YAKOBU 1:17 - Wunta Mempori

¹⁷ Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

YAKOBU 1:17 ပူးပေါင်းရင်းမြစ်များ

Tegagia 41:16

Sumangki i Yusupu ndi Pirao, ”Komba ongkue, tendeano Ondae Ue Ala anu Ira mompau manangaia ndi omiu ueku Pirao.”

1 Tawarika 22:12

Butu po'ineeomo Ondae i Ue moweeakomu pompewowolo molino ka ponto'ori ka weweuko moparenta a nto Isaraeli, kau pekakaakono Taura-Do i Ue, Ue Alamu.

1 Tawarika 29:19

Ndi Salomo, anaku Ipoweeakonomo aroa anu moleo ka ipekariao luwuno parenta-Miu ka pepopoto'ori-Miu ka pompakosi-Miu, weweuo luwuakoano ka wanguo raha anu kupatindaomo.”

Po'unde-unde 102:27

Luwuno atuu ta tampula, sine Omiu kongko mpiha, ka luwuno atuu ta gagi mowuru kana sangka, kana lemba I'eu ira, ka do'amba mentinadi;

Po'unde-unde 122:6

Pekakaimo tiano manangaiano Yerusale, ”Po'ineeomo domentuwu rodo luwuno mia anu kumekewoiko.

Po'unde-unde 136:7

Ndi Ondae anu mokogagio luwuno sangka pompokomewine anu langkai; menteeano ranta nahina tampulaano pompehohawa-Do.

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Po'unde-unde 85:12

Petenunu ta tuwu inso i tolino, ka moleoa ta melungaako inso i langi.

Powadi 2:6

Hangano Ondaemo i Ue anu mompowee ponto'ori anu mentee, inso a nganga-Do hawe ponto'ori ka pande.

Yesaya 28:26

Onae pinaguruomo mongkona anu lineleoako atuu, ka Ondae Ue Alano moweeakono pontiso.

Yesaya 45:7

anu mokogagio mewine ka mokogagio wongi-wongi, anu mokogagio sintuwu manangai ka mokogagio masolaa; Ongkuemo Ue anu weweuo luwuno andio.

Yesaya 46:10

Ongkuemo anu pauo inso a pompu'uano mongkona luwuakoano anu pokotompa ka inso a tempo se'eluno ntu'u hapa anu napi pinokoweweu, anu motae: Tinoo-Ku ta gagi, ka luwuno po'ehe-Ku Aku weweuo.

Yesaya 60:19

Ndi omue mata'oleo nami gagi mbo'u pompokomewine tempono meene ka wantano wula nami pompowee mbo'u mewine tempono wongi, sine Ondae i Ue Ira gagi pompokomewinemu anu nahi bali ka Ondae Ue Alamu Ira gagi marambamu.

Maleaki 3:6

Menteeano Ongkue, Ue, nahi bali, ka omiu, inuleno i Yako, nahi ta pinokotampula.

Podoaa 11:17

Aku metii ka mepau saru omue i ra'ai, ka Ku'amba umalao asa ntia Penaa anu kongko ndi omue ka numaao ndi ondae, ka saru omue ira mentembio anggaa a luwuno tongku atuu ka siimo mbo'u utembio asa-asamu.

Podoaa 11:25

Ka i'amba metii Iramo i Ue a laro nseru ka Dopepau ndi Musa. Ka Do'amba umalao asa ntia Penaa anu kongko ndi onae ka Donaao a pitu pulu mia memota'u atuu. Mansano Penaa atuu kongko ndi ondae, ipewinsoki iramo Penaa kana nabi, sine umarino atuu naamo mbo'u.

Podoaa 23:19

Ondae Ue Ala komba mia, ranta ka Dopegaupi ka komba anano mia, ranta ka Dope'o'ole. Nde Ira mepau ke ka nahi Doweweuo ke mepau ka nahi Do'ihiio?

I MATIU 7:11

Gagi tewala omiu anu mpoweweu mosa'o mponto'ori komiu mpompowee anu moiko a anamiu, tamoako Ondae Amamiu anu i suruga! Ira koa mompowee anu moiko a mia anu mo'ema ndi Ondae.”

I LUKASI 11:13

Gagi tewala omiu anu memosa'o mponto'ori mpopeweengako pompowee anu moiko a anamiu, tamoako Amamiu anu i suruga! Ira mompowee Penaa Mempori a mia anu mpo'ema ndi Ondae.”

