YAKOBU 3:14 - Wunta Mempori

¹⁴ Tewala mponaa-naa komiu aroa kohili ka me'o'aluakono koroimiu liomiu, si pompelangla-langkai ka si mpegaupi umewaio menteea!

YAKOBU 3:14 ပူးပေါင်းရင်းမြစ်များ

Tegagia 37:11

Luwuno mbo'u pepaekompono memosisiri ndi onae, sine amano numaao mongkona atuu i laro arono.

Tegagia 38:9

Sine ito'orio i Onani nine komba onae anu ta me'ueo inuleno te'ingka. Onaemo pu'uno, sompo ipewowaliakono beineno pepaekompono atuu, ipo'ineeo uwoi anuno tetadi-tadi, ka sipoweeakono inuleno pepaekompono.

2 Mokole 10:16

Motae i Yehu, ”Lakomo perongaakune, ka kitaomo tedoa pe'o'osuku ndi Ondae i Ue.” Ka i'amba i Yehu wawao a laro ngkaretano.

2 Mokole 10:31

Sine i Yehu nahi tuwu mpiha montonda songka-Do i Ue, Ue Alado to Isaraeli saru tompaano aroano. Nahi bintao luwuno halano i Yerobea anu poko'ariano to Isaraeli mpoweweu mbo'u hala.

Ayubi 5:2

Menteeano, mia benge-benge mateako mahaki aroa, ka mia motea aroa ipepateo kohili.

Powadi 14:30

Aroa anu rodo mokomorosoo koroi, sine mosisiri mompokomoboo wuku.

Powadi 27:4

Mokula aroa lambaha ka tekuda umaluo, sine isema mokompopetea a monsiri?

Yesaya 11:13

Pinemosino i Eparai ta telalo, ondae anu mpokoma'isoo Yehuda ira metampula. Eparai nahi ta mosiriakono mbo'u Yehuda, ka Yehuda nahi ta mokoma'isoo mbo'u Eparai.

Habaku 1:3

Tembio ka Ipopokitaakune mosa'oa, ranta ka kukitao pobobarasaia? Oo, pobobarasaia ndio i aroku; pengengea ka teposisalaa kogagi-gagino.

I MATIU 27:18

Lano ito'orio, nine dompeweengakonomo i Yesu hangano kohilido.

I YOHANE 16:2

Komiu meliniahako, tendeano ta hawe tempono nine sompo mia anu mepate komiu ira mpotae nine mpesomba ira ndi Ondae Ue Ala.

WINEWEUDO TINENA 13:45

Sine, tempono domengkitao to Yahudi mia hadio atuu, mebukeako iramo kohili ka saru mpepauki, dome'ewaio hapa anu pinauno i Paulu.

WINEWEUDO TINENA 26:9

Maupo kana'umpe, hori aku ko'aro-aroa, nine asalakono aku umewaio ntu'u nee-Do i Yesu anu inso i Nasare.

WINEWEUDO TINENA 5:17

Poko'ariano mpompu'u iramo Sando Mpesomba Langkai ka luwuno anu mentondao, onaemo luwuno mia inso a pepumpudo to Saduki, mpopokitao pabawado hangano tedoa ira mengkohili.

WINEWEUDO TINENA 7:9

Hangano kohilido uempu'uto, i Yusupu dome'asao i wita Masiri, sine onae Dokongkomio Ue Ala,

ROMA 1:29

bukeako mperupa-rupa molengkua, wineweu mosa'o, mo'uri ka mokoburu, bukeako kohili, pompepatea, teposisalaa, pompopo'oo ka gau mosa'o.

ROMA 13:13

Aiwamo tomentuwu mponto'ori gau, kana tempono meene, komba a mpogawea nahina sa'uno ka memolangu, komba a mpebelesua ka montonda po'eheno aroa, komba a nteposisalaa ka mengkohili.

ROMA 2:17

Sine, tewala impotae omiu to Yahudi ka mpehonda a songka Taura, mawongko ndi Ondae Ue Ala,

ROMA 2:8

sine pontekudaako ka bamburu ndi ondae anu mpo'ungke tiano koroido ondaedo, anu nahi dompetenunu a menteea, tendeano mpetenunu a wineweu mosa'o.

1 KORINTI 13:4

Pompehohawa atuu sabara; pompehohawa atuu me'aroa; nahi monsiri. Nahi pehamba-hamba ka nahi pompelangka-langkai.

1 KORINTI 3:3

Hangano da mia komiu mentuwu ntolino. Hangano, tewala i olomiu hinao kohili ka teposisala kombake mongkona atuu mokomengkaao, nine omiu mia mentuwu ntolino ka nine mentuwu komiu montonda po'eheno aroamiu?

1 KORINTI 5:2

Maupo kanandio mpompelangka-langkai komiu. Kombake tekonaopo impompemasusa ka mempoko'oalaio mia anu moweweu kanatuu inso i tonga-tongamiu?

1 KORINTI 5:6

Mawongkomiu nahi moiko. Nahi imento'orioke, nine ragi tedei sumoopio luwuno tarigu sinalo?

2 KORINTI 12:20

Hangano kuporerengkoo, nine tewala aiwa aku ka kuhawe komiu nahi kana anu ino'aroaku ka intepohaweakune nahi kana anu ino'aroamiu. Kuporerengkoo ta mansa hina teposisalaa, kohili, tekuda, mompokotekona koroino onaeno, momposebe, petanga-tanga, pompelangka-langkai, ka marisua.

GALATIA 5:15

Sine tewala memambe kiki komiu ka memambe tele, petangkoromo, ka si memambe pepate.

GALATIA 5:20

mpesomba a lahumoa, sihiri, pe'u'uaa, teposisalaa, kohili, tekuda, mompewowolo koroino onaeno, mambebelai, penaa momposisala,

GALATIA 5:21

kohili, memolangu, mpogawe saru mpoweweu anu nahi mentee ka anu susuano. A luwuno atuu kupauakomiu – kana anu kuweweuomo i ndi'upua – nine ba isema weweuo luwuno anu kanatuu, nahi ta mohawe tia a laro Poparentaa-Do Ue Ala.

GALATIA 5:26

ka si tompo'ungke pompelangkai, si tomemambe ewa ka memambe kohili.

GALATIA 6:13

Hangano maupo ondae anu mpetindi, nahi dompekakaakono songka Taura. Sine po'ehedo, ka impetindi, ka dompokomawongko a nteweweumiu anu tuwu ntolino.

PILIPI 1:15

Hinao mia anu palele Ira i Kerisituu hangano kohilido ka teposisalaa, sine hinao koa mbo'u anu palele Ira saru tinoo moiko.

PILIPI 2:3

saru nahi po'ungke tiano onaeno ke po'unde-unde anu nahina tuduno. Tendeano impe'urumako anu asa mia tumuduo anu susua laluaopo sekono onae;

1 TIMOTIU 2:4

anu inehe-Do ka luwuno mia mengkinadudui ka mpohawe ponto'ori mongkona menteea.

1 TIMOTIU 6:4

onaemo asa mia mompeto'o-to'ori kahinaano nahi ponto'ori hapa-hapa. Hakino onaemo mo'ungke-ungkeako ka pande mpau, mompokohina kohili, teposisalaa, pomposebea, porerengko,

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

YAKOBU 1:18

A mpo'ehe-Do Ondae-Do Dopokogagi kitamo a mpau menteea, ka tomegagi ana aka i olodo luwuno pinokogagi-Do a ntudano tetantui.

YAKOBU 3:16

Hangano ba isua hinao kohili ka me'o'aluakono koroino onaeno i tu'ai hinao marisua ka mperupa-rupa wineweu mosa'o.

YAKOBU 5:19

Luwuno pepaekompo, tewala hinao i olomiu anu pansia inso a menteea ka hinao asa mia anu weweuo ka ipepokule,