YAKOBU 1:12 - Wunta Mempori

¹² Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

YAKOBU 1:12 ပူးပေါင်းရင်းမြစ်များ

Tegagia 22:1

Umarino gagi luwuno atuu, Ondae Ue Ala umarahakono i Burahima. Mepau Ira ndi onae, ”Burahima,” ka i'amba sumangki, ”Oo Ue.”

Nehemia 1:5

Kupotae, ”Oo Ue, Ue Alano asa wawo langi, Ue Ala langkai pabawa-Do ka mongkokongiri, anu me'ini a mpedandia ka pompehohawa-Do a mia anu mehohawa Ira ka tumondao luwuno parenta-Do,

Ayubi 2:10

Sine sumangki i Ayubi ndi onae, ”Omue mepau kana beine monge-monge! Nde inehetoke montarima butu anu moiko inso ndi Ondae Ue Ala, sine nahi tobehe montarima anu nahi moiko?” I larono luwuno atuu i Ayubi nahi tehalaako wiwino.

Ayubi 5:17

Menteeano, me'uraomo mia anu Dokuahakono Ue Ala, onaemo pu'uno tarimaomo pompaguru-Do Anu Tedoa Pabawa.

Po'unde-unde 11:5

Ondae i Ue paresao mia mentee ka mia mosa'o gauno, ka Do'o'aliaakono mia anu mongkekewoi pobobarasaia.

Po'unde-unde 119:67

Se'eluno napi kupine'uru-uru, da tesaa aku, sine kanandio-andio ongkue me'ini a dandi-Miu.

Po'unde-unde 119:71

Lano kupemoikoo nine ongkue pinokongkodei, ka kupepaguruakono luwuno pompakosi-Miu.

Po'unde-unde 119:75

Kuto'orio, oo Ue, nine luwuno songka-Miu moleo, ka nine tekona Ipokongkodei aku.

Po'unde-unde 5:11

Po'ineeomo domentembio salado, oo Ue Ala, po'ineeomo dontedonta hangano sinongkado ondaedo; Itadi iramo hangano hadiono halado, hangano ondae me'ewa ndi omiu.

Po'unde-unde 94:12

Me'uraomo mia anu pinaguru-Miu, oo Ue, ka anu Ipaguruakono Songka-Miu.

Peluarakoa 20:6

Sine Aku mopokitao pompehohawa-Ku a nsowu-sowuno mia, ndi ondae anu mpehohawa Aku ka anu mpe'ini a luwuno songka-Ku.

Powadi 17:3

Kawali kodei atuu pompokolonoa salaka ka pompotuwua api pompokolonoa wulaa, sine Ondaemo i Ue anu paresao aroa.

Yesaya 64:4

Mompu'u i ndi'ipua se'eluno nahi hori teronge, nahina biri anu moronge, ka nahina mata anu hori mongkita maupo Ue Ala isua, sangkadio Omiu, anu moweweu tiado mia anu sumikori Ira. Butu Omiu anu moweweu kanatuu.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

I MATIU 10:22

Ka ira me'o'aliaakomiu luwuno mia hangano nee-Ku; sine mia anu mompedato hawe a pokotompaano ta tekadudui.

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I LUKASI 6:22

Meme'ura komiumo, tewala hangano i Ana Manusia ka dome'o'aliaakomiu mia, ka tewala domentadi komiu, ka mentata komiu saru mpokomosa'oo neemiu.

ROMA 5:4

ka morosono aroa mompokohina mentiino pinewowolo ka mentiino pinewowolo mompokohina pomperorohi.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

1 KORINTI 2:9

Sine kana hinao teburi, ”Hapa anu nahi hori kumitao mata, ka nahi hori rumongeo biri, ka anu nahi hori me'umbaako i laro aroano mia: luwuno anu pinatinda-Do Ue Ala tiado anu mehohawa Ira.”

1 KORINTI 8:3

Sine mia anu mehohawa Ira Ue Ala, Doto'orio Ue Ala.

1 KORINTI 9:25

Sompo-sompo mia anu metonda a mpetandia, ka ipokompeteao koroino a luwuakoano. Domeweweuo kanandio ka dompohawe ramba-ramba ulu anu ta tampula, sine ontae ka tompohawe ramba-ramba ulu anu nahina tampulaano.

Winali 13:3

asalakono si mperorongeakono pinauno nabi ke puu mpo'ipi atuu. Hangano, Ondae i Ue, Ue Alamiu, umara-arahako komiu ka Doto'orio, ba mentee koa ntu'u impehohawa Ira a tompaano aroamiu ka a tompaano sumangamiu.

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.

Winali 8:2

Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.

2 TIMOTIU 2:15

Ungkeakonomo ka ipototomu i aro-Do Ue Ala kana asa mia puu mpo'angga anu siimo imokoko'ii, pauo manasa paleleo pau menteea atuu.

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

IBARANI 10:32

Impewowoloomo tempo anu telalo. Umarimiu mentarimao mewine, hadio pinemarasaimiu hangano mpekorahako komiu a mpeteahako anu mobea,

IBARANI 11:17

Hangano pompe'ala-ala onaemo i Burahima tempono i inara-arahako, ipesombaakono i Saki. Onae, anu tumarimaomo dandi atuu, ipe'induakono mesombaakono anano anu asa-asa,

IBARANI 12:5

Ka imengkolupeomoke patudu anu mepau ndi omiu kana a nana'ote, ”Hei anaku, si mperuanahio pompaguru-Do i Ue, ka si telusa aroamu tewala Dokuahakomu;

IBARANI 6:15

I Burahima sabara mesikori ka hangano kanandio ihaweo hapa anu dinandiako ndi onae.

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

YAKOBU 5:11

Menteeano kimempau ira meme'ura, onaemo andio anu mpompedato iramo; imerongeomo mongkona pompedatono i Ayubi ka imento'oriomo hapa anu poko'ariano Dopatiandaakono i Ue, hangano Ondae i Ue tedoa mompehahowa ka buke pe'aroa.

1 PETURU 3:14

Sine maupo asalakono imemarasai mbo'u hangano menteea, komiu koa meme'ura. Onaemo pu'uno si medoitoakono hapa anu dinoitoakodo ka si pondidi-ndidi.

1 PETURU 4:13

Tendeano, impo'undemo, menunu saru tia anu hinawemiu a ntebobarasai-Do i Kerisituu, ka impohawe koa mbo'u mawongko ka mpo'unde a tempo Dopokomengkaao maramba-Do.

1 PETURU 4:14

Meme'ura komiumo, tewala mentinata komiu hangano nee-Do i Kerisituu, hangano Penaa marambaa, onaemo Penaa-Do Ue Ala kongko ndi omiu.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

1 PETURU 5:4

Ka omiu, tewala hawe Ira Puu Pompakambi Langkai, komiu mpontarima ramba-ramba ulu marambaa anu nahi pokomoleu.

1 YOHANE 4:19

Mpompehohawa kita, hangano Ondae Ue Ala tese'elu mehohawa kita.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 3:19

Ba isema Kupehohawao, Kukuahakono ka Kusepio; onaemo pu'uno peweengakonomo aroamu ka tepidimo!

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.