Ka si mpotae, nine komiu mpokompotae ilaro aroamiu: i Burahima ama mami! Hangano kupauakomiu: Ondae Ue Ala polio mokogagio anano i Burahima inso a watu andiodo!
Ka i'amba mebooli, ipotae: Ama Burahima, ipehohawa akumo. Tenaomo i Lasaru, ka i'emoo untu wunga ngkaeno a uwoi ka ipokomoriniakune eloku, hangano tedoa aku mompemahaki a laro langano api andio.
Domesangki Ira, ”Amamami onaemo i Burahima.” Motae Ira i Yesu ndi ondae, ”Bakanaano omiu anano i Burahima, asalakono komiu meweweuo anu wineweuno i Burahima.
Sumangki i Setepanu, ”Hei pepaekompo ka ama luwumiu, imerongeomo! Ondae Ue Ala anu Tedoa Maramba mepopokita Iramo ndi Burahima uempu'uto, tempono da ipo'ia i Mesopotamia, se'eluno napi po'ia i Harani,
ka gagi mbo'u amado mia mpetindi, onaemo ondae anu komba butu mpetindi, sine mentondao mbo'u pelempano pompe'ala-alano i Burahima, uempu'uto, i tempono napi tinindi.
Onaemo pu'uno menteea me'empehiako pompe'ala-ala ka ikana pompehohawa, ranta ka ipo'ia dandi atuu hawe a luwu inuleno i Burahima, komba butu ndi ondae anu mentuwu inso a songka Taura, sine ndi ondae mbo'u anu mentuwu inso a pompe'ala-alano i Burahima. Hangano i Burahima onaemo amato luwu, –
Hangano pompe'ala-ala onaemo i Burahima tempono i inara-arahako, ipesombaakono i Saki. Onae, anu tumarimaomo dandi atuu, ipe'induakono mesombaakono anano anu asa-asa,
Sine bara'ura hinao mia motae, ”Ndi omue hinao pompe'ala-ala ka ndi ongkue hinao wineweu,” aku sumangkio, ”Popokitaakune pompe'ala-alamu atuu nahi tinondaako wineweu, ka aku mopokitaakomu pompe'ala-alaku inso a luwuno wineweuku.”
Sine Kubinikio i Burahima, amamiu atuu, inso i asatowano koro Eparata, ka Kutenao lumaloio luwuno wita Kana'a. Aku mokohadioo inuleno. Kuweeakono i Saki.