I YOHANE 1:9

Mewine anu menteeano, anu wantahio sompo mia, kontongaa-Do hawe i wawontolino.

I YOHANE 3:27

Sumangki i Yohane, ”Nahina maupo te'asa mia anu mokompo'ala hapa-hapa tiano koroino, tewala nahi pinoweeako inso i suruga.

I YOHANE 3:3

Sumangki Ira i Yesu, Dopotae, ”Kupauakomu, menteeano tewala asa mia nahi wali pine'anaako, nahi ta mokokitao Poparentaa-Do Ue Ala.”

I YOHANE 8:12

Ka mepau Ira mbo'u i Yesu a mia hadio, Dopotae, ”Ongkuemo mewineno wawontolino; ba isema tumonda Aku, onae nahi ta melempa a laro wongi-wongiano, tendeano onae ta mohawe mewineno tuwua.”

WINEWEUDO TINENA 11:18

Mansado merongeo mongkona atuu, rodoomo aroado, ka do'amba me'unde-unde Ira Ue Ala, dompotae, ”Gaagi a luwuno tongku susua mbo'u Ondae Ue Ala moweeako ira tepidia anu wawa ira a ntuwua.”

WINEWEUDO TINENA 5:31

Ondaemo anu Dotandeakono kae ngkoana-Do Ue Ala gagi Petewawa ka Puu Pongkadudui, ka dompokontepidi to Isaraeli ka mpontarima po'ampunia hala.

ROMA 6:23

Hangano tambono hala onaemo matea; sine pompehohawa-Do Ue Ala onaemo tuwua anu nahina tampulaano ndi Ondae i Kerisituu Yesu, Ueto.

1 KORINTI 4:7

Hangano isemake anu tumuduo laluakopo? Ka hapake anu hina ndi omue, anu nahi utarimao? Ka tewala lano utarimao, tembio ka umawongkoako, kana nahi utarimao?

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

EPESU 2:8

Nde hangano pe'aroa ka imengkinaduduiako pompe'ala-ala; atuu komba hasilino usahamiu, sine pompowee-Do Ue Ala,

Winali 4:19

Tewala mengkitako mbo'u i langi, kumitao mata'oleo, wula ka anano wula, luwuno sorodadu i langi, si ntepopandei kai mpenggolontu mpelangkaio ka impesomba a luwuno atuu. Tendeano Ondae i Ue, Ue Alamiu meweengakono luwuno tongku i wawontolino gagi tiado.

PILIPI 1:29

Hangano ndi omiu mewineeako komba butu ka impe'ala-ala Ira i Kerisituu, tendeano ka imemarasaiako Ira koa mbo'u,

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

IBARANI 13:8

Ondae i Yesu Kerisituu mengkena mpiha, moiko indiawi maupo oleo andio ka hawe nahina tampulaano.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.

YAKOBU 3:15

Atuu komba ponto'ori mentee anu inso iwawono, sine inso i wawontolino, inso a mpo'eheno aroano mia, inso a onitu nsa'o.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

1 YOHANE 1:5

Ka ndiomo lele, anu kimerongeomo inso ndi Ondae, ka anu kimpohaweo ndi omiu: Ondae Ue Ala onaemo mewine ka i laro-Do nahina ntu'u wongi-wongia.

1 YOHANE 4:10

Ndiomo pompehohawa atuu: Komba ontae anu mehohawa Iramo Ue Ala, sine Ondae Ue Ala anu mehohawa kitamo ka anu tumena Iramo Ana-Do gagi po'ampuni luwuno halato.

MENGKAAA 21:23

Ka kota atuu nahi pongkere mata'oleo ka wula ta wantahio, hangano maramba-Do Ue Ala mokomewineo ka Ondae Ana Bimba atuu onaemo huluno.

MENGKAAA 22:5

Ka wongi nahi ta hina mbo'u i ra'ai, ka nahi dompongkere wantano hulu ka wantano mata'oleo, hangano Ondae Ue Ala Ira mokomewine ira, ka ira pomparenta kana mokole ranta nahina tampulaano.

1 Samueli 15:29

Ondae i Ue Anu Maramba, Ue Alado to Isaraeli, nahi Dopegaupi, hangano Ondae komba mia ka Ira me'o'ole.”