YAKOBU 1:25 - Wunta Mempori

²⁵ Sine ba isema menootio songka anu soompo ntu'u, onaemo songka anu mompokomaradeka mia, ka onae mompedato i larono, gaagi komba butu rumongeo ka ikolupeo, sine mentee ntu'u ipeleluakono, onae ta me'uraako wineweuno.

YAKOBU 1:25 ပူးပေါင်းရင်းမြစ်များ

Po'unde-unde 106:3

Me'ura iramo mia anu mpe'ini a songka, anu meweweuo moleoa a luwuno tempo!

Po'unde-unde 119:32

Aku melulu tumondao luwuno parenta-Miu, hangano Ipokonsanaao aroaku.

Po'unde-unde 119:45

Aku bebasi melempa, hangano ku'ungkeo luwuno parenta-Miu.

Powadi 14:15

Mia anu napi hina pinembasaino me'ala-alao sompo pinau, sine mia anu pande mekokoongakono pelempano.

Yesaya 8:20

ka ipohawe pompaguru ka pe'oliwi?” Isema anu nahi sangki menunu saru pau kanatuu, ndi onae nahi pesabaako towea.

I LUKASI 11:28

Sine Dopotae, ”Anu me'ura onaemo ondae anu mporonge pau-Do Ue Ala ka anu mpekariao.”

I YOHANE 13:17

Tewala imento'orio luwuno andio, meme'ura komiumo, tewala imeweweuo.

I YOHANE 8:36

Gagi tewala Ana atuu mokomaradeka komiu, mentee ntu'u maradeka komiu.”

WINEWEUDO TINENA 13:43

Mansano umari pesombaa, hadio to Yahudi ka anu mpe'agama Yahudi anu doitoako Ira Ue Ala, tumonda ira i Paulu ka i Baranaba; orua ira tinena atuu paguru ira ka umoliwi ira ka domentuwu mpiha a pompehohawa-Do Ue Ala.

WINEWEUDO TINENA 2:42

Dompo'asao aroado a pompagurudo tinena ka a ntepo'asaa. Ka wela ira mpepumpu ka domensiba-sibao roti ka mpekakai.

WINEWEUDO TINENA 26:22

Sine hangano pontulungi-Do Ue Ala ka kupokotuwu hawe kanandio-andio ka mesakosii a mia kodei ka a mia langkai. Ka hapa anu kupaleleo atuu nahina susua inso anu se'eluno domempauomo nabi ka ipauomo mbo'u i Musa,

ROMA 11:22

Onaemo pu'uno imengkitaomo pe'aroa-Do Ue Ala ka motea-Do, onaemo motea Ira a mia anu mentedonta iramo, sine ndi omiu pe'aroa-Do, onaemo tewala mekongko komiu mpiha a mpe'aroa-Do; tewala naahi, komiu koa me'inonini mbo'u.

ROMA 2:13

Hangano komba mia anu moronge songka Taura anu mentee i aro-Do Ue Ala, sine mia koa anu weweuo songka Taura anu pinokomentee.

ROMA 7:12

Gaagi songka Taura lano mempori, ka parenta mbo'u atuu mempori, mentee ka moiko.

ROMA 8:15

Hangano omiu nahi mpontarima penaa te'ataa anu weweu komiu gagi medoito mbo'u, sine mpontarima komiumo Penaa anu mokogagi komiu ana-Do Ue Ala. Hangano Penaa atuu ka tompebooli, ”Oo Aba, oo Ama!”

ROMA 8:2

Penaa, anu mompowee tuwua mokomaradeka komiumo ndi Ondae i Kerisituu inso a songkano hala ka songkano matea.

1 KORINTI 15:58

Onaemo pu'uno, pepaekompo anu pinehohawaku, impentademo temoroso, si ntelelu, ka impeteahako mpiha a anggaa-Do i Ue! Hangano imento'orio, nine a ntepo'asaa saru Ondae i Ue pe'iseimiu nahi tetadi-tadi.

2 KORINTI 13:5

Impepenteeo koroimiu, ba memoroso komiu koa mpiha a laro pompe'ala-ala. Imemparesaomo koroimiu! Nahi impe'ala-alaoke koroimiu, nine Ondae i Kerisituu Yesu kongko i laromiu? Hangano tewala komba kanandio, nahi komiu mponangi.

GALATIA 2:4

Lano hinao pedada inso a mia mpo'onde-onde pepaekompo anu mansa mpewinso, onaemo ondae anu mpewuni mpewinso i larono ira mempoporooo maluaato anu hinaweto ndi Ondae i Kerisituu Yesu, ka ihina pesalaado mpokompe'ata kita.

GALATIA 5:1

Ka imentee koa ntu'u ontae maradeka, Dopokomaradeka kitamo i Kerisituu. Onaemo pu'uno impentademo temoroso ka si mebehe mbo'u imempinokonaako pasanga te'ataa.

GALATIA 6:2

Imemambetulungimo tumembio tinembimiu! Kanandiomo ime'ihiio songka-Do i Kerisituu.

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

1 TIMOTIU 2:15

Sine beine ta kinadudui hangano onae me'ana, poolo ka ipompedato koa mpiha pompe'ala-alano ka mompehohawa memporia saru nahi maramba.

1 TIMOTIU 4:16

Dagaiomo koroimu omiu-miu ka dagaiomo pompagurumu. Petenunumo a luwuno atuu, hangano a wineweumu kanandio kokumaduduio koroimu ka luwuno mia anu rumongeko.

IBARANI 12:15

Impedagaimo ka si hina maupo te'asa mia olaiakono pe'aroa-Do Ue Ala, ka si tuwu haka anu mopa'i anu mompokomarisu ka monsosa'ai hadio mia.

YAKOBU 2:12

Impepaumo ka mpelelu kana mia anu ta binitara ira songka anu mompokomaradeka mia.

1 PETURU 2:16

Imentuwumo kana mia maradeka ka komba kana ondae anu mensala pakeo maradekaa atuu ka itetutuwi luwuno wineweudo anu mosa'o, sine imentuwumo kana tetenaa-Do Ue Ala.

1 YOHANE 2:24

Ka omiu, hapa anu imerongeomo inso a pompu'uano, asalakono ka ipo'ia mpiha atuu i laromiu. Tewala hapa anu imerongeomo inso a pompu'uano atuu kongko mpiha i laromiu, asalakono komiu koa mpo'ia mpiha i laro-Do i Ana ka i laro-Do i Ama.

MENGKAAA 14:13

Ka kurongeo suara inso i suruga motae: Burio, ”Meme'ura iramo mia memate anu mate a nee-Do i Ue, mompu'u kanandio-andio.” ”Mentee ntu'u,” Dopotae Penaa, ”ka imoiko dompenaa-naa inso a mpe'iseido, hangano luwuno wineweudo tumonda ira.”

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.

1 Samueli 12:14

Tewala imedoitoako Ira i Ue, impesomba ndi Ondae, imperorongeakono pau-Do, si me'ewaio songka-Do, ka omiu saru mokole anu parenta komiu tumonda Ira i Ue, Ue Alamiu, moikoomo kanandio.