YAKOBU 2:6 - Wunta Mempori

⁶ Sine imempokongkodei iramo mia memongkokolaro. Kombake tendeano mia mengkaea anu mempokonsii komiu ka anu rumende komiu a mpebitaraa?

YAKOBU 2:6 ပူးပေါင်းရင်းမြစ်များ

Ayubi 20:19

Hangano ipokonsii iramo mia mongkokolaro, ka binta ira nahina po'iangado; irontuo raha anu komba winanguno.

Po'unde-unde 10:10

Onae me'odo ka me'opo, ntedonta iramo mia anu me'urasa'o a laro mpekapono anu moroso.

Po'unde-unde 10:14

Omiu isa'a kumitao masusaa ka marasai, Omiu kumitao ka umalao a laro ngkae-Miu. Ndi Omiumo mia urasa'o ipeweengakono koroino; Omiumo anu tumulungio nana'ote nahina amano.

Po'unde-unde 10:2

Saru pompelangka-langkai mia mosa'o gauno lumampuio mia tepokonsii; po'ineeomo dontekadu a laro pompopo'oo anu sinongkado.

Po'unde-unde 10:8

Onae mentoro montowoki umpeda pe'iniaa, a mpo'ianga anu tewuni onae mompepate mia anu nahina salano. Matano mompesimi mia molema;

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 14:6

Omiu mokomperuanahio sinongkado mia tepokonsii, sine Ondae i Ue pepekaduduiano.

Powadi 14:31

Isema mompokonsii mia anu molema, mompokongkodei anu Mokogagio, sine isema me'aroa a mia mongkokolaro, umunde-unde Ira.

Powadi 17:5

Isema mompoponggari-nggari mia mongkokolaro mompokokodei Anu Mokogagio; isema mawongkoakono masolaa nahi ta tola inso a mpohuku.

Powadi 18:23

Mia mongkokolaro mepau mepepehohawa, sine mia kaea sumangki nahi pontudu.

Powadi 22:16

Mia anu mompokonsii mia molema ka ime'uraakono koroino ke moweeakono pompowee a mia kaea, butu mokorugio mpena koroino.

Powadi 22:7

Mia kaea pabawaio mia mongkokolaro, anu mepasua gagi atano mia anu mokompepasuao.

Puu Pontutulu 5:8

Asa urano wita a laro nteweweu kanatuu onaemo tewala mokoleno pinelangkai i wita atuu.

Yesaya 53:3

Onae tinata ka dome'olaiakono mia, asa mia anu bukeako tebobarasaia ka leleo marasai mompemahaki. Mia mbo'u domentutuwio rupado ba domengkitao; kanatuumo itinata ka ndi ontae nahi tewinso a mporeke.

Amosi 4:1

”Rongeomo pau-Do i Ue andio, hei luwuno sapi Basani, anu mekongko i torukuno Samaria, anu pinokonsii mia molema, anu bobarasai ira mia mongkokolaro, anu mpotaeako ira tamamiu: wawaomo ramai, kato po'inu-inu!

Amosi 5:11

Omiu mopokonsii mia anu molema ka mpo'ema sima'uluno gandu. Onaemo pu'uno, maupo imewangu ira raha inso a watu pina'o, nahi komiu mpo'iangario; maupo impoweweu lere anggoro anu tekosi, nahi komiu mpo'inu anggorono.

Habaku 3:14

Omiu dumuhuakono ana mpanano onaeno petewawa sorodaduno, anu aiwa kana lompiu ta sumiarawoakune saru po'unde, kana-kana tewuni dompotele mia tepokonsii.

Sakaria 7:10

Sii popokonsii tuwu beine ka nana'ote nahina amano, mia hawe ka mia mongkokolaro, ka si hina tinoo mosa'o i laro aroamu a mpe'asa miamu!”

I YOHANE 8:49

Sumangki Ira i Yesu, ”Komba ipewinsoki Aku onitu nsa'o, sine Kupelangkai Ira Ama-Ku ka omiu nahi mpelangkai Aku.

WINEWEUDO TINENA 13:50

To Yahudi mposingki ira beine mempinerorohi anu doitoako Ira Ue Ala, ka anu langkai potorodo i kota atuu. Ka hangano ondae ka dowineweunsa'o i Paulu ka i Baranaba ka sumaari ira inso i wita atuu.

WINEWEUDO TINENA 17:6

Sine mansano nahi domehawe ira, domerendeo i Yasoni ka ba opia ira pepaekompo i arodo anu langkai potorodo a ngkota, saru mpebooli, ”Mia anu mpopokomarisu i asa wawontolino mehawe ira koa mbo'u ramai,

WINEWEUDO TINENA 18:12

Sine mansano i Galio gagi guberenuu i Akaya, mpentade iramo to Yahudi memoroko me'ewaio i Paulu, ka do'amba mewawao i arono pebitaraa.

WINEWEUDO TINENA 8:3

Sine i Saulu merokuhi bobarasai ira bawaa atuu ka ipewinsoki ira a sompo raha ka iwawa ira tama ka beine mpeluarako ka ipeweengako ira ka domewininso a laro torungku.

1 KORINTI 11:22

Nde nahinake lano rahamiu ka impongkaa ka mpo'inu? Ke inehemiu tokoa mokongkodei ira bawaa-Do Ue Ala ka mokoko'ii ira mia anu nahina hapa-hapado? Hapake anu kupauakomiu? Umunde-unde komiu? Anu kanandio komba ku'unde-undeo.

YAKOBU 2:3

ka impelangkaio mia anu mesangka tekosi atuu ka impotaeakono, ”Tabea miu ipentoro a mpo'ianga anu moiko andio!” Sine a mia anu mongkokolaro atuu impotae, ”Pentade i ra'ai!” ke, ”Pentoro a horo andio umpeda pelandaano karuku!”,

YAKOBU 5:4

Menteeano terongeomo pebooli meroku, hangano nahi ime'owahio tambodo mia anu mensowio hasilino leremiu, ka haweomo a biri-Do Ueno luwuakoano pompemasusado anu mponsewo hasilino leremiu.

YAKOBU 5:6

Mpohuku komiumo, tendeano mpompepate komiumo mia anu mentee ka nahi poko'ewai komiu.