YAKOBU 1:19 - Wunta Mempori

¹⁹ Hei luwuno pepaekompo anu pinehohawaku, impewowoloomo mongkona andio: sompo mia ka imagasi koa moronge, sine ka si ronga mepau, ka si ronga mbo'u tekuda;

YAKOBU 1:19 ပူးပေါင်းရင်းမြစ်များ

Nehemia 8:18

Luwuno bawaa anu mpekule inso a mpontadia mpoweweu ira laika ka mpo'ia i tu'ai. Lano i tempono i Yosua anano i Nuni hawe oleo atuu to Isaraeli nahi dohori meweweuo anu kanandio. Langkai ntu'u mawongkoa anu pinembasaido.

Nehemia 9:17

Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Nehemia 9:3

Kontongaado mpentade a mpo'iangado, binasaomo wunta Taura-Do i Ue, Ue Alado, i larono asa ntia opaa oleo, sekono asa ntia opaa oleo mbo'u, mempauo mangakudo ka mpenggolontu mesombai Ira i Ue, Ue Alado.

Ayubi 32:16

Nde asalakono aku mesikori hangano nahi dompepau, hangano ondae mpentade i ra'ai ka nahi dome'ewaio mbo'u pinauno?

Powadi 10:19

I larono hadio pau manasa hinao polimpaia, sine isema anu umontoo wiwino, onae molino pinewowolono.

Powadi 13:3

Isema dumagaio ngangano, mekariao penaano, isema anu kowee-wee ngangano, ta umaluo matea.

Powadi 14:17

Isema ronga tesingka, moweweu nahi mentee, sine mia anu pande mosongka, sabara.

Powadi 14:29

Mia anu sabara langkai ponto'orino, sine isema anu ronga tekuda mokolangkaio benge-bengeno.

Powadi 15:18

Mara ntekuda mompokotesingka pengengea, sine mia anu sabara mokompenaa-naao pe'u'uaa.

Powadi 15:2

Elono mia pande mosongka moluarako ponto'ori anu momoiko, sine ngangano mia monge-monge mo'uwu benge-bengea.

Powadi 16:32

Mia anu mauru lumaloio asa sorodadu, mia anu mokompeteao aroano lumaloio mia anu mompoko'ala kota.

Powadi 17:14

Mompu'u pengengea kana mo'ungkahi pesalaano uwoi; gagi ponsukamo se'eluno ipompu'u pe'u'uaa.

Powadi 17:27

Mia anu monto'ori nahi hadio mpau, mia anu hinao ponto'orino me'ulu morini.

Powadi 18:13

Tewala asa mia sumangki se'eluno irongeo, onaemo benge-bengea ka tataano.

Powadi 18:21

Tuwu ka mate ipabawaio elo, isema ineheno pakeo, ta kumaano wuano.

Powadi 19:11

Pinewowolo molino weweuo asa mia tedoa sabara ka marambano onaemo nahi kitaakono polimpaia.

Powadi 19:19

Mia anu magasi lahi tekuda ta kona denda, hangano tewala komingki tumulungio, butu kotumiangio tekudano.

Powadi 21:23

Isema dumagaio ngangano ka elono, mekariao koroino inso a masukaraa.

Powadi 25:28

Kanamo kota anu tebangku rere watuno, kanatuumo mia anu nahi pokompabawaio koroino.

Powadi 29:20

Ukitao mia anu magasi mepau? Hadioopo pomperorohino mia monge-monge sekonopo a mia atuu.

Podoaa 22:27

Kumitao Mala'eka-Do i Ue, kalide atuu me'opo, i Bilea da kontongaano i wawono. Ka i'amba tesingkaomo tekudano i Bilea ka itunduhiako tuko kalide atuu.

I MATIU 5:22

Sine Kupauakomiu: Sompo mia anu tekuda a mpepaekompono asalakono hinuku; isema anu motaeakono pepaekompono: Mia melahumoa! Asalakono pino'aro a Puu mpobitara Agama ka isema anu motae: Benge-benge! Asalako tinende a laro api naraka anu kolanga-langa.

I MARAKUSU 12:37

Sekono i Daudi numeeako Ira Ueno, nde kana'umpe ka Dogagi mbo'u anano?” Mia anu tedoa hadio inehedo meronge Ira.

I MARAKUSU 2:2

Onaemo ka mehawe iramo mia mpenggowo ranta nahina mbo'u po'ianga, tendeano maupo i arono pewowa nami hina. Kontongaa-Do montutuluako ira pau-Do i Ue,

I LUKASI 15:1

Luwuno puu popumpu sima'ulu ka mia ntehala eheano mehawe ndi Ondae i Yesu ira mperorongeako Ira.

I LUKASI 19:48

sine nahi domento'orio, ba kana'umpe asalakono domeweweuo, hangano luwuno palili mpe'ala-ala Ira ka mingki mperorongeako Ira.

WINEWEUDO TINENA 1:15

A oleo atuu mentadeomo i Peturu i tonga-tongado pepaekompo anu kontongaado mpepumpu atuu, bara'ura asa etu ka rua pulu mia hadiono, ka i'amba motae,

WINEWEUDO TINENA 10:33

Onaemo pu'uno ka kuronga montena mia aiwa ndi omiu, ka mawongko aroaku hawe komiumo. Kanandio-andio mendio kamimo i ndi'ai i aro-Do Ue Ala ka kimerongeo hapa anu Dotenaakomiu Ue Ala.”

WINEWEUDO TINENA 13:48

Rumongeo atuu mpo'unde iramo luwuno mia anu nahi domento'ori ira Ue Ala ka dome'unde-undeo pau-Do i Ue; ka luwuno mia anu Dopakosio Ue Ala a ntuwua anu nahina tampulaano, gagi mpompe'ala-ala.

WINEWEUDO TINENA 17:11

To Yahudi i kota atuu mpe'aroa irapo sekono to Yahudi i Tesalonika, hangano domentarimao pau-Do i Ue atuu a mawongkono aroado ka sompo oleo dompepenteeo Wunta Mempori ka domento'orio, ba mentee luwuno atuu kanandio.

WINEWEUDO TINENA 2:42

Dompo'asao aroado a pompagurudo tinena ka a ntepo'asaa. Ka wela ira mpepumpu ka domensiba-sibao roti ka mpekakai.

EPESU 4:26

Tewala gagi komiu ntekuda, si mpoweweu hala: si mentekuda hawe ka isumoo oleo

EPESU 4:31

Luwuno mahaki aroa, bamburua, tekudaa, teposisalaa ka pomposebe asalakono imentadio inso i olomiu, kanatuu koa mbo'u luwuno wineweu mosa'o.

KOLOSE 3:15

Po'ineeomo rodoa inso ndi Ondae i Kerisituu moparenta i laro aroamiu, hangano onaemo atuu ka imempinoboi gagi aasa koroi. Ka impontarimakasimo.

KOLOSE 3:8

Sine kanandio-andio, imentadiomo luwuno andio, onaemo tekuda, bamburu, mosa'oa, momposebe ka pau mokoburu anu meluarako inso a wiwimiu.

1 TESALONIKA 2:13

Ka onaemo pu'uno nahi otu-otu kime'une-unde Ira mbo'u Ue Ala, hangano imentarimaomo pau-Do Ue Ala anu pinalelemami atuu, komba kana paudo mia, sine – ka lano mentee ntu'u kanandio – kana pau-Do Ue Ala, anu mo'angga koa mbo'u i laromiu anu mpompe'ala-ala.

YAKOBU 1:16

Luwuno pepaekompo anu pinehohawaku, si ntepopo'oo!

YAKOBU 1:2

Luwuno pepaekompoku, tuduomo kana aasa me'uraa, tewala ntedonta komiu a laro mperupa-rupa po'ara-arahako,

YAKOBU 1:26

Tewala hinao te'asa mia tumuduo koroino mesomba, sine nahi pokompeteao elono, ipopo'oo koroino onaeno, ka pesombano nahina tuduno.

YAKOBU 2:1

Luwuno pepaekompoku, kana mia anu mompe'ala-ala ndi Ondae i Yesu Kerisituu, Ueto anu maramba, pompe'ala-ala atuu si mpoweweuako anu moiko pompesusua mia.

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

YAKOBU 3:10

inso a nganga anu aasa meluarako ronso ka totonaa. Mongkona andio, pepaekompoku luwu-luwu, nahi moiko igagi kanandio.

YAKOBU 4:11

Pepaekompoku luwu-luwu, si memambeposebe! Ba isema momposebe pepaekompono ke mokonsalao, itatao songka mokonsalao; ka tewala upokonsalao songka, omue komba anu montonda songka, sine puu mpobitarano.

YAKOBU 5:12

Sine anu lalua, pepaekompo luwu-luwu, si mpesumpa mesakosiiako suruga maupo mesakosiiako tolino ke mesakosiiako hapamo koa anu susua. Tewala humbee, impotaemo humbee, tewala naahi impotae naahi, ka si kona komiu pohuku.

YAKOBU 5:19

Luwuno pepaekompo, tewala hinao i olomiu anu pansia inso a menteea ka hinao asa mia anu weweuo ka ipepokule,

1 YOHANE 2:21

Kupoburiakomiu, komba hangano nahi imento'orio menteea, sine tendeano hangano imento'orio ka hangano imento'orio koa mbo'u, nine nahi pegaupi anu tepu'u inso a menteea.