Winali 9:1 - Wunta Mempori

¹ Imerongeomo, hei to Isaraeli! Oleo andio Kosumakio Koro Yarade, komiu mpewinso saru mpetorokio witado luwuno tongku anu lalu langkai ka lalu moroso sekono omiu, saru luwuno kota langkai anu bente pekorahakoano hawe i langi.

Winali 9:1 ပူးပေါင်းရင်းမြစ်များ

Tegagia 11:4

Mpotae ira mbo'u, ”Aiwamo tompowangu asa kotato ka asa menara anu punsuno hawe i langi. Aiwamo tompo'ungke nee, kasi tontesiarawo i asa wawontolino.”

Peluarakoa 32:1

Mansado mengkitao tongku atuu, nine i Musa tehineomo nahi hori metii inso i torukuno atuu, mpepumpu iramo melimbuo i Haruni ka dompotaeakono, ”Aiwa, poweweuakami Ue Ala anu ta melempa i aromami. Hangano i Musa, mia anu wawa kita mpeluarako inso i wita Masiri, nahi kimento'orio hapa anu gagi ndi onae.”

Danieli 4:11

Keu atuu tetiangi langkai ka moroso, ondauno hawe i langi, ka tengkita hawe i tompano asa wawontolino.

Amosi 2:9

Kahinaano inso i arodo Kuropu iramo to Amori, anu ondaudo kana ondauno keu arasi ka rosodo kana keu tarabanti. Kupokotampulaomo wuano inso i wawono ka hakano inso i totono.

Podoaa 13:22

Mpelempa ira melaloo wita Nege ka mehawe i Heberoni. I ra'ai rau i Ahimani, i Sesai ka i Talumai, inuledo to Enaki. Heberoni winangu tese'elu opitu nta'u sekono Soani i Masiri.

Podoaa 33:51

”Pepaumo a nto Isaraeli ka potaeako ira: Tewala imensakio koro Yarade melako i wita Kana'a,

Winali 1:28

Isua mbo'u kita melako? Ondae pepaekompoto meweweuomo aroato ntelusa, dompotae: Mia atuudo melolangkai ka me'ondau irapo sekono ontae, luwuno kotado langkai ka luwuno bente pekorahakoa hawe i langi, ka kimengkita ira mbo'u to Enaki i ra'ai.”

Winali 11:23

manasa Ondae i Ue sumaari ira luwuno tongku andio inso i aromiu, ranta kai mpetorokio witado luwuno tongku anu langkaiopo ka morosoopo sekono omiu.

Winali 11:31

Hangano omiu andio nami ta tehine komiu mensakio koro Yarade kai mpewinsokio ka mpetorokio wita anu Doweeakomiu i Ue, Ue Alamiu. Ka tewala komiu mpetorokio ka mpo'iangario,

Winali 27:2

A oleo imensakio Koro Yarade melako a wita anu Doweeakomiu i Ue, Ue Alamiu, omiu asalakono mpontade ira watu melolangkai, ka imengkapuruo.

Winali 3:18

I tempo atuu kuparentaa komiu, kanandio, ”Ondae i Ue, Ue Alamiu Doweeakomiu wita andio ka impe'ueo. Sine omiu luwuno mia moroso ka mosia, asalakono impesakiako saru sangka peteamiu i arodo pepaekompomiu, to Isaraeli.

Winali 4:1

”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 4:38

Ira sumaario inso i aromiu luwuno tongku anu lalu langkai ka moroso sekono omiu ka Dowawa komiu mpewinso a witado ka meweengakono ndi omiu gagi pusakamiu, kana anu gagi kanandio-andio.

Winali 6:10

Ondae i Ue, Ue Alamiu, Ira wawa komiu mpewinso a wita anu dinandi-Do saru sumpa ndi Burahima, ndi Saki ka ndi Yako, uempu'umiu, ta pineweengako ndi omiu: wita saru luwuno kotano anu langkai ka moiko, anu nahi mewanguo.

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Yosua 1:11

”Imelakomo ia luwuno kemado ka utena ira, kanandio: Imempatindao kaangamiu, nde ilarono otolu oleo komiu mensakio koro Yarade andio ka komiu melako mensapoio inia anu Ira wee komiu i Ue, Ue Alamu, ka impo'iangario.”

Yosua 1:15

ranta Ondae i Ue moweeako ira rodoa ia pepaekompomiu kanakoa mbo'u ndi omiu, ka ira mbo'u impo'iangario inia anu ta weeako ira i Ue, Ue Alamu. Umari atuu moikoomo impekule i inia miu ka impo'iangario anu iweakomiu i Musa tetenaa-Do i Ue atuu i asatowano koro Yarade, te'alaako i sabaano oleo.”

Yosua 14:12

Gaagi iwee akumo mentorukuno, anu dinandi-Do i Ue ia tempo atuu, nde omiumo isa'a anu rumongeo, motae i ra'ai hinao to Ena saru kota langkai ka mebente. Bara'ura Dokongkomi aku i Ue, ka kupokosaari ira, kana anu pinau-Do i Ue.”

Yosua 3:14

Mansado tongku atuu mpelungka inso ia mpekemaado ka ira mensakio koro Yarade, luwudo sando mpesomba pontande burua pedandia pelempa i arodo tongku atuu.

Yosua 3:16

Menaa-naaomo uwoi atuu waa. Uwoi metii inso iwawono te'ili gagi bunto olai ntu'u, umpeda i Adama, kota anu asambalino Saritani, sine uwoi anu waa lako i Tahi Araba atuu, anu nineeako Tahi Me'ohia te'otuhi. Mpesakiako iramo tongku atuu i asambalino kota Yeriko.

Yosua 3:6

Ka ia luwudo sando mpesomba ipotae i Yosua kanandio, ”Imentandeomo burua pedandia impesakiakomo i arodo tongku atuu.” Domentandeomo burua pedandia ka dompelempa i arodo tongku atuu.

Yosua 4:19

Luwuno tongkudo to Isaraeli mpeluarako inso ia koro Yarade ia tanggala hopulu wula ko'asa, ka mpoweweu kema i Giliga, i sabaano oleo Yeriko.

Yosua 4:5

ka ipotaeako ira i Yosua, ”Impesakiakomo i arono burua pedandia-Do i Ue, Ue Alamiu, i tonga-tongano koro Yarade, ka impo'ala nte'o'asa mia asa watu ka imempo'ahao, montonda doano tongkudo to Isaraeli,