YAKOBU 2:14 - Wunta Mempori

¹⁴ Hapake tuduno, luwuno pepaekompoku, tewala asa mia motae, nine onae hinao pompe'ala-alano, kahinaano nahina wineweuno? Polioke pompe'ala-ala atuu kumaduduio?

YAKOBU 2:14 ပူးပေါင်းရင်းမြစ်များ

Yeremia 7:8

Sine, menteeano impe'ala-ala ira pau mpegaupi anu nahi mentudu.

I MATIU 5:20

Onaemo ka Kupauakomiu: Tewala tuwu pe'agamamiu nahi laluopo mentee sekonopo tuwu pe'agamado anu mponto'ori Taura ka to Parisi, menteeano nahi komiu mpewinso a laro Poparentaa Suruga.

I LUKASI 3:11

Isangki ira, ”Ba isema hinao orua lembano, ka itiaakono anu nahina, ka ba isema anu hinao kaanga, ka iweweu mbo'u kanatuu.”

I LUKASI 6:49

Sine ba isema rumongeo pinau-Ku, sine nahi weweuo, onae mengkena saru mia anu mowangu raha a wawo wita nahina pondasino. Tempono irumpao mowo, raha atuu moruana itebangku ka tedoa masola.”

WINEWEUDO TINENA 15:9

ka nahina ntu'u Doponpesusua i oloto saru ondae, umari-Do mokomemporiako ira aroado hangano pompe'ala-ala.

WINEWEUDO TINENA 8:13

I Simo mbo'u gagiomo mompe'ala-ala, ka umarino binaho, onae wela merongaakono i Pilipu, ka tengiri tempono ikita ira petondoni ka kinohali-haliakoa langkai anu gagi.

WINEWEUDO TINENA 8:21

Anu kanandio nahina tia ke to'oriamu, hangano aroamu nahi moleo i aro-Do Ue Ala.

ROMA 2:25

Metindi lano hinao tuduno, tewala utondao songka Taura; sine tewala ulaloo songka Taura, ka petindimu nami hina mbo'u tuduno.

1 KORINTI 15:2

Hangano Lele Mawongkoa atuu ka imengkinadudui, poolo ka impe'ini moroso ndi onae kana anu kupaleleakomiumo – sangkadio tewala nahina tuduno impompe'ala-ala.

1 KORINTI 16:22

Isema nahi kekewoi Ira i Ue, tetotonaaomo. Maranata!

GALATIA 5:13

Pepaekompo, lano mempinoboi komiumo ka imaradeka. Sine si mempakeo maradekaa andio gagi pompe'umalu ka imentuwu a laro hala, tendeano imemambepekakaako hangano pompehohawa.

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

1 TESALONIKA 1:3

Hangano kiwela merambeo po'anggano pompe'ala-alamiu, inanggano pompehohawamiu ka modatono pomperorohimiu ndi Ondae Ueto i Yesu Kerisituu i aro-Do Ue Ala ka Amato.

1 TIMOTIU 1:5

Tinoono patudu atuu onaemo pompehohawa anu meluarako inso a aroa anu mempori, inso i laro aroa anu moiko ka inso a pompe'ala-ala anu moleo.

1 TIMOTIU 4:8

Mokoleleoo koroi tolino komba hadio tuduno, sine mesomba atuu mentudu a luwuakoano, hangano i tu'ai hinao dandi, moiko tiano tuwu andio maupo tiano tuwu anu ta hawe.

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

TITU 3:8

Pau andio mentee ka ineheku ka upokomorosoo ntu'u, ka luwudo anu mpompe'ala-ala iramo ndi Ondae Ue Ala ka dompe'o'osu ntu'u meweweuo anggaa anu moiko. Onaemo anu moiko ka mentudu a mia.

IBARANI 11:17

Hangano pompe'ala-ala onaemo i Burahima tempono i inara-arahako, ipesombaakono i Saki. Onae, anu tumarimaomo dandi atuu, ipe'induakono mesombaakono anano anu asa-asa,

IBARANI 13:9

Si ntepopo'ooako mperupa-rupa pompaguru susua. Hangano anu moiko onaemo, nine aroamiu pinokorosoako pe'aroa ka komba saru mperupa-rupa kaanga anu nahina tuduno ndi ondae anu mentondao luwuno atorano kaanga kanatuu.

YAKOBU 1:16

Luwuno pepaekompo anu pinehohawaku, si ntepopo'oo!

YAKOBU 2:16

ka asa mia inso i olomiu motae, ”Ilakomo temoiko, pokonaomo hawu mokula ka ipongkaamo ranta mowohi!”, sine nahi poweeakono hapa anu kinereno koroino, hapake tuduno atuu?

YAKOBU 2:18

Sine bara'ura hinao mia motae, ”Ndi omue hinao pompe'ala-ala ka ndi ongkue hinao wineweu,” aku sumangkio, ”Popokitaakune pompe'ala-alamu atuu nahi tinondaako wineweu, ka aku mopokitaakomu pompe'ala-alaku inso a luwuno wineweuku.”

YAKOBU 2:26

Hangano kana koroi nahina penaano, maate, kanandio koa mbo'u pompe'ala-ala nahina wineweu, maate.

2 PETURU 1:5

Onaemo pu'uno asalakono tementee ntu'u impe'usaha ka imentiangio poweweu moiko a pompe'ala-alamiu, ka ponto'ori a mpoweweu moiko,