YAKOBU 1:27 - Wunta Mempori

²⁷ Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

YAKOBU 1:27 ပူးပေါင်းရင်းမြစ်များ

Po'unde-unde 119:1

Me'uraomo mia anu tuwuno nahina tataano, anu tuwu montonda Taura-Do i Ue.

Po'unde-unde 146:9

Ondae i Ue dumagai ira mia mehawe, nana'ote nahina amano ka tuwu beine Dowali mokoroso ira, sine pesalaano mia mosa'o gauno Dopokogagio.

Po'unde-unde 68:5

Penanimo tia-Do Ue Ala, penanimo umunde-undeo nee-Do, pelangkai Iramo anu me'ula a nseru! Nee-Do onaemo i Ue; mawongkomo i aro-Do!

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

I MATIU 12:32

Tewala asa mia mepauomo umewai Ira i Ana Manusia, ta inampuni halano, sine tewala i'ewai Ira Penaa Mempori, onae nahi ta inampuni halano, i wawontolino andio ke maupo i wawontolino anu ta hawe naahi.

I MATIU 5:8

Me'uraomo mia anu mempori aroado, hangano ira mengkita Ira Ue Ala.

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 2:13

Hangano komba mia anu moronge songka Taura anu mentee i aro-Do Ue Ala, sine mia koa anu weweuo songka Taura anu pinokomentee.

GALATIA 1:4

anu meweengakonomo koroi-Do hangano luwuno halato, motola kita inso a mosa'ono wawontolino anu kanandio-andio, montonda po'ehe-Do Ue Ala ka Amato.

GALATIA 3:11

Ka nine nahina mia anu pinokomentee i aro-Do Ue Ala hangano iweweuo songka Taura lano mengkaa, hangano, ”Mia anu mentee ta tuwu hangano pompe'ala-ala.”

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

GALATIA 6:14

Sine ongkue nahi kubehe ntu'u mawongko, sangkadio a ngkeu pinotamba-Do Ueto i Yesu Kerisituu, hangano Ondae ka kupinasoako wawontolino a ngkeu pinotamba, ka ongkue tiano wawontolino.

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

Winali 14:29

Hangano to Lewi nahi dompohawe tia pusaka meronga saru omiu, ira me'aiwa saru mia hawe, nana'ote nahina amano ka tuwu beine i kotamiu, ka do'amba mpongkaa mowohi. Ba kanandio Ira rumonsokomiu i Ue, Ue Alamiu, a luwuno inanggano kaemiu.

1 TIMOTIU 1:5

Tinoono patudu atuu onaemo pompehohawa anu meluarako inso a aroa anu mempori, inso i laro aroa anu moiko ka inso a pompe'ala-ala anu moleo.

1 TIMOTIU 5:4

Sine tewala aasa tuwu beine hinao anano ke ana'ueno, moikoano ondae atuu amba-ambano ka dompepaguru mpompekakaako a mpe'asa rahado ka mensuloo moikodo mia mota'u ka uedo, hangano onaemo anu pinemoiko-Do Ue Ala.

TITU 2:12

Onae paguru kita ka tomebintao gau mosa'o ka luwuno mosisiri ntolino ka tomentuwu pande mponsongka, moleo ka mpesomba i wawontolino kanandio-andio

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

YAKOBU 3:9

Saru elo tome'unde-unde Ira i Ue, Amato; ka saru elo tomentotonaao mia anu pinokogagi montonda rupa-Do Ue Ala,

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

2 PETURU 1:4

Mesala kanatuu Doweeakitamo luwuno dandi anu masuli olino ka anu tedoa langkai, ka ihangano onae moiko impo'ala tia a pabawa-Do i Ue, ka mentola inso a mpo'eheno aroa ntolino anu sumolangio wawontolino.

2 PETURU 2:20

Nde tewala ondae, hangano ponto'orido Ondae i Ue ka Puu Pongkaduduito, Ondae i Yesu Kerisituu, mpepotola iramo inso a luwuno mokoburuno wawontolino, sine ntewinso ira mbo'u i larono, ka poko'ariano teweweudo mosa'oopo sekono anu se'eluno.

2 PETURU 3:14

Onaemo pu'uno, pepaekompo anu kinekewoiku, kontongaano mensikorio luwuno andio, asalakono impeteahako, ka imehinawe nahina tataamiu ka nahina anu mosa'o i aro-Do, a laro pesintuwua saru Ondae.

1 YOHANE 5:18

Tomento'orio, nine sompo mia anu pine'anaako inso ndi Ondae Ue Ala, nahi poweweu hala; sine Ondae anu pine'anaako inso ndi Ondae Ue Ala dumagaio, ka i Mosa'o nahi poko'anggao.