Winali 8:18 - Wunta Mempori

¹⁸ Sine asalakono impewowolo Ira i Ue, Ue Alamiu, hangano Ondaemo anu moweeakomiu roso kai mpohawe pompolia, anu tinoo-Do mokorosoo pedandia anu pinau-Do saru sumpa ndi ondae uempu'umiu, kana kanandio-andio.

Winali 8:18 ပူးပေါင်းရင်းမြစ်များ

Tegagia 32:14

rua etu bembe waino ka rua pulu bembe lakino, rua etu bimba waino ka rua pulu bimba lakino,

1 Tawarika 29:12

Hangano pompolia ka marambaa inso ndi Omiu ka Omiumo anu pabawa a luwuakoano. A ngkae-Miumo roso ka pompolia; a ngkae-Miumo pabawa mompokolangkai ka mompokomoroso luwuakoano.

2 Tawarika 25:9

Ka i'amba motae i Amasia a ntetenaa-Do Ue Ala atuu, ”Kana'umpemo asa etu talenta anu kuweeako iramo luwuno sorodadu Isaraeli?” Sumangki tetenaa-Do Ue Ala atuu, ”Ondae i Ue moweeakomiu laalo sekono atuu!”

Po'unde-unde 144:1

Inso ndi Daudi. Inunde-unde Iramo i Ue, torukuno watuku, anu paguruo kaeku metea, ka wunga ngkaeku metea.

Po'unde-unde 44:3

Saru kae-Miu isa'a Isaari iramo tongku, ka Itano ira; Isolangi ira suku tongku, Ipo'inee ira ntetiangi.

Powadi 10:22

Poronso-Domo i Ue anu mompokogagi kaea, pe'isei nahi ta tumiangio.

Puu Pontutulu 12:1

Pewowolo Iramo Anu mokogagiko i tempono umongura, se'eluno napi hawe oleo anu urasa'o ka me'umpedaako ta'u anu pinaumu, ”Nahina pompesanaaku i larono”;

Puu Pontutulu 9:11

Ka mbo'u kukitao i totono mata'oleo nine ponangia a mpetandia komba tiano anu magasi, ka peteaa komba tiano anu moroso, ka roti mbo'u komba tiano anu monto'ori, pompoli komba tiano anu pande mompewowolo, ka pompelangkai komba tiano anu pande mo'ungke akala, hangano tempo ka teweweuno dompembasaio luwu.

Yeremia 23:27

anu mpontooako luwuno mo'ipido anu domentutuluo a asa mia ka anu susua, weweu ira bawaa-Ku mengkolupeo nee-Ku, mengkena kana uempu'udo mengkolupeo nee-Ku hangano Baala?

Hosea 2:8

Onaemo pu'uno Aku wali umalao gandu-Ku i tempono ka anggoro-Ku i tempono, Aku wali sumintakio sawu wulu bimba ka sawu lena-Ku anu tumutuwio anuno.

Winali 26:10

Onaemo pu'uno, i ndi'ai aku mowawa hasilino wita amba-ambano anu Iweeakakune, oo Ue.” Umarino atuu, asalakono kau naao i aro-Do i Ue, Ue Alamu, ka menggolontu i aro-Do i Ue, Ue Alamu.

Winali 6:11

Luwuno raha bukeako luwuno sangka anu moiko anu komba omiu me'ihiio; luwuno sumuru anu komba omiu mengkekeo; luwuno mbo'u lere anggoro ka lere saitu anu komba omiu mempahoo. Tewala atuu gagi, ka impongkaa saru gagi mowohi,

Winali 7:12

Tewala imerongeo luwuno atora atuu, impe'ini ndi onae, ka imeweweuo, gagi ndi omiu, Ondae i Ue, Ue Alamiu, Ira me'ini a mpedandia ka pompehohawa anu pinau-Do saru sumpa ndi ondae uempu'umiu.

Winali 7:8

Sine hangano Dopehohawa komiu i Ue ka Do'inio sumpa anu Dopauomo ndi ondae uempu'umiu, Dowawa komiumo i Ue mpeluarako saru kae-Do anu moroso ka tumolosi komiu inso a mpo'ianga tepe'ataa, inso a ngkaeno i Pirao, mokole i wita Masiri.

Winali 8:1

”Luwuno parenta anu kupohaweakomiu a oleo andio, asalakono impetenunu meweweuo, kai mentuwu ka ntetiangi hadio ka impewinso saru mpetorokio wita anu dinandi-Do i Ue saru sumpa ndi ondae uempu'umiu.

Puu Mpobitara 3:7

To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.

Puu Mpobitara 7:2

Mepau iramo i Ue ndi Gideo, ”Palili anu merongaakomu Kupehadioo lahi ba kupeweengako ira to Midia a ngkaedo. Kasi mansa to Isaraeli mpompelangka-langkai ndi Ongkue, ka dompotae: Kaeku ongkueku anu tumolosi aku.

1 Samueli 2:7

Ondae i Ue weweuo mia gagi mongkokolaro ka gagi kaea. Ondae mompotii ka Ondae koa mbo'u mowuatako.