekonopo luwuno anano mewine.

I YOHANE 3:17

Hangano Ondae Ue Ala tumenao Ana-Do hawe i wawontolino komba ka Dobitarao wawontolino tendeano ka Dokaduduio.

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

WINEWEUDO TINENA 13:10

ka ipotae, ”Hei anano i Mosa'o, omue bukeako mperupa-rupa pompopo'oo ka mosa'oa, omue iwalino luwuno menteea, nahi komenaa-naake mokopansiao Sala-Do i Ue anu moleo atuu?

ROMA 1:22

Mpoweweu ira kana mebukeako ira ponto'ori anu mentee, sine megagi iramo memonge-monge.

1 KORINTI 1:27

Sine hapa anu pinemonge-mongeno wawontolino, Dobiniki ira Ue Ala ka dopokoko'ii ira mia anu mponto'ori, ka hapa anu pinemolemano wawontolino, Dobiniki ira Ue Ala ka dopokoko'ii ira anu memoroso,

1 KORINTI 2:14

Sine mia tuwu ntolino nahi pontarima hapa anu te'inso a Mpenaa-Do Ue Ala, hangano ndi onae mongkona atuu onaemo aasa monge-mongea; ka nahi pokonto'orio, hangano mongkona atuu butu pinokonto'ori montonda rohani.

1 KORINTI 3:19

Hangano ponto'orino wawontolino andio Dopebenge-bengeo Ue Ala. Hangano hinao teburi, ”Ondae anu morako mia monto'ori a laro mpandeno mo'ungke akala.”

1 KORINTI 3:3

Hangano da mia komiu mentuwu ntolino. Hangano, tewala i olomiu hinao kohili ka teposisala kombake mongkona atuu mokomengkaao, nine omiu mia mentuwu ntolino ka nine mentuwu komiu montonda po'eheno aroamiu?

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 11:3

Sine doito aku, ba mansa pinokontesaa pinewowolomiu inso a mpetenunumiu ntu'u ndi Ondae i Kerisituu, mengkena kana i Hawa pinopandeiako pe'akalano ule atuu.

PILIPI 3:19

Tompaakoado onaemo masolaa, Uedo onaemo kompodo, marambado onaemo mokoburudo, pinewowolodo butu te'aro a ntuwu tolino.

2 TESALONIKA 2:9

Haweno anu umewa a songka atuu onaemo po'anggano i Mosa'o, ka ta tinondaako mperupa-rupa wineweu kihohali-haliako, luwuno petondoni ka anu mengkinohali-haliako nahi mentee,

1 TIMOTIU 4:1

Sine manasa Dopauo Penaa nine a tempo-tempo lembuino, hinao mia anu ta mepoura ka i'amba tumonda ira penaa mompopo'oo ka pompagurudo onitu

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

YUDASI 1:19

Ondaemo anu mpoweweu teposisalaa anu pinabawai butu luwuno mosisirino wawontolino andio ka anu tuwu nahina Penaa Mempori.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 2:24

Sine ndi omiu, onaemo luwuno mia susua i Tiatira, anu nahi tondao pompaguru atuu ka anu nahi pepenteeo hapa anu pinaudo penggoeno i Mosa'o, ndi omiu Kupepau: Nahi Kubehe mopotembiakomiu tembia susua.

MENGKAAA 9:11

Ka mokole anu parenta ira onaemo mala'ekano wingke matea; neeno a mpau Ibarani onaemo Abadoni ka a mpau Yunani onaemo Apolioni.