Winali 9:27 - Wunta Mempori

²⁷ Ipewowolo iramo, i Burahima, i Saki ka i Yako tetenaa-Miu. Siimo Ipewowoloo moteano aroado tongku andio, gaudo anu mosa'o ka halado.

Winali 9:27 ပူးပေါင်းရင်းမြစ်များ

Tegagia 19:29

Kanatuumo tempono Doropuo Ue Ala luwuno kota i Lembono Yarade, Ondae Ue Ala rumambeo i Burahima. Onaemo ka Doluarakono Ue Ala i Lo'oti inso i tongano po'ianga anu winowangunsule-Do atuu, tempono luwuno kota po'iangano i Lo'oti Dowowangunsuleo.

Po'unde-unde 130:3

Tewala Irambeo mpiha salamami, oo Ue, isemake anu polio me'aro ndi Omiu?

Po'unde-unde 78:8

ka si kana uempu'udo, inule anu humapu Ira i Ue ka me'ewa, inule anu nahi rodo aroado ka nahi moroso dompe'ini ndi Ondae Ue Ala.

Peluarakoa 13:5

Tewala Dowawa komiumo i Ue a witado to Kana'a, to Heti, to Amori, to Hewi ka to Yebusi, wita anu umari dinandi-Do mesumpa ndi ondae uempu'umiu Ira weeakomiu, wita anu tedoa hadio susu ka siu hoani, asalakono komiu meweweuo pesomba i larono wula koa andio.

Peluarakoa 3:16

Lakomo, pumpu ira mia memotota'u to Isaraeli ka pauako ira: Ondae i Ue, Ue Alado uempu'umiu, i Burahina, i Saki ka i Yako, mepopokita iramo ndi ongkue, ka Dopepau: Kuperiokomiumo, kanatuu koa mbo'u hapa anu wineweudo ndi omiu i wita Masiri.

Peluarakoa 3:6

Mepau Ira mbo'u i Ue, ”Ongkuemo Ue Alado uempu'umu, Ue Alado i Burahima, i Saki ka i Yako.” Ka i'amba i Musa tumutuwio rupano, nde doitono kumita Ira Ue Ala.

Peluarakoa 32:13

Ipewowolo ira i Burahima, i Saki ka i Isaraeli, ondae tetenaa-Miu atuu. Ndi ondae mesumpa Komiumo ia nee-Miu ka Ipepau, Aku weweuo inulemu kana hadiono anano wula i langi, ka luwuno wita anu Kudandia komu andio Aku weeako ira inulemu, ka dompe'ueo ranta nahina tampulaano.”

Powadi 21:12

Anu Tedoa Moleo mekokoongakono rahano mia mosa'o gauno, ka dumontaio mia mosa'o gauno a laro masolaa.

Yeremia 14:21

Itarima kamimo, a nee-Miu, ka siimo Ipokomoteweo kadera maramba-Miu! Irambeomo pedandia-Miu saru omami ka siimo Ibalio!

Yeremia 50:20

I tempo atuu, kanandiomo pau-Do i Ue, mia ta mo'ungke salano i Isaraeli sine nahi pohawe, ka halano i Yehuda sine nahi pohawe, hangano Aku umoniniako ira halado mia anu Kupo'inee ira mentuwu.

Imama 26:42

Aku rumambeo pedandia-Ku saru i Yako; pedandia-Ku mbo'u saru i Saki ka pedandia-Ku saru i Burahima ka wita atuu Aku rumambeo mbo'u.

Imama 26:45

Hangano ondae Aku rumambeo pedandia-Ku saru luwuno mia nse'elu anu winawa-Ku mpeluarako inso i wita Masiri i arodo luwuno tongku, ka Kugagi Ue Alado. Ongkuemo Ue.”

Winali 9:26

Mekakai aku ndi Ondae i Ue, kupotae, ”Oo Ue Ala, siimo Iropu ira bawaa-Miu, anu Itolosiako ira langkaino pabawa-Miu ka Iwawaako ira kae-Miu anu moroso mpeluarako inso i wita Masiri.

Winali 9:28

Kasi dompotae mia inso a wita Iwawa kami mpeluarako, ’Hangano nahi Dopokowawa ira i Ue mpewinso i wita anu Dodandiako ira, ka hangano Do'o'aliaako ira, onaemo ka Dowawa ira mpeluarako ta mepate ira i pada one.’

1 Samueli 25:25

Siimo iperioo i Naba, mia lambaha atuu, hangano kana neeno kanatuumo onae, neeno i Naba, mia nahi montaso pinewowolono. Ongkue nahi kukita ira mia tinenamiu,