YAKOBU 2:1 - Wunta Mempori

¹ Luwuno pepaekompoku, kana mia anu mompe'ala-ala ndi Ondae i Yesu Kerisituu, Ueto anu maramba, pompe'ala-ala atuu si mpoweweuako anu moiko pompesusua mia.

YAKOBU 2:1 ပူးပေါင်းရင်းမြစ်များ

2 Tawarika 19:7

Onaemo pu'uno, po'ineeomo ka imedoitoako Ira i Ue. Impopetu'uimo pomputusi, hangano moweweu molengku, mobiniki mia ke maupo montarima anu nahi pototono nahina ndi Ondae i Ue, Ue Alato.”

Powadi 24:23

Tudano mbo'u andio luwuno powadino mia pande mosongka. Mobini-biniki a laro mpebitaraa nahi moiko.

Powadi 28:21

Mobini-biniki nahi moiko, sine hangano asa mpole roti mia moweweu hala.

Imama 19:15

Si memolengku a mpopaua kara-kara: si mpo'alaako mia mongkokolaro ke mentondao po'ehedo mia langkai potorono, sine asalakono impopau mentee kara-karado pe'asa miamiu.

I MATIU 22:16

Domentena ira ana gurudo mperonga saru to Herodia mpesikeno ndi Ondae, ”Guru, kimento'orio, Omiu asa mia anu moleo ka moleo Ipompaguru mongkona po'ehe-Do Ue Ala ka nahina dinoitoa-Komiu maupo ndi sema, hangano nahi pobiniki mia.

WINEWEUDO TINENA 10:34

Ka i'amba mompu'uomo i Peturu mepau, ipotae, ”Menteeano kupokonto'oriomo, nine Ondae Ue Ala nahi Dopobibiniki mia.

WINEWEUDO TINENA 20:21

mesakosii aku mpiha a nto Yahudi ka a nto Yunani, ka dontepidi ndi Ondae Ue Ala ka mpompe'ala-ala ndi Ondae Ueto, i Yesu Kerisituu.

WINEWEUDO TINENA 24:24

Ka mansano ba opia oleo haweomo i Pelikisi meronga saru kombiano i Durusila, aasa to Yahudi; onae metena moboio i Paulu, ka i'amba rumongeo inso ndi onae mongkona pompe'ala-ala ndi Ondae i Yesu Kerisituu.

WINEWEUDO TINENA 7:2

Sumangki i Setepanu, ”Hei pepaekompo ka ama luwumiu, imerongeomo! Ondae Ue Ala anu Tedoa Maramba mepopokita Iramo ndi Burahima uempu'uto, tempono da ipo'ia i Mesopotamia, se'eluno napi po'ia i Harani,

ROMA 1:11

Hangano mingki aku kumita komiu ka kupoweeakomiu pompowee-Do Penaa mokoroso komiu,

1 KORINTI 2:8

Nahina anu pabawa i wawontolino andio tumo'orio, hangano bakanaano domento'orio, nahi domempaso Ira i Ue anu maramba a ngkeu pinotamba.

Winali 1:17

Si mpompesusua mia i larono impompau kara-kara. Moiko mia kodei tuwuno maupo mia langkai tuwuno, asalakono imperorongeakono. Si medoito maupo ndi semamokoa, hangano pebitaraa pabawa-Do Ue Ala. Sine, kara-kara anu impemotungkoo lahi, asalakono imewawao ndi ongkue, ka kuperorongeakono.”

Winali 16:19

Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.

KOLOSE 1:4

hangano kimerongeomo mongkona pompe'ala-alamiu ndi Ondae i Yesu Kerisituu ka mongkona pompehohawamiu a luwuno mia mempori,

1 TIMOTIU 1:19

Ba opia mia domperioo aroa mewinedo anu mentee atuu, ka onaemo pu'uno nami hina pompe'ala-alado,

1 TIMOTIU 5:21

I aro-Do Ue Ala ka i Kerisituu ka luwuno mala'eka bininiki-Do ku'oliwiko ntu'u: pe'ihilaroomo pontiso andio si danggara ka weweuomo luwuakoano si po'ala-alaako.

TITU 1:1

Inso ndi Paulu, tetenaa-Do Ue Ala ka tinena-Do i Yesu Kerisituu ka ipekakaakono pompe'ala-alado mia bininiki-Do Ue Ala ka ponto'ori menteea kana anu mengkaa a laro mpesombato,

TITU 2:13

saru mensikorio te'ihiino pomperorohito anu buke me'uraa ka mengkaano maramba-Do Ue anu Tedoa Langkai ka Puu pongkaduduito Ondae i Yesu Kerisituu,

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

YAKOBU 1:16

Luwuno pepaekompo anu pinehohawaku, si ntepopo'oo!

YAKOBU 1:19

Hei luwuno pepaekompo anu pinehohawaku, impewowoloomo mongkona andio: sompo mia ka imagasi koa moronge, sine ka si ronga mepau, ka si ronga mbo'u tekuda;

YAKOBU 2:3

ka impelangkaio mia anu mesangka tekosi atuu ka impotaeakono, ”Tabea miu ipentoro a mpo'ianga anu moiko andio!” Sine a mia anu mongkokolaro atuu impotae, ”Pentade i ra'ai!” ke, ”Pentoro a horo andio umpeda pelandaano karuku!”,

YAKOBU 2:9

Sine, tewala pompesusua komiu mia, mpoweweu komiu hala, ka hangano songka atuu gagi mengkaa, nine mpolimpai komiu songka.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

2 PETURU 1:1

Inso ndi Simo Peturu, tetenaa ka tinena-Do i Yesu Kerisituu, hawe ndi ondae anu mperonga saru omami mpohawe pompe'ala-ala hangano moleo-Do Ue Ala ka Puu Pongkaduduito, Ondae i Yesu Kerisituu.

YUDASI 1:16

Ondae atuudo mia anu mpewuruki ka mpe'asengi mongkona teweweudo, mentuwu montonda po'eheno aroado, sine wiwido meluarako ira pau anu nahi pewinso akala ka me'unde-unde ira mia ka dompohawe me'uraa.

MENGKAAA 14:12

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.