Winali 9:29 - Wunta Mempori

²⁹ Kombake ondae atuu lano bawaa-Miu, anu mpelurako Iwawaako ira roso-Miu anu langkai ka saru tokia-Miu anu tetande?”

Winali 9:29 ပူးပေါင်းရင်းမြစ်များ

1 Mokole 8:15

Ipotae, ”Unde-unde Ira i Ue, Ue Alado to Isaraeli, anu Doweweuakonomo kae-Do pau anu Dopohaweakonomo wiwi-Do ndi Daudi, amaku, kanandio:

1 Mokole 8:51

hangano ondae atuu bawaa-Miu ka tia pusaka-Miu anu Iwawa iramo mpeluarako inso i wita Masiri, inso i tongano awu pompokolonoa labu.

Nehemia 1:10

Kombake luwudo andio tetenaa-Miu ka bawaa-Miu anu Ipotolaako iramo roso-Miu anu langkai ka kae-Miu anu moroso?

Po'unde-unde 100:3

To'oriomo nine butu koa Ondae i Ue, Ue Ala; Ondaemo anu mokogagi kita ka Ondaemo anu me'ue kita, bawaa-Do ka bawaano bimba pinakambi-Do.

Po'unde-unde 106:40

Onaemo ka itensila tekuda-Do i Ue a bawaa-Do, ka Domokoburuako ira mia-Do.

Po'unde-unde 136:12

saru kae-Do anu moroso ka tokia tetande! Menteeano ranta nahina tampulaano pompehohawa-Do.

Po'unde-unde 28:9

Po'ineeomo ka Ikadudui ira bawaa-Miu ka Ironso iramo mia-Miu, Ipakambi iramo ka Ipokowali iramo ranta nahina tampulaano.

Po'unde-unde 77:15

Omiumo Ue Ala anu moweweu kinohali-haliako; Ipokomengkaaomo pabawa-Miu i olodo luwuno tongku.

Po'unde-unde 95:7

Hangano Ondaemo Ue Alato, ka ontaemo bawaa pinakambi-Do, bawaano bimba tinaateno kae-Do. A oleo andio, tewala mansa imerongeo suara-Do!

Peluarakoa 19:5

Gagi kanandio-andio, tewala mentee ntu'u komiu mpoperorongeako pau-Ku ka mpe'ini a mpedandia-Ku, komiu megagi tongku pinehohawa-Ku inso i olodo luwuno tongku, nde asa wawontolino andio Ongkue me'ueo.

Peluarakoa 33:13

Kanandio-andio, tewala mohawe aku pompehohawa i aro-Miu, Ipauakune po'ehe-Miu ranta ka kuto'ori-Komiu, ka kukongko mpiha mohawe pompehohawa i aro-Miu. Ipewowoloo tongku andio bawaa-Miu.”

Peluarakoa 34:9

Ipotae, ”Tewala mohawe aku pompehohawa i aro-Miu, oo Ue, Ikongkomi kamimo, oo Ue. Lano tongku andio me'ulu watu, sine I'oninio sala ka hala mami, ka Ipokogagi kamimo bawaa-Miu.”

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 63:19

Kana ntu'u mompu'u i ndi'ipua se'eluno nahi kimehori mpo'ia i totono poparenta-Miu, kana ntu'u omami nahi hori pinau saru nee-Miu.

Yesaya 64:8

Sine kanandio-andio, oo Ue, Omiumo Amamami! Omami andio wita pulu ka Omiumo anu weweu kami, luwumami onaemo wineweuno kae-Miu.

Yeremia 27:5

Ongkuemo saru roso-Ku anu langkai ka tokiaku anu tetasiako mokogagio tolino, mia ka pinotuwu anu kongko i wawontolino, ka Kupeweengakono a mia anu mentee a pongkita-Ku.

Winali 32:9

Sine tia-Do i Ue onaemo bawaa-Do, i Yako onaemo tia-Do pusaka anu pinakosi-Do.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 9:12

Ka Do'amba mepau i Ue ndi ongkue, ”Rongamo petii inso i ndi'ai, hangano tongkumu anu winawamu mpeluarako inso i wita Masiri, mosa'oomo gaudo. Ronga iramo ntu'u mepansia inso a nsala anu Kuparentaako ira. Mpoweweu iramo tinaha tinawa.”

Winali 9:26

Mekakai aku ndi Ondae i Ue, kupotae, ”Oo Ue Ala, siimo Iropu ira bawaa-Miu, anu Itolosiako ira langkaino pabawa-Miu ka Iwawaako ira kae-Miu anu moroso mpeluarako inso i wita Masiri.