Winali 9:7 - Wunta Mempori

⁷ Impewowoloo koa, si mengkolupeo, nine impokotesingkaomo tekuda-Do i Ue, Ue Alamiu i pada one. Mompu'u impeluarako inso i wita Masiri ranta kai mehawe i ndi'ai, ime'ewai Ira i Ue.

Winali 9:7 ပူးပေါင်းရင်းမြစ်များ

Peluarakoa 14:10

Mansano umpedaomo i Pirao, mpewolili iramo to Isaraeli, domengkita iramo to Masiri aiwa tumonda ira. Onaemo to Isaraeli ka domedoito ntu'u, ka dompebooli ndi Ondae i Ue.

Peluarakoa 14:11

Ka dompotae ndi Musa, ”Nde nahina pekaburua i wita Masiri, onaekoa kau wawa kami memate i pada one andio? Hapa tinoomu wawa kami mpeluarako inso i wita Masiri?

Peluarakoa 16:2

I pada one atuu mpewuruki ira luwuno bawaa Isaraeli ndi Musa ka ndi Haruni;

Peluarakoa 17:2

Gaagi, dompegagaakono i Musa, ka dompotae, ”Powee kamimo uwoi, ka kimpo'inu.” Sine ipotae i Musa ndi ondae, ”Tembio ka impegagaakune? Si me'ara-arahako Ira i Ue?”

Peluarakoa 23:21

Impepenteeo, imerongeo pinauno. Si me'ewaio, nde nahi ta umoninio halamiu, hangano nee-Ku kongko ndi onae.

Yesaya 48:8

Omue nahi urongeo ke ba uto'orio, ka birimu mbo'u nahi te'ungkahi mompu'u i ndi'ipua. Sine, Kuto'oriomo nine poweweumu tedoa mosa'o, ka domempauo mia nine omue Puu Mpe'ewa mompu'u inso a mpe'anakaa.

Yeremia 11:10

Ondae wali meweweuo sala mpeleludo uempu'udo anu i ndi'ipua nahi dobehe mperorongeakono pau-Ku. Ondae mpetonda a mpinesombai susua ka mpesomba ndi onae. Suku Isaraeli ka suku Yehuda domehapuomo pedandia-Ku anu Kuwutuo saru uempu'udo.

Yeremia 32:30

Hangano to Isaraeli ka to Yehuda mpoweweu butu anu mosa'o a pongkita-Ku mompu'u tempo imongura; mentee ntu'u, to Isaraeli butu mpokotesingkao tekuda-Ku hangano wineweuno kaedo, kanandiomo pau-Do i Ue.

Yeremia 44:9

Nde imengkolupeomoke mosa'ono poweweudo uempu'umiu, mosa'ono poweweudo mokole i Yehuda, mosa'ono poweweudo mia pinemota'udo, mosa'ono poweweumu ka luwuno beinemu, anu wineweu i wita Yehuda ka a luwuno sala i Yerusale?

Yehesikieli 20:13

Sine, suku Isaraeli me'ewa ndi Ongkue i pada one. Nahi domentuwu montonda luwuno pompakosi-Ku ka nahi domentarimao luwuno atora-Ku, kahinaano mia anu weweuo ta tuwu. Ondae mbo'u tedoa mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae i pada one ka mepate ira.

Yehesikieli 20:43

I ra'ai komiu merambeo luwuno pelelu ka wineweumiu anu kumokoburutio koroimiu. Komiu memokokowuere mengkitao koroimiu hangano luwuno wineweumiu anu mosa'o.

Yehesikieli 20:8

Sine, ondae me'ewa ndi Ongkue ka nahi dobehe meronge Aku. Sompo mia nahi tadi ira pinesombaino anu mokoburu, ba isua ite'aro matano, ka nahi binta ira lahumoado to Masiri. Ka Kupontoo umuwuo tekuda-Ku ndi ondae, motiio tekuda-Ku ndi onae i tonga-tongano wita Masiri.

Yehesikieli 36:31

Komiu nterorambe a mpelelumiu anu mosa'o ka wineweumiu anu nahi moiko. Komiu memokoburuakono koroimiu hangano sala ka wineweumiu anu mokoburu.

Podoaa 11:4

Asa bawaa mia anu kongko i olodo tedoa me'ineheakono bau, ka to Isaraeli mbo'u mpengese dompotae, ”isemake anu ta pakaa kita bau?

Podoaa 14:22

luwuno mia anu kumitaomo maramba-Ku ka luwuno anu kinohali-haliako anu Kuweweuo i Masiri ka i pada one, sine pempulumo dome'ara-arahako Aku ka nahi domebehe merongeo pau-Ku,

Podoaa 17:10

Mepau Ira i Ue ndi Musa, ”Pokuleomo tukono i Haruni i arono buruano songka kai ninaa gagi petondoni a luwuno mia bunto, ka mokotampulao pewurukido mongkona Ongkue, kasi domemate.”

Podoaa 21:5

Ka do'amba mpepauki umewai Ira Ue Ala ka i Musa, ”Tembio ka Iwawa kami mpeluarako inso i Masiri? Ka kimemate i pada one andio? Hangano i ndi'ai nahina roti ka nahina uwoi, ka kaanga motewe andio nte'osa kamimo.”

Podoaa 25:2

Do'oluako ira tongku atuu metondao gau mpesomba a mpinesombaido ka tongku mbo'u atuu mpetonda ira mpongkaa saru mpesombaio pinesombaido.

1 KORINTI 15:9

Hangano ongkuemo anu lalu i totono inso a luwuno tinena, tendeano nahi pototoku nineeako tinena, hangano kubobarasai iramo bawaa-Do Ue Ala.

EPESU 2:11

Onaemo pu'uno impewowoloomo, nine i ndi'upua omiu – anu komba to Yahudi montonda koroi, ondae anu meneeakono koroido ”tindi” meneeakomiu mia nahi mpetindi, onaemo petindi ngkoroi anu inanggano kaeno mia, –

Winali 31:27

Hangano kuto'orio motea aroamu ka mpe'ulu watumu. Sekonopo kanandio-andio, da tuwu aku saru omiu, memotea aroa komiumo ndi Ondae i Ue, tamoako te'ingka tewala mate akumo!

Winali 8:2

Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.

Winali 9:24

Tendeano ime'ewai Ira i Ue, mompu'u kuto'ori komiu.

Winali 9:4

Si mpotae i laro aroamiu, tewala Dosaari iramo i Ue, Ue Alamiu inso i aromiu: Hangano menteekumo ka Dowawa aku i Ue mewinso mentorokio wita andio. Kahinaano hangano koa mosa'o gaudo tongku atuudo ka Dosaari ira i Ue inso i aromiu.