YAKOBU 2:13 - Wunta Mempori

¹³ Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

YAKOBU 2:13 ပူးပေါင်းရင်းမြစ်များ

Tegagia 42:21

Mpotae iramo pada ondaedo, ”Mentee ntu'u tomentembio halato a uaito atuu, hangano tomengkitao ma'iso ntu'u aroano tempono ipo'ema pompehohawato, sine nahi tomperorongeakono po'emano. Onaemo pu'uno ma'isoa andio umalu kita.”

2 Tawarika 28:11

Kanandio-andio, imeronge akumo: Impokule iramo mia anu tinawamiu inso a pepaekompomiu atuu, hangano tekuda-Do Ue Ala tensila ndi omiu.”

Po'unde-unde 18:25

Onaemo pu'uno Ondae i Ue humuku aku menunu saru menteeku, menunu saru memporino kaeku a pongkita-Do.

Po'unde-unde 85:10

Mentee ntu'u, pontulungi-Do umpeda a luwuno mia anu doitoako Ira, onaemo ka ipo'ia maramba-Do i witato.

Powadi 21:13

Isema umonsoo birino a mperaalikino mia molema, nahi ta montarima sangkino, tewala onaeno meboo-booli.

Powadi 22:16

Mia anu mompokonsii mia molema ka ime'uraakono koroino ke moweeakono pompowee a mia kaea, butu mokorugio mpena koroino.

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yeremia 9:24

Sine isema ineheno mo'unde, laluopo ipo'undeakono mongkona andio: nine onae mokonto'orio ka tumo'ori Aku, nine Ongkuemo Ue anu mopokitao pompehohawa, moleoa ka menteea i tolino; mentee ntu'u, luwuno atuu inehe-Ku, kanandiomo pau-Do i Ue.”

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

I MATIU 5:7

Me'uraomo mia anu me'aroa, hangano ira mpohawe pe'aroaa.

I MATIU 6:15

Sine tewala nahi ime'ampuni ira mia, Ondae mbo'u Amamiu nahi Ira umampunio salamiu.”

I LUKASI 16:25

Sine motae i Burahima: Ana, pewowoloomo, nine utarimaomo anu moiko tempono utuwu, sine i Lasaru luwuno anu mosa'o. Kanandio-andio onae mohawe pontarero ka omue tedoa marasai.

I LUKASI 6:37

”Si mpobitara, ka nahi komiu mbo'u mebinitara. Ka si mpohuku, ka nahi komiu mbo'u mehinuku; ampuniomo ka komiu me'inampuni.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

YAKOBU 5:4

Menteeano terongeomo pebooli meroku, hangano nahi ime'owahio tambodo mia anu mensowio hasilino leremiu, ka haweomo a biri-Do Ueno luwuakoano pompemasusado anu mponsewo hasilino leremiu.

Puu Mpobitara 1:7

Motae i Adoni-Bese, ”Hinao pitupulu mokole anu tinotopi ine ntoniso kaeno saru ine ntoniso karuno. Mpobini ira toreano kaanga a ntoto medaku; kanamo anu wineweuku, kanandiomo Dosulooakune i Ue Ala ndi ongkue.” Ka do'amba mewawao i Yerusale, ka imate i ra'ai.

Puu Mpobitara 5:27

Tebangku mia atuu a olono karuno, tedonta mate tepombole, tebangku ka tedonta a olono karuno, ia tebangkuano, i ra'aimo mia atuu imate.