Winali 9:4 - Wunta Mempori

⁴ Si mpotae i laro aroamiu, tewala Dosaari iramo i Ue, Ue Alamiu inso i aromiu: Hangano menteekumo ka Dowawa aku i Ue mewinso mentorokio wita andio. Kahinaano hangano koa mosa'o gaudo tongku atuudo ka Dosaari ira i Ue inso i aromiu.

Winali 9:4 ပူးပေါင်းရင်းမြစ်များ

Tegagia 15:16

Sine inule anu ko'opaa ira mpekule i ndi'ai, hangano mosa'ono poweweudo to Amori atuu napi inihii ranta kanandio-andio.”

Yehesikieli 36:22

Onaemo pu'uno, pauako iramo suku Isaraeli: Kanandiomo pau-Do Ue Ala: Komba hangano omiu Kuweweuo, hei suku Isaraeli, sine hangano nee-Ku anu mempori anu imengkokoburutio i olodo luwuno tongku ba isua imelako.

Yehesikieli 36:32

Komba hangano omiu Kuweweuo, kanandiomo pau-Do Ue Ala, to'oriomo atuu. Imponto'orimo memokoko'ii ka po'ineeomo imempinokoko'ii hangano pelelumiu, hei suku Isaraeli.

Imama 18:3

Siimo impoweweu kana anu wineweudo mia i wita Masiri a mpo'iangamiu i ndi'ipua. Siimo mbo'u impoweweu kana anu wineweudo mia i wita Kana'a ba isua Aku wawa komiu. Siimo imentuwu montonda gaudo.

ROMA 11:20

Moikoomo! Mempinudu ira hangano nahi dompompe'ala-ala, ka omiu tepontade moleo hangano pompe'ala-ala. Si mpompelangka-langkai, sine imedoitomo!

ROMA 11:6

Sine tewala mongkona atuu gagi hangano pompehohawa, ka komba mbo'u hangano wineweu, hangano tewala komba kanatuu, asalakono pompehohawa atuu komba pompehohawa mbo'u.

1 KORINTI 4:4

Hangano lano nahina pinokonto'oriku, sine komba hangano atuu kupinokomenteeako. Ondae anu bitara aku, onaemo Ondae i Ue.

1 KORINTI 4:7

Hangano isemake anu tumuduo laluakopo? Ka hapake anu hina ndi omue, anu nahi utarimao? Ka tewala lano utarimao, tembio ka umawongkoako, kana nahi utarimao?

Winali 12:31

Si mpoweweu kanatuu ndi Ondae i Ue, Ue Alamiu. Hangano, luwuno anu gagi mokoburu-Do i Ueka Do'o'aliaakono, onaemo wineweudo a anu pinesombaido. Tendeano anado tama ka beine domentunuo ia api tiano anu pinesombaido.

Winali 31:27

Hangano kuto'orio motea aroamu ka mpe'ulu watumu. Sekonopo kanandio-andio, da tuwu aku saru omiu, memotea aroa komiumo ndi Ondae i Ue, tamoako te'ingka tewala mate akumo!

Winali 8:17

Onaemo si mpotae i laro aroamiu: Pabawaku ka rosono kaeku anu weweu aku humaweo pompolia andio.

Winali 9:24

Tendeano ime'ewai Ira i Ue, mompu'u kuto'ori komiu.

Winali 9:5

Komba hangano menteemiu ke moleono aroamiu impentorokio witado. Sine hangano koa mosa'ono gaudo tongku atuu ka Dosaari ira i Ue, Ue Alamiu inso i aromiu, ka Do'ihiio i Ue dandi-Do anu pinau-Do saru sumpa ndi ondae i Burahima, i Saki ka i Yako, uempu'umiu.

Winali 9:7

Impewowoloo koa, si mengkolupeo, nine impokotesingkaomo tekuda-Do i Ue, Ue Alamiu i pada one. Mompu'u impeluarako inso i wita Masiri ranta kai mehawe i ndi'ai, ime'ewai Ira i Ue.

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo