YAKOBU 2:18 - Wunta Mempori

¹⁸ Sine bara'ura hinao mia motae, ”Ndi omue hinao pompe'ala-ala ka ndi ongkue hinao wineweu,” aku sumangkio, ”Popokitaakune pompe'ala-alamu atuu nahi tinondaako wineweu, ka aku mopokitaakomu pompe'ala-alaku inso a luwuno wineweuku.”

YAKOBU 2:18 ပူးပေါင်းရင်းမြစ်များ

ROMA 14:23

Sine ba isema anu nanta-nanta, ba ikaano, onae hinukuomo, hangano nahi weweuo me'empehiako pompe'ala-ala. Ka luwuakoano anu nahi pe'empehiako pompe'ala-ala, onaemo hala.

ROMA 3:28

Hangano kimpe'ala-alao, nine mia pinokomentee hangano pompe'ala-ala, ka komba hangano itondao songka Taura.

ROMA 4:6

Kana koa mbo'u i Daudi pauo me'ura mia anu Dopementeeo Ue Ala komba me'empehiako wineweuno,

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

ROMA 9:19

Kanandio-andio komiu mpotae ndi ongkue, ”Tewala kanandio, hapapo mbo'u anu da Dopokonsalao? Hangano isema anu umewaio po'ehe-Do?”

1 KORINTI 13:2

Maupo kupohawe pompowee ka kupompau anu ta gagi ka kuto'orio luwu anu tewuni ka tumo'orio luwuno ponto'ori; ka maupo bobotoli pompe'ala-alaku ka kupolimba torukuno, sine tewala nahina pompehohawa, nahina ntu'u tuduku.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

1 TIMOTIU 1:5

Tinoono patudu atuu onaemo pompehohawa anu meluarako inso a aroa anu mempori, inso i laro aroa anu moiko ka inso a pompe'ala-ala anu moleo.

TITU 2:7

ka pokogagiomo koroimu omuemu aasa pandiri a mpoweweu moiko. Asalakono ka umoleo ka pompesu'ui a pompagurumu,

IBARANI 11:31

Hangano pompe'ala-ala onaemo i Rahabi, beine belesu atuu, nahi mate merongaako ira mia mpe'ewa, hangano moiko itotowo ira anu mempadaso atuu.

IBARANI 11:33

anu hangano pompe'ala-ala ka domenangi iramo poparentaa, mpoweweu menteea, mehaweo hapa anu dinandi, mpokopuo ngangado singa,

IBARANI 11:6

Sine ba nahina pompe'ala-alano mia nahi Ira memoikoo Ue Ala. Hangano ba isema rumangkuhi Ira Ue Ala, asalakono ipe'ala-alao nine kongko Ira Ue Ala, ka nine Ondae Ue Ala moweeakono tambo mia anu umungke Ira ntu'u.

YAKOBU 2:14

Hapake tuduno, luwuno pepaekompoku, tewala asa mia motae, nine onae hinao pompe'ala-alano, kahinaano nahina wineweuno? Polioke pompe'ala-ala atuu kumaduduio?

YAKOBU 3:13

Isema i olomiu anu pande mosongka ka molino pinewowolono? Moikoomo ipokomengkaao wineweuno a gau ntumuwu anu moiko hangano ponto'ori mentee anu hiina inso a mpe'urumako.