YAKOBU 1:18 - Wunta Mempori

¹⁸ A mpo'ehe-Do Ondae-Do Dopokogagi kitamo a mpau menteea, ka tomegagi ana aka i olodo luwuno pinokogagi-Do a ntudano tetantui.

YAKOBU 1:18 ပူးပေါင်းရင်းမြစ်များ

Yeremia 2:3

I tempo atuu to Isaraeli mempori ndi Ondae i Ue, gagi wua amba-ambano inso a lere-Do. Luwuno anu mengkaano gagi sala, masolaa umalu ira, kanandiomo pau-Do i Ue.

Imama 23:10

”Pepaumo a nto Isaraeli ka potaeako ira: Tewala mehawe komiu a wita anu Aku weeakomiu, ka mposowi hasilino, asalakono impowawa te'asa nte'u inso a hasilino amba-ambano sinowimiu a sando mpesomba.

Amosi 6:1

”Memasola iramo ntu'u mia anu momperodo i Sioni, mia anu momperodo i torukuno Samaria, luwuno mia memota'u inso a tongku amba-ambano, anu dontepohaweakono tongku Isaraeli!

I YOHANE 1:13

Mia anu mempine'anaako komba inso a rea ke inso a ngkoroi, komba mbo'u po'eheno koroi hangano po'eheno aasa tama, tendeano inso ndi Ondae Ue Ala.

ROMA 4:17

kana hinao teburi, ”Omue Kupakosikomo gagi amado hadio tongku” – i aro-Do Ue Ala anu pine'ala-alano onaemo Ondae Ue Ala anu mompotuwu mia mate ka anu mokogagiakono pau-Do hapa anu nahina gagi hinao.

1 KORINTI 4:15

Hangano maupo mapasowu-sowu anu paguru komiu mongkona Ondae i Kerisituu, komba hadio amamiu. Nde ongkuemo gagi amamiu anu ndi Ondae i Kerisituu Yesu hangano Lele Mawongkoa anu kupaleleo ndi omiu.

2 KORINTI 6:7

a pompalelea menteea ka pabawa-Do Ue Ala; memparewa mpeteaako moleoa monsapoi ke maupo mo'alaako

EPESU 1:12

ka omami, anu se'eluno mpomperorohi kamimo ndi Ondae i Kerisituu, moiko gagi unde-undeno maramba-Do.

EPESU 1:13

Ndi Ondae omiu mbo'u – hangano imerongeomo pau menteea, onaemo Lele Mawongkoa tekaduduiamiu – ndi Ondae omiu mbo'u, tempono impompe'ala-ala, mentinondoniako Penaa Mempori, anu dinandi-Do atuu.

2 TIMOTIU 2:15

Ungkeakonomo ka ipototomu i aro-Do Ue Ala kana asa mia puu mpo'angga anu siimo imokoko'ii, pauo manasa paleleo pau menteea atuu.

IBARANI 12:23

ka a bawaado ana aka, anu needo teburi i suruga, ka ndi Ondae Ue Ala, anu bitara ira luwuno mia, ka a mpenaado mia mentee anu gagi sompoomo,

YAKOBU 1:15

Ka tewala mosisiri atuu mentiaomo, onae me'anaako hala; ka te wala hala atuu langkaiomo, onae me'anaako matea.

YAKOBU 1:21

Onaemo pu'uno imentadiomo luwuakoano anu mokoburu ka anu mosa'o anu hadio ntu'u atuu ka imentarimaomo te molusa-lusa pau anu tepaho i laro aroamiu, anu pabawa kumaduduio sumangamiu.

YAKOBU 3:14

Tewala mponaa-naa komiu aroa kohili ka me'o'aluakono koroimiu liomiu, si pompelangla-langkai ka si mpegaupi umewaio menteea!

1 PETURU 1:23

Hangano wali komiumo mempine'anaako komba mepu'u inso anu ta tampulaano, sine mepu'u inso a nahi ta tampula, hangano pau-Do Ue Ala anu tuwu ka anu nahina tampulaano.

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

1 YOHANE 3:9

Sompo mia anu pine'anaako inso ndi Ondae Ue Ala, nahi poweweu mbo'u hala; hangano penaa mempori kongko mpiha i larono ka onae nahi pokompoweweu hala, hangano onae pine'anaako inso ndi Ondae Ue Ala.

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